கோயம்பேடு சந்தையில் காய்கறிகளின் விலை கிடுகிடு.. சென்னை மக்கள் அதிர்ச்சி!

சமீப காலமாக தக்காளி, வெங்காயம் போன்ற முக்கிய காய்கறிகளின் விலை அதிகரித்து சமையலறை பட்ஜெட்டில் மிகப்பெரிய தாக்கத்தை ஏற்படுத்தி வருகிறது. வெங்காயம் மற்றும் தக்காளி போன்றவை இந்திய உணவுகளில் அதிகம் பயன்படுத்தப்படும் காய்கறிகள் ஆகும். ரசம் வைப்பதற்கு கூட தக்காளி தேவை. இந்நிலையில் கோயம்பேடு மார்க்கெட்டில் தக்காளி மற்றும் வெங்காயத்தின் விலை போட்டி போட்டுக்கொண்டு அதிகரித்து வருகிறது.

சில நாட்களாக தக்காளி விலை கிடு கிடுவென உயர்ந்து வருகிறது. ரூ.60 முதல் ரூ.70 ரூபாயை எட்டியுள்ளது. சில்லறை விற்பனையாளர்கள் 90 ரூபாய் என்ற விலையை நிர்ணயித்துள்ளனர். வெங்காய விலையும் சில காலமாக உயர்ந்து வருகிறது. சமீபத்தில் வெளியான செய்திகள் கூட வெங்காய விலை உயர்வதால் வெளியூர்களிலிருந்து வெங்காயத்தை இறக்குமதி செய்ய அரசு நடவடிக்கை எடுத்து வருவதாக பார்த்தோம்.

கடந்த வாரம் வெங்காயம் விலை கிலோ ஒன்றுக்கு 100 ரூபாயாக இருந்தது. ஆனால் தற்போது வரத்து அதிகரித்துள்ள காரணத்தினால் மொத்த விற்பனை 65 ரூபாய் ஆகவும், சில்லறை விற்பனை 75 முதல் 80 ரூபாயாகவும் குறைந்துள்ளது.

கோயம்பேடு மார்க்கெட் காய்கறிகளின் விலை: புடலங்காய் கிலோ ஒன்றுக்கு 30 ரூபாயாகவும், வெண்டைக்காய் கிலோ ஒன்றுக்கு 40 ரூபாயாகவும், மாங்காய் கிலோ ஒன்றுக்கு 50 ரூபாயாகவும், இஞ்சி கிலோ ஒன்றுக்கு 110 ரூபாயாகவும், பீன்ஸ் கிலோ ஒன்றுக்கு 40 ரூபாயாகவும், கத்திரிக்காய் 30 முதல் 40 ரூபாயாகவும், பீர்க்கங்காய் கிலோ ஒன்றுக்கு 40 ரூபாயாகவும் விற்கப்படுகிறது, முருங்கைக்காய் கிலோவுக்கு 150 முதல் 250 வரை விலை நிர்ணயம் செய்யப்பட்டுள்ளது.

வெள்ளரிக்காய் ஒரு கிலோ 30-க்கும், கிளஸ்டர் பீன்ஸ் ஒரு கிலோ 50-க்கும், காலிபிளவர் ஒன்று 10 முதல் 20 ரூபாய்க்கும், கேரட் ஒரு கிலோ 50-க்கும், முட்டைக்கோஸ் கிலோ 25-க்கும், ஃப்ரஞ்ச் பீன்ஸ் கிலோ 60-க்கும், பட்டர் பீன்ஸ் கிலோ 60-க்கும், சுரைக்காய் கிலோ 30-க்கும் விற்பனை செய்யப்படுகிறது.

பாகற்காய் கிலோ ரூ.30-க்கும், குடைமிளகாய் கிலோ ரூ. 40-க்கும், உருளைக்கிழங்கு கிலோ ரூ.50.க்கும், பீட்ரூட் கிலோ ரூ.45-க்கும், பச்சை மிளகாய் கிலோ ரூ.30-க்கும், தக்காளி கிலோ ரூ.60-க்கும், வெங்காயம் கிலோ ரூ.70-க்கும், பெரிய வெங்காயம் கிலோ ரூ.70-க்கும் விற்கப்படுகிறது.