இனி அமெரிக்கா போறது அவ்வளவு ஈஸி இல்லை.. சட்டென உயர்ந்த யு.எஸ் விசா கட்டணங்கள்! பயணிகள் ஷாக்

அமெரிக்கா: பல விசாக்களை பெறுவதற்கான விண்ணப்பக் கட்டணங்களில் கணிசமான உயர்வை அமெரிக்க அரசாங்கம் அறிவித்து உள்ளது. அமெரிக்க குடியுரிமை மற்றும் குடியேற்றச் சேவைகள் அமைப்பு(USCIS) உறுதிப்படுத்தியபடி, இம்மிகிரேஷன் விசா கட்டணங்கள் ஏப்ரல் 1 முதல் அமலுக்கு வந்து உள்ளன.

ஏப்ரல் 1 முதல் ஃபார்ம் I-129 மற்றும் H-1B பதிவுக்கு விண்ணப்பிப்பதற்கான செலவு மிகவும் அதிகரித்துள்ளது. இந்தக் கட்டண மாற்றங்கள் அமெரிக்காவில் வேலை செய்ய அல்லது முதலீடு செய்ய விரும்பும் இந்தியர்களைப் பாதிக்கலாம், குறிப்பாக இந்தியர்களிடையே பிரபலமான தேர்வுகளான H-1B, L-1 மற்றும் EB-5 விசாக்களுக்கு விண்ணப்பிப்பவர்களுக்கு இது பொருந்தும்.

கொலராடோ நீதிமன்றத்தின் நீதிபதி சார்லோட் என் ஸ்வீனி மார்ச் 29 அன்று புதிய கட்டணக் கட்டமைப்பை நிறுத்த வேண்டாம் என்று தீர்ப்பளித்தார். ப்ளூம்பெர்க்கின் கூற்றுப்படி, கட்டண உயர்வுக்கு எதிரான சாட்சிகள் நிரூபிக்கப்படவில்லை என்பதால் நீதிபதி இந்த முடிவை எடுத்தார்.

H-1B பதிவு செய்வதற்கான செலவு $10 ஆக இருந்தது, ஆனால் இப்போது அது $215 ஆக உயர்ந்துள்ளது, இது 2,050% அதிகமாகும். அதற்கு மேல், ஃபார்ம் I-129 H-1B பதிவு செய்ய தற்போது நீங்கள் செலுத்த வேண்டியது $460, ஆனால் விரைவில் அது 70% அதிகமாகி $780 ஆக உயரலாம்.

L -1 விசா: ஊழியர்கள் மற்ற நாடுகளில் உள்ள அலுவலகங்களில் இருந்து அமெரிக்காவுக்கு செல்ல அனுமதிக்கும் L -1 விசா பெறுவதற்கான கட்டணம் மிகவும் உயர்ந்துள்ளது. முன்பு $460 (சுமார் ரூ. 38,000), ஆனால் இப்போது $1,385 (ரூ. 110,000-க்கு மேல்).

EB-5 விசா: EB-5 விசாவிற்கான கட்டணம் $3,675ல் இருந்து $11,160 ஆக உயர்ந்துள்ளது. இது ஒரு பெரிய அதிகரிப்பு! அமெரிக்காவில் முதலீடு செய்ய விரும்பும் பணக்கார இந்தியர்களுக்கு இது பொருந்தும்.

நிரந்தர ரெசிடென்ட்களாக மாறுவதற்கு முதலீட்டாளர்களால் பயன்படுத்தப்படும் ஃபார்ம் I-829க்கான கட்டணம் இப்போது $9,525 ஆக உள்ளது. இது $3,750 என்ற பழைய கட்டணத்தில் இருந்து 154 சதவீதம் அதிகமாகும்.

ஃபார்ம் I-956க்கான கட்டணம் இப்போது $47,695 ஆகும். இது படிவம் I-924க்கான பழைய கட்டணமான $17,795ல் இருந்து 168 சதவிகிதம் அதிகமாகும்.

ஏப்ரல் 1, 2024 முதல், புதிய கட்டண அட்டவணை மற்றும் புதுப்பிக்கப்பட்ட படிவங்கள் பயன்படுத்தப்படும். ஜூன் 3, 2024 வரை பெரும்பாலான படிவங்களின் பழைய பதிப்புகளைப் பயன்படுத்த USCIS அனுமதிக்கும்.

ஏப்ரல் 1, 2024 முதல், படிவங்களின் புதிய பதிப்புகள் ஆன்லைனில் கிடைக்கும். அந்தத் தேதிக்குப் பிறகு, படிவங்களின் பழைய பதிப்புகளை உங்களால் பயன்படுத்த முடியாது.

USCIS பயனர்களிடம் தங்கள் myUSCIS கணக்குகள் மூலம் படிவம் N-400க்கான புதிய ட்ராப்ட்டுகள் இருந்தால், அவர்கள் ஏப்ரல் 1 ஆம் தேதி புதிய விண்ணப்பத்தைத் தொடங்க வேண்டும் என்று கூறியுள்ளது.