டெல்லி,மும்பை எல்லாம் வேண்டாம்.. சென்னை-க்கு ஓடி வந்த அமெரிக்காவின் MedExpert..!

தமிழ்நாடு சர்வதேச முதலீட்டாளர்கள் மாநாடு இன்று வெற்றிகரமாகப் பல கோடி மக்களின் எதிர்பார்ப்புக்கு மத்தியில் சென்னை டிரேட் சென்டரில் மிகவும் பிரம்மாண்டமாக நடைபெறும் வேளையில். தமிழ்நாட்டுக்கும், தமிழ்நாட்டு மக்களுக்கும் மகிழ்ச்சி அடையும் வகையில் தகவல் வெளியாகியுள்ளது.

இந்தியாவில் தற்போது ஜிசிசி-களை ஈர்க்கும் போட்டி ஒவ்வொரு மாநிலத்தின் மத்தியிலும் பெரும் போட்டியை உருவாக்கியுள்ளது. 2023 பொறுத்த வரையில் அதிகளவிலான GCC-களை ஈர்த்த பெருமையை ஹைதராபாத் பெற்றுள்ள வேளையில், 2024 ஆம் ஆண்டில் இந்தப் பெருமையைத் தமிழ்நாடு பெற வேண்டும் என்பதை முக்கிய டார்கெட்டாகக் கொண்டுள்ளது.

இதில் முதல் மெகா அறிவிப்பு ஷூ தயாரிப்பு நிறுவனமான அடிடாஸ் சீனாவுக்கு அடுத்தபடியாக சென்னையில் மிகப்பெரிய தனது அலுவலகத்தைத் திறந்தது. இதைத் தொடர்ந்து தற்போது அமெரிக்காவின் ஹெல்த்கேர் டெக்னாலஜி நிறுவனமான MedExpert இந்தியாவில் முதல் முறையாகச் சென்னையில் தனது அலுலவகத்தைத் திறக்க உள்ளதாக அறிவித்துள்ளது.

டெக் சேவை துறையில் தற்போது சென்னை GCC Magnet ஆக மாறி வரும் வேளையில் ஹெல்த்கேர் பிரிவில் மிகவும் பிரிபப லமாழ பில்லிங் சேவை அதிலும் குறிப்பாக எமர்ஜென்சி மெடிக்கல் சேவைகளில் பில்லிங் சேவை அளிக்கும் MedExpert சென்னையில் தனது Global Capability Center (GCC) அமைக்க உள்ளது.

இந்தச் சென்னை அலுவலகம் தான் MedExpert நிறுவனத்தின் வருவாய், டெக் சேவை, வொர்க் ப்லோ ஆகியவற்றை மேம்படுத்தும் முக்கியப் பணிகளைச் செய்ய உள்ளது. சென்னையில் இருந்துகொண்டு தனது டெக் சேவை தளத்தை உருவாக்கி, மேம்படுத்துவதைத் தாண்டி வருவாய் மற்றும் லாபத்தில் புதிய உச்சத்தை அடையும் என எதிர்பார்க்கப்படுகிறது.

MedExpert தளத்தில் சுமார் 40 லட்சம் பேருக்கு மெடி கிளைம் செய்யப்படுவதோடு 800க்கும் அதிகமான வாடிக்கையாளர்களுக்குச் சேவை அளித்து வருகிறது. தற்போது சென்னை அலுவலகம் வாயிலாக அட்வாஸ் ப்ரெடிக்டிவ் அனலிட்டிக்ஸ், செயற்கை நுண்ணறிவு, மெஷின் லேர்னிங் ஆகியவற்றை மேம்படுத்த உள்ளது.

தமிழக அரசின் உலகளாவிய முதலீட்டாளர்கள் சந்திப்பு இதற்கு முன்பு 2015 மற்றும் 2019 இல் நடத்தியிருந்தாலும், முதல்வர் மு.க.ஸ்டாலின் ஆட்சியில் நடப்பது இதுவே முதல் முறையாகும். இதனால் மக்கள் மத்தியில் கூடுதல் கவனம் பெறுகிறது, இக்கூட்டத்திற்கு முன்பு MedExpert நிறுவனத்தின் அறிவிப்பு முக்கியத் துவக்கமாக உள்ளது.