ஆல்ரவுண்டர் ரோஷினி நாடார்.. உண்மையிலேயே இவர் மாஸ் தான்..!!

ரோஷினி நாடார் தனது தந்தை ஷிவ் நாடாரைப் போலவை ஒரு பன்முகத் தன்மை கொண்ட தொழிலதிபர் ஆவார். இந்திய பில்லியனர் என்ற பெருமை மட்டுமல்லாமல் பிசினஸில் அவர் செய்த சாதனைகள், அறக்கொடைகள் உள்ளிட்ட பண்புகளுக்காக ரோஷினி நாடார் போற்றப்படுகிறார்.

தனது 42 வயதில் ரோஷினி நாடார் ஹெச்சிஎல் டெக்னாலஜி நிறுவனத்தின் உச்சத்தில் உள்ளார். அவரது நிறுவனத்தின் மதிப்பு ரூ.84,330 கோடியாக உள்ளது. இதனால் இந்தியாவில் உள்ள செல்வந்தர்களில் ஒருவராக ரோஷினி நாடார் திகழ்கிறார்.

ஹெச்சிஎல்லின் தலைவராக ரோஷினி நாடார் மல்ஹோத்ரா தனது தந்தை ஷிவ் நாடாரிடமிரு்து தொழில் மரபைப் பெற்றுள்ளார். ஷிவ் நாடார் ஒரு தொலைநோக்கு சிந்தனையுள்ளவர். ஹெச்சிஎல் டெக்னாலஜிஸ் நிறுவனத்தை பெரிய அளவில் வளர்த்தெடுத்தார். டெக்னாலஜி தீர்வுகளை தரும் உலகத்தரம் வாய்ந்த நிறுவனமாக அதை உருவாக்கினார்.

இருப்பினும் ரோஷினி நாடாரின் செல்வாக்கு அவரது நிறுவனத்தின் போர்டு அறையைத் தாண்டி உள்ளது. ஷிவ் நாடார் பவுண்டேஷனின் டிரஸ்டியாக ரோஷினி நாடார் உள்ளார். கல்விப் புரட்சி, சமூக மேம்பாடு போன்ற பல அறச்செயல்களை செய்து வருகிறார். அத்துடன் சுற்றுச்சூழல் பாதுகாப்புக்கான அவர் அர்ப்பணிப்போடு பங்காற்றுகிறார். இதுமட்டுமல்லாமல் இந்தியாவின் இயற்கை பாரம்பரியத்தைப் பாதுகாப்பதற்காக அர்ப்பணிக்கப்பட்ட தி ஹாபிடேட்ஸ் அறக்கட்டளையை நிறுவினார்.

ரோஷினி நாடாரின் வாழ்க்கைப் பயணம் கல்விசார் சிறப்பு மற்றும் தொழில்முறை அர்ப்பணிப்போடு நிறைந்திருக்கிறது. நார்த்வெஸ்டர்ன் யுனிவர்சிட்டியில் கம்யூனிகேஷன் பட்டம் மற்றும் கெல்லாக் ஸ்கூல் ஆஃப் மேனேஜ்மென்ட்டில் எம்பிஏ பட்டம் பெற்ற அவர், செய்தி தயாரிப்பாளராக தனது திறமையை மெருகேற்றிக் கொண்டு, ஆரம்பத்தில் ஊடகத்துறையில் இறங்கினார். ஆனால் விதி அவரை ஹெச்சிஎல் டெக்னாலஜிஸின் தலைமைக்கு அழைத்துச் சென்றது. அங்கு அவர் ஒரு தலைமைப் பாத்திரத்தை ஏற்றார். வெற்றியை நோக்கி நிறுவனத்தை வழிநடத்தினார்.

வித்யாக்யான் லீடர்ஷிப் அகாடமியின் தலைவராக உள்ள ரோஷினி நாடார் மல்ஹோத்ரா ஆதரவற்ற இளைஞர்களுக்கான கல்வி, எதிர்காலத் தலைவர்கள் மற்றும் மாற்றத்தை உருவாக்குபவர்களை உருவாக்குகிறார். அவரது முயற்சிகள் சமூக மேம்பாடு மற்றும் அதிகாரமளிப்பதற்கான அர்ப்பணிப்பை உள்ளடக்கியது.

ரோஷ்னி நாடார் மல்ஹோத்ராவின் சாதனைகள் வணிக அரங்கில் மட்டும் நின்றுவிடவில்லை. அவர் இந்தியாவின் பணக்கார பெண்களில் ஒருவராகப் போற்றப்பட்டார். ஃபோர்ப்ஸின் மிகவும் சக்திவாய்ந்த பெண்களின் பட்டியலில் முக்கிய இடத்தைப் பிடித்தார். இது அவரது வெற்றி மற்றும் அந்தஸ்துக்கு சான்றாகும்.

ரோஷ்னி நாடார் மல்ஹோத்ரா, வணிக புத்திசாலித்தனம், அறப்பணி ஆர்வம், சுற்றுச்சூழல் பொறுப்புணர்வு ஆகியவற்றின் ஒருங்கிணைப்பை வெளிப்படுத்துகிறார். சிறந்த மற்றும் புதுமைக்கான தனது அசைக்க முடியாத அர்ப்பணிப்புடன் எதிர்காலத் தலைமுறைகளை ஊக்குவிக்கிறார்.

Story written by: I.jayachandran