UPI: புதிய சேவை, புதிய மாற்றம்.. வாவ், RBI வெளியிட்ட முக்கிய அறிவிப்பு..!

இந்தியாவின் முக்கிய பேமெண்ட சேவையாக மாறியுள்ள யூபிஐ தளத்தை அடுத்தக்கட்டத்திற்கு கொண்டு செல்வது மட்டும் அல்லாமல், சந்தையில் இருக்கும் லேட்டெஸ்ட் டெக்னாலஜியை பயன்படுத்த முடிவு செய்யப்பட்டு அனைத்து தரப்பு மக்களையும், அனைத்து பேமெண்ட் முறைக்குள்ளும் யூபிஐ சேவையை புகுத்த முடிவு செய்ய்பட்டு உள்ளது.

முதலில் யூபிஐ பயன்பாடு நாளுக்கு நாள் அதிகரித்து வரும் வேளையில் பேங்கிங் நெட்வொர்க் மீதான சுமையை குறைக்கை யூபிஐ லைட் சேவை அறிமுகம் செய்யப்பட்டு அதன் மூலம் பாஸ்வோர்டு இல்லாமல் பேமெண்ட் செய்யும் முறை கொண்டு வரப்பட்டது. இந்த சேவை தற்போது கூகுள் பே, போன்பே, பேடிஎம் ஆகியவற்றில் உள்ளது.

யூபிஐ லைட் சேவையில் தற்போது 200 ரூபாய் மட்டுமே ஒரு முறை அதிகப்படியாக பாஸ்வோர்டு இல்லாமல் வேலெட் மூலம் செலுத்த முடியும். இந்த அளவீட்டை தற்போது 500 ரூபாயாக உயர்த்த உள்ளதாக ஆர்பிஐ கவர்னர் சக்தி காந்த தாஸ் இன்று நாணய கொள்கை கூட்டத்தில் தெரிவித்தார்.

இது மக்கள் மத்தியில் பெரும் மாற்றத்தைும், அதிகளவிலான நெகிழ்வுதன்மையை அளிக்கும் என எதிர்பார்க்கப்படுகிறது. இது மக்கள் மத்தியில் எப்படிப்பட்ட தாக்கத்தை ஏற்படுத்துகிறது என்பதை ஆய்வு செய்து யூபிஐ லைட் சேவையின் டெபாசிட் மற்றும் பேமெண்ட் அளவீட்டை அதிகரிக்க வாய்ப்பு உள்ளது.

அடுத்தாக யூபிஐ ஆப்லைன் பேமெண்ட் முறைகளில் பிரபலமான NFC தொழில்நுட்பதை பயன்படுத்த உள்ளதாக அறிவித்துள்ளார் ஆர்பிஐ கவர்னர் சக்திகாந்த தாஸ். near-field tech எனப்படும் NFC பயன்படுத்தி ஆப்லைன் வாயிலாக யூபிஐ பேமெண்ட் சேவைக்கு அனுமதி அளிக்கப்பட்டு உள்ளது மூலம் விரைவில் போன், வாட்ச் ஆகியவைற்றின் மூலம் இனி பேமேண்ட் செய்ய முடியும்.