கோவை, மதுரை-யை தேடி வரும் அமெரிக்க நிறுவனங்கள்.. வாவ்..!

தமிழ்நாட்டில் பல மாவட்டங்கள் கல்வித்துறையில் சிறந்து விளங்கும் காரணத்தால் வெளிநாட்டு ஐடி சேவை நிறுவனங்கள் சென்னையை மட்டுமே நம்பியிருக்காமல் தற்போது கோவை, மதுரை, சேலம், திருச்சி ஆகிய மாவட்டத்தில் புதிய அலுவலகத்தை திறப்பது மட்டும் அல்லாமல் அப்பகுதி பட்டதாரிதளையே பணியில் அமர்த்தும் முயற்சியில் இறங்கியுள்ளது.

சமீபத்தில் மதுரையில் பின்னாக்கல் நிறுவனத்தின் மாபெரும் அலுவலகத்தை முதல்வர் ஸ்டாலின் திறந்து வைத்த நிலையில், தற்போது அமெரிக்காவில் இயங்கி வரும் 2 முன்னணி நிறுவனங்கள் மதுரையில் தனது அலுவலகத்தை திறந்துள்ளது. இது இன்ஜினியரிங் மற்றும் கம்ப்யூட்டர் சயின்ஸ் பிரிவில் பட்டம் பெற்ற பட்டதாரிகளுக்கு ஜாக்பாட் ஆக உள்ளது.

அமெரிக்காவில் டெலாவேர் பகுதியை தலைமையிடமாக கொண்டு கட்டுமான மாடலிங் மற்றும் கட்டமைப்பு ஸ்டீல் டீடைலிங் சேவை நிறுவனமான "கேட்மேன்" (CadMan) மதுரையில் பிரபலமான தயா சைபர் பூங்காவில் தங்களுடைய டெவலப்மென்ட் சென்டரை திறந்துள்ளது. தயா சைபர் பார்க்-ல் அடுத்தடுத்து சில ஐடி சேவை நிறுவனங்கள் வர உள்ளது.

இதே தயா சைபர் பார்க்-ஸ் அமெரிக்காவின் நியூயார்க்-ஐ தலைமையிடமாக கொண்டு செயல்படும் முன்னணி உலகளாவிய டிஜிட்டல் சேவைகள் மற்றும் தீர்வுகள் வழங்கும் நிறுவனமான Presidio தங்களுடைய அலுவலகத்தை திறந்துள்ளது.

இதை தொடர்ந்து அமெரிக்காவை தலைமையிடமாக கொண்டு இயங்கும் ஆடிட்டிங் சேவை நிறுவனமான சிகிச் (Sikich), கோயம்புத்தூரில் தனது அலுவலகத்தை திறந்து செயல்படத் தொடங்குவதன் மூலம் இந்தியாவில் தனது இருப்பை விரிவுபடுத்தியுள்ளது.

இதற்கு முன்பு Sikich நிறுவனம் குஜராத் மாநிலத்தின் அகமதாபாத் மற்றும் கர்நாடக மாநிலத்தின் பெங்களூர் ஆகிய பகுதிகளில் அலுவலகத்தை வைத்திருக்கும் வேளையில் கோயம்புத்தூரில் 3வது அலுவலகத்தை திறந்துள்ளது.

Sikich நிறுவனம் தனது முக்கிய கூட்டணி நிறுவனமான அகோடீடியா டெக்னாலஜிஸ் (Acodeidea Technologies) இது கோவையை சார்ந்த தொழில்நுட்ப நிறுவனமாகும், இந்நிறுவனத்தை தன்னுடன் முழுமையாக இணைத்தது மூலம் கோவை அலுவலகத்தை விரிவாக்கம் செய்துள்ளது.