மத்திய பட்ஜெட் 2026: எல்லோரும் அறிந்துக்கொள்ள வேண்டிய முக்கிய அறிவிப்புகள்..!!

நிர்மலா சீதாராமன் இன்று (பிப்ரவரி 1, 2026) பாராளுமன்றத்தில் ஒன்றிய பட்ஜெட் 2026-27ஐ தாக்கல் செய்தார். இது அவரது தொடர்ச்சியான 9ஆவது பட்ஜெட் ஆகும். இந்த பட்ஜெட்டில் சமானிய மக்கள் முதல் பெரும் பணக்காரர்கள், தொழிலதிபர்கள், முதலீட்டாளர்கள் என அனைவரும் தெரிந்துக்கொள்ள வேண்டிய முக்கியமான விஷயங்களை தொகுத்து வழங்கப்பட்டு உள்ளது.

பயோபார்மா SHAKTI திட்டம்
பயோபார்மா உற்பத்தியில் இந்தியாவை உலகளாவிய மையமாக மாற்ற 5 ஆண்டுகளுக்கு ரூ.10,000 கோடி ஒதுக்கீடு அறிவிக்கப்பட்டது. 3 புதிய NIPER நிறுவனங்கள் மற்றும் 7 தற்போதுள்ளவை மேம்படுத்தப்படும். 1000க்கும் மேற்பட்ட கிளினிக்கல் டிரையல்ஸ் தளங்கள் உருவாக்கப்படும்.

இந்திய செமிகண்டக்டர் மிஷன் 2.0
செமிகண்டக்டர் உபகரணங்கள், உற்பத்தி, ஃபுல் ஸ்டேக் இந்திய IP வடிவமைப்பு, சப்ளை செயின் வலுப்படுத்தல் ஆகியவற்றுக்கு ISM 2.0 தொடங்கப்படும். தொழில்துறை தலைமையிலான ஆராய்ச்சி மற்றும் பயிற்சி மையங்கள் அமைக்கப்படும்.

எலக்ட்ரானிக்ஸ் பாகங்கள் உற்பத்தி திட்டம்
எலக்ட்ரானிக்ஸ் பாகங்கள் உற்பத்தி திட்டத்துக்கு ஒதுக்கீடு ரூ.40,000 கோடியாக உயர்த்தப்பட்டது. இது உள்நாட்டு உற்பத்தியை பெரிதும் ஊக்குவிக்கும்.

ரேர் எர்த் காரிடார்கள்
ஒடிசா, கேரளா, ஆந்திரா, தமிழ்நாடு போன்ற கனிம வளம் நிறைந்த மாநிலங்களில் ரேர் எர்த் காரிடார்கள் அமைக்கப்படும். சுரங்கம், பதப்படுத்தல், ஆராய்ச்சி, உற்பத்திக்கு சேவைகள் அளிக்கப்படும்.

3 கெமிக்கல் பார்க்குகள்
3 பிரத்யேக கெமிக்கல் பார்க்குகள் அமைக்கப்படும். கிளஸ்டர் அடிப்படையிலான பிளக்-ஆண்ட்-ப்ளே மாதிரியில் இது இயங்கும்.

கேப்பிட்டல் கூட்ஸ் திறன் வலுப்படுத்தல்
பொதுத்துறை நிறுவனங்களால் 2 இடங்களில் டிஜிட்டலாக இயங்கும் ஹை-டெக் டூல் ரூம்கள் அமைக்கப்படும். அதீத துல்லிய பாகங்களை நாட்டிலேடே வடிவமைத்து, சோதனை செய்து, உற்பத்தி செய்யும். கட்டுமான மற்றும் உள்கட்டமைப்பு உபகரணங்கள் (CIE) மேம்பாட்டு திட்டம் அறிவிக்கப்பட்டது.

கன்டெய்னர் உற்பத்தி திட்டம்
உலகளாவிய போட்டித்தன்மை கொண்ட கன்டெய்னர் உற்பத்தி சூழலை உருவாக்க ரூ.10,000 கோடிக்கு மேல் 5 ஆண்டுகளுக்கு ஒதுக்கீடு செய்யப்பட்டது.

நெசவு துறை ஒருங்கிணைந்த திட்டம்
இயற்கை இழைகள் (பட்டு, கம்பளி, சணல் - National Fibre), மனிதனால் உருவாக்கப்பட்ட இழைகள் (man-made fibres), புதிய இழைகளில் சுயசார்பு அடைய தேசிய பைபர் திட்டம் அறிவிக்கப்பட்டது. இதில் பாரம்பரிய தொழிற்துறை பகுதிகளை நவீனமயமாக்கும் திட்டம், மெகா டெக்ஸ்டைல் பார்க்குகள் அமைக்கப்படும்.

மகாத்மா காந்தி கிராம் ஸ்வராஜ் முயற்சி
காதி, கைத்தறி, கைவினைப்பொருட்களை வலுப்படுத்த மகாத்மா காந்தி கிராம் ஸ்வராஜ் முயற்சி அறிவிக்கப்பட்டது. உலக சந்தை இணைப்பு, பிராண்டிங், பயிற்சி, தரக் கட்டுப்பாடு ஆகியவற்றுக்கு ஆதரவு அளிக்கப்படும்.

பழைய தொழிற்துறை பகுதிக்கு மறுமலர்ச்சி
200 பழைய தொழிற்துறை பகுதிக்களை மீட்டெடுக்கும் திட்டம் அறிவிக்கப்பட்டது. உள்கட்டமைப்பு மற்றும் தொழில்நுட்ப மேம்பாடு மூலம் விலை அடிப்படையில் போட்டித்தன்மை மற்றும் திறன் உயர்த்தப்படும்.

சாம்பியன் SMEகள் உருவாக்கம்
ரூ.10,000 கோடி SME வளர்ச்சி நிதி அறிவிக்கப்பட்டது. எதிர்கால சாம்பியன்களை உருவாக்க தேர்ந்தெடுக்கப்பட்ட அளவுகோல்களின் அடிப்படையில் ஊக்குவிப்பு அளிக்கப்படும்.

Self-Reliant India Fund
சுயசார்பு இந்தியா நிதிக்கு கூடுதலாக ரூ.2,000 கோடி ஒதுக்கீடு செய்யப்பட்டது. சிறு நிறுவனங்களுக்கு ரிஸ்க் கேப்பிட்டல் பெறுவதை தொடர்ந்து வழங்கும்.

தொழில்முனைவோர் பயிற்சி
ICAI, ICSI, ICMAI போன்ற நிறுவனங்கள் டயர்-2, டயர்-3 நகரங்களில் 'கார்ப்பரேட் மித்ரா'க்களை உருவாக்க குறுகிய கால பயிற்சி வகுப்புகள் வடிவமைக்கப்படும்.

உள்கட்டமைப்புக்கு பெரும் தள்ளுபடி
2026-27 நிதியாண்டுக்கு மூலதன செலவு ரூ.12.2 லட்சம் கோடியாக உயர்த்தப்பட்டுள்ளது. உள்கட்டமைப்பு ரிஸ்க் கேரெண்டி நிதி அமைக்கப்படும். CPSEகளின் ரியல் எஸ்டேட் சொத்துகளை REITs மூலம் மறுசுழற்சி செய்யப்படும்.

சுற்றுச்சூழலுக்கு உகந்த சரக்கு போக்குவரத்து
டான்குனி-சூரத் டெடிகேட்டட் ஃபிரைட் காரிடார்கள் அமைக்கப்படும். அடுத்த 5 ஆண்டுகளில் 20 புதிய தேசிய நீர்வழிகள் இயங்கும். NW-5 ஒடிசாவில் தொடங்கி தல்சர், அங்குல், கலிங்க நகர் ஆகியவற்றை பராதீப், தாம்ரா துறைமுகங்களுடன் இணைக்கும்.

பயிற்சி மையங்கள்
நீர்வழிகள் முழுவதும் தேவையான தொழிலாளர்களை உருவாக்க பிராந்திய சிறப்பு மையங்கள் அமைக்கப்படும். வாரணாசி, பாட்னாவில் உள்நாட்டு நீர்வழிகளுக்கு கப்பல் பழுதுபார்க்கும் அமைப்பு உருவாக்கப்படும்.

கடற்கரை சரக்கு ஊக்குவிப்பு
கடற்கரை சரக்கு ஊக்குவிப்பு திட்டம் அறிவிக்கப்பட்டது. ரயில்-சாலை போக்குவரத்திலிருந்து நீர்வழி மற்றும் கடற்கரை ஷிப்பிங்குக்கு மாற்றத்தை ஊக்குவிக்கும். 2047ஆம் ஆண்டுக்குள் பங்கு 6 சதவீதத்திலிருந்து 12 சதவீதமாக உயரும்.

சீப்பிளேன் உற்பத்தி ஊக்குவிப்பு
சீப்பிளேன் உற்பத்தியை உள்நாட்டில் தயாரிக்க ஊக்குவிப்பு அளிக்கப்படும். சீப்பிளேன் VGF திட்டம் அறிவிக்கப்பட்டது.

நீண்டகால எனர்ஜி பாதுகாப்பு
அடுத்த 5 ஆண்டுகளுக்கு கார்பன் கேப்சர் பயன்பாடு மற்றும் சேமிப்பு (CCUS) தொழில்நுட்பத்துக்கு ரூ.20,000 கோடி ஒதுக்கீடு செய்யப்பட்டுள்ளது.

நகர பொருளாதார பகுதிகள்
நகர பொருளாதார பகுதிகளுக்கு (CER) ஒவ்வொன்றுக்கு ரூ.5,000 கோடி 5 ஆண்டுகளுக்கு ஒதுக்கீடு செய்யப்பட்டுள்ளது.

அதிவேக ரயில் தடங்கள்
மும்பை-புனே, புனே-ஹைதராபாத், ஹைதராபாத்-பெங்களூரு, ஹைதராபாத்-சென்னை, சென்னை-பெங்களூரு, டெல்லி-வரணாசி, வரணாசி-சிலிகுரி ஆகிய 7 அதிவேக ரயில் வழித்தடங்கள் அமைக்கப்படும்.

வங்கி துறை ஆய்வு
விக்சித் பாரத் இலக்குக்கு வங்கி துறையை மாற்றியமைக்க உயர்மட்ட குழு அமைக்கப்படும். நிதி ஸ்திரத்தன்மை, உள்ளடக்கம், நுகர்வோர் பாதுகாப்பு ஆகியவற்றுக்கு முன்னுரிமை அளிக்கப்படும்.

பவர் ஃபைனான்ஸ் மற்றும் REC மறுசீரமைப்பு
பவர் ஃபைனான்ஸ் கார்ப்பரேஷன் மற்றும் ரூரல் எலக்ட்ரிஃபிகேஷன் கார்ப்பரேஷன் மறுசீரமைக்கப்படும். அளவு மற்றும் திறனை உயர்த்தும்.

வெளிநாட்டு முதலீட்டு விதிகள் மறுஆய்வு
வெளிநாட்டு முதலீட்டு விதிகள் (Non-debt Instruments) மறுஆய்வு செய்யப்படும். இந்தியாவின் தற்போதைய பொருளாதார முன்னுரிமைகளுக்கு ஏற்ப user-friendly அடிப்படையிலான சட்டம் கொண்டு வரப்படும்.

நகராட்சி பத்திரங்கள்
ரூ.1,000 கோடிக்கு மேல் மதிப்புள்ள நகராட்சி பத்திர வெளியீட்டுக்கு ரூ.100 கோடி ஊக்கத்தொகை அறிவிக்கப்பட்டது.

கல்வி முதல் தொழில்முனைவு வரை
கல்வி முதல் தொழில்முனைவு வரை சேவை துறையை வலுப்படுத்த உயர்மட்ட நிலைக்குழு அமைக்கப்படும்.

துணை சுகாதார நிபுணர்கள்
துணை சுகாதார நிபுணர்களுக்கான நிறுவனங்கள் மேம்படுத்தப்படும். அரசு மற்றும் தனியார் துறைகளில் புதிய நிறுவனங்கள் அமைக்கப்படும். 5 ஆண்டுகளில் 1 லட்சம் துணை சுகாதார நிபுணர்கள் பயிற்றுவிக்கப்படுவர்.

ஆயுர்வேத நிறுவனங்கள்
3 புதிய அகில இந்திய ஆயுர்வேத நிறுவனங்கள் அமைக்கப்படும்.

கால்நடை துறை
கால்நடை நிபுணர்கள் 20,000க்கும் மேல் அதிகரிக்கப்படுவர். தனியார் துறையில் கால்நடை கல்லூரிகள், மருத்துவமனைகள், நோயறிதல் ஆய்வகங்கள், இனப்பெருக்க வசதிகளுக்கு கடன் தொடர்பான மூலதன மானிய உதவி திட்டம் தொடங்கப்படும்.

ஆரஞ்சு பொருளாதாரம்
மும்பை இந்தியன் இன்ஸ்டிடியூட் ஆஃப் கிரியேட்டிவ் டெக்னாலஜிஸ் ஆதரவுடன் AVGC (Animation, Visual Effects, Gaming, and Comics) கண்டென்ட் கிரியேட்டர் லேப்கள் 15,000 பள்ளிகள் மற்றும் 500 கல்லூரிகளில் அமைக்கப்படும்.

கல்வி
தொழில்துறை மற்றும் லாஜிஸ்டிக் வழித்தடத்தின் அருகில் 5 பல்கலைக்கழக நகரங்கள் உருவாக்கப்படும். ஒவ்வொரு மாவட்டத்திலும் ஒரு பெண்கள் விடுதி VGF/மூலதன ஆதரவுடன் அமைக்கப்படும்.

சுற்றுலா
நேஷனல் கவுன்சில் ஃபார் ஹோட்டல் மேனேஜ்மென்ட் மற்றும் கேட்டரிங் டெக்னாலஜி, தேசிய ஹாஸ்பிடாலிட்டி நிறுவனமாக மேம்படுத்தப்படும். 20 சுற்றுலா தலங்களில் 10,000 வழிகாட்டிகளுக்கு IIM உடன் இணைந்து 12 வார பயிற்சி அளிக்கப்படும்.

தேசிய டிஜிட்டல் அறிவு கிரிட்
கலாச்சார, ஆன்மீக, பாரம்பரிய தலங்களை டிஜிட்டலாக ஆவணப்படுத்த தேசிய டிஸ்டினேஷன் டிஜிட்டல் நாலெட்ஜ் கிரிட் அமைக்கப்படும்.

பாரம்பரிய மற்றும் கலாச்சார சுற்றுலா
லோதல், தோலாவிரா, ராக்கிகர்ஹி, ஆதிச்சநல்லூர், சாரநாத், ஹஸ்தினாபுர், லே அரண்மனை உள்ளிட்ட 15 தொல்பொருள் தளங்கள் சுற்றுலா இடங்களாக மாற்றப்படும்.

விளையாட்டு
அடுத்த பத்தாண்டுகளுக்கு விளையாட்டு துறையை மாற்றியமைக்க 'கேலோ இந்தியா மிஷன்' தொடங்கப்படும்.

நீண்டகால தீர்வுகள்
நீண்டகால பிரச்சினைகளிலிருந்து விலகி நீண்டகால தீர்வுகளை நோக்கி நகர்கிறோம் என்று பிரதமர் மோடி கூறினார். இது பொருளாதார ஆய்வறிக்கை தாக்கலின்போது தெரிவிக்கப்பட்டது.

நிதி ஒதுக்கீடு மற்றும் வளர்ச்சி
பட்ஜெட் மூலம் கிழக்கு பகுதி வளர்ச்சிக்கு பெரும் அறிவிப்புகள் வந்துள்ளன. எக்ஸ்பிரஸ் நெடுஞ்சாலைகள், பௌத்த சுற்றுலா வட்டம், சிறுபான்மையினருக்கான திட்டங்கள் ஆகியவை சிறப்பு கவனம் பெற்றுள்ளன. மத்திய அமைச்சர் கிரேன் ரிஜிஜு இதை "ரிஃபார்ம் எக்ஸ்பிரஸ்" என்று புகழ்ந்துள்ளார்.புதிய வருமான வரி சட்டம்
புதிய வருமான வரி சட்டம் 2025 ஏப்ரல் 2026 முதல் அமலுக்கு வரும். வருமான வரி செலுத்துபவர்கள் எளிதாக ITR தாக்கல் செய்யும் வகையில் விதிகள் மற்றும் படிவங்கள் எளிமையாக்கப்பட்டு விரைவில் அறிவிக்கப்படும்.

எளிதான வாழ்க்கைமுறை சீர்திருத்தங்கள்
மோட்டார் விபத்து உரிமை கோரிக்கை நீதிமன்றம் வழங்கும் வட்டிக்கு வருமான வரி விலக்கு அளிக்கப்படும். இதற்கான TDS முற்றிலும் நீக்கப்படும்.

TCS சீரமைப்பு
வெளிநாட்டு சுற்றுலா தொகுப்புகளுக்கு TCS விகிதம் 2%ஆக குறைக்கப்பட்டது (முன்பு 2-20%).
கல்வி மற்றும் மருத்துவ செலவுகளுக்கான LRS - TCS 5%லிருந்து 2%ஆக குறைக்கப்பட்டது.

மேன்பவர் சேவைகளுக்கு TDS எளிமை
மேன்பவர் சேவைகளுக்கு TDS விதிகள் தெளிவுபடுத்தப்பட்டன. இது தொழிலாளர் அதிகம் உள்ள தொழில்களுக்கு பெரும் நிவாரணமாக அமையும்.

சிறு வரி செலுத்துபவர்களுக்கு திட்டம்
சிறு வரி செலுத்துபவர்களுக்கு குறைந்த அல்லது பூஜ்ஜிய TDS சான்றிதழ் பெற தானியங்கி செயல்முறை அறிவிக்கப்பட்டது. மதிப்பீட்டாளரிடம் விண்ணப்பிக்க வேண்டிய அவசியம் இல்லை.

பிரிவு 15G/15H ஒற்றை சாளர தாக்கல்
டிவிடெண்ட், வட்டி போன்றவற்றுக்கு TDS விலக்கு பெற பிரிவு 15G/15H-ஐ டெபாசிட்டரிகளிடம் ஒற்றை சாளரத்தில் தாக்கல் செய்யலாம்.

திருத்த ITR தாக்கல் கால நீட்டிப்பு
வரி திருத்த ரிட்டர்ன் தாக்கல் காலம் டிசம்பர் 31லிருந்து மார்ச் 31 வரை நீட்டிக்கப்பட்டது. சிறு கட்டணத்துடன் தாக்கல் செய்யலாம்.

வரி தாக்கல் கால அட்டவணை
வரி ரிட்டர்ன் தாக்கல் கால அட்டவணை படிப்படியாக மாற்றப்படும். இது வரி செலுத்துபவர்களுக்கு எளிமைப்படுத்தப்படும்.

NRI அசையா சொத்து விற்பனை TDS
வெளிநாட்டினர் அசையா சொத்து விற்கும் போது TDS-ஐ குடியிருப்பாளர் PAN சலான் மூலம் செலுத்தலாம். TAN தேவையில்லை.

சிறு வெளிநாட்டு சொத்து வெளிப்படுத்தல் நிவாரணம்
ரூ.20 லட்சத்துக்கு கீழ் மதிப்புள்ள அசையா வெளிநாட்டு சொத்துகளை வெளிப்படுத்தத் தவறியவர்களுக்கு வழக்குத் தொடரப்படாது. இது அக்டோபர் 1, 2024 முதல் பின்னோக்கி அமலாகும்.

இந்த அறிவிப்புகள் வரி செலுத்துபவர்களுக்கு பெரும் நிவாரணத்தை அளிக்கின்றன. வரி அமைப்பு எளிமையாக்கப்பட்டு, வெளிநாட்டு முதலீடு, சுற்றுலா, கல்வி ஆகியவை ஊக்குவிக்கப்படுகின்றன. சாதாரண மக்களுக்கு வரி சுமை குறைவு மற்றும் எளிய இணக்கம் கிடைக்கும்.