இஸ்ரேல் நாட்டில் தட் தட்.. அமெரிக்கா கொடுத்த கிஃப்ட்.. ஷாக்கான ஈரான்..!!

ஈரான் - இஸ்ரேல் - லெபனான் மத்தியிலான போர் பதற்றங்கள் அதிகரித்திருக்கும் வேளையில், அமெரிக்கா தனது மேம்பட்ட மிசைல் பாதுகாப்பு அமைப்பான டெர்மினல் ஹெய் ஆல்டிடியூட் ஏரியா டிபென்ஸ் (THAAD) அமைப்பை இஸ்ரேலில் நிறுவத் திட்டமிட்டுள்ளது.

அமெரிக்க பாதுகாப்பு செயலாளர் லாய்ட் ஆஸ்டின், அமெரிக்க அதிபர் ஜோ பைடனின் தலைமையின் கீழ் இந்த THAAD அமைப்பை நிறுவ ஒப்புதல் அளிக்கப்பட்டு உள்ளது. இது THAAD அமைப்பு இஸ்ரேல் நாட்டை ஈரான் நாட்டின் அதிரடி தாக்குதலில் இருந்து பாதுகாக்கும்.

ஈரான் தரப்பில் இருந்து சமீபத்தில் அமெரிக்காவுக்கு, இஸ்ரேலில் ராணுவ தலையீடு செய்வதை தவிர்க்க வேண்டும் என்று எச்சரிக்கை விடுத்ததைத் தொடர்ந்து THAAD அமைப்பை நிறுவ அமெரிக்க அரசு முடிவு செய்துள்ளது. இதன் மூலம் இஸ்ரேல் படைக்கு அமெரிக்கா ராணுவமும், அமெரிக்கத் தொழில்நுட்பமும் கூடுதல் பலத்தைச் சேர்க்கிறது. அதோடு ஈரானுக்கு கூடுதல் நெருக்கடியும் கொடுத்துள்ளது.

இஸ்ரேல் தற்போது மும்முனை தாக்குதலை எதிர்கொள்ளத் தயாராகி வரும் வேளையில் அமெரிக்காவின் உதவி பலக் கோடி யூத மக்களை காக்கும் என எதிர்பார்க்கப்படுகிறது. குறிப்பாக, அக்டோபர் 1 அன்று 180 ஏவுகணைகள் இஸ்ரேலில் ஏவப்பட்டதற்கு பதிலளிக்க தயாராகி வருகிறது. கூடுதலாக, இஸ்ரேல் லெபனானில் உள்ள ஹிஸ்புல்லாவுக்கு எதிரான தனது நடவடிக்கைகளைத் தீவிரப்படுத்தியுள்ளது.

THAAD அமைப்பு என்பது வானில் வரும் ஏவுகணைகளைத் தடுக்கும் வகையில் அமெரிக்கா உருவாக்கிய ஏவுகணை பாதுகாப்பு அமைப்பு ஆகும். இது கிட்டத்தட்ட இஸ்ரேல் நாட்டின் அயன் டோம் அமைப்பை போன்றது தான், THAAD அமைப்பு மூலம் விண்ணில் இருந்து தாக்கப்பட்டும் குறுகிய, நடுத்தர மற்றும் குறைந்த வரம்பு கொண்ட ஏவுகணைகளை எதிர்த்தாக்குதல் நடத்தி அழிக்கக் கூடியது.

THAAD அமைப்பு சுமார் 150-200 கிலோமீட்டர் (93-124 மைல்) தூரத்திற்கு வான் பாதுகாப்பு அளிக்கும். ஒவ்வொரு THAAD அமைப்பும் ஆறு டிரக்சில் பொருத்தப்பட்ட ஏவுகணை லான்சர்கள், இன்டர்செப்டார்கள், ரேடார் மற்றும் இதை இயக்க 95 வீரர்கள் தேவைப்படும் மாபெரும் கட்டமைப்பாகும். இதன் மூலம் 100க்கும் அதிகமான அமெரிக்க ராணுவ வீரர்கள் தற்போது இஸ்ரேல்-க்கு செல்ல உள்ளனர்.

அமெரிக்க இராணுவம் தற்போது ஏழு THAAD பேட்டரிகளை இயக்குகிறது. ஒவ்வொரு பேட்டரியும் ஆறு டிரக் மவுண்ட் செய்யப்பட்ட ஏவுகணை ஏவுபவர்கள், 48 தடுப்பவர்கள், ரேடார் உபகரணங்கள் மற்றும் இயக்கத்திற்கு 95 பணியாளர்கள் தேவைப்படுகிறது. இஸ்ரேலுக்கு THAAD நிறுவல், அமெரிக்கா தனது கூட்டாளியின் பாதுகாப்பைச் சாத்தியமான அச்சுறுத்தல்களுக்கு எதிராக வலுப்படுத்த உறுதியளிப்பதைக் குறிக்கிறது.