36 வயதில் 134 கோடி-க்கு வீடு வைத்திருக்கும் விராட் கோலி.. ஆனா இதைவிட பல சொத்துக்களை வைத்துள்ளார்..!!

இந்திய கிரிக்கெட் அணியின் முன்னாள் கேப்டன் விராட் கோலி இன்று தனது 36வது பிறந்தநாளை கொண்டாடுகிறார். உலகின் பணக்கார கிரிக்கெட் வீரர்கள் பட்டியலில் விராட் கோலியின் பெயர் இடம்பெற்றுள்ளது. தற்போதைய நிலவரப்படி, விராட் கோலியின் மொத்த சொத்து மதிப்பு ரூ.1050 கோடியாக உள்ளது.

இந்திய கிரிக்கெட் அணியின் முன்னாள் கேப்டன் விராட் கோலி இன்று தனது 36வது பிறந்தநாளை கொண்டாடுகிறார். இந்தியாவில் மட்டுமின்றி வெளிநாடுகளிலும் கோடிக்கணக்கான மக்கள் விராட் கோலியை விரும்புகிறார்கள். மக்கள் விராட் கோலியை கிங் கோலி என்றும் அன்புடன் அழைக்கின்றனர். விராட் கோலி தனது கடின உழைப்பின் மூலம் கிரிக்கெட் உலகில் அதிக பெயரை சம்பாதித்துள்ளார். இன்று, விராட் கோலியின் பிறந்தநாளையொட்டி, அவரது ரசிகர்கள் அவருக்கு வாழ்த்துக்களை தெரிவித்து வருகின்றனர். இத்தகைய சூழ்நிலையில், விராட் கோலி வைத்துள்ள மொத்த சொத்துக்கள் எவ்வளவு உள்ளது என்பதை காணலாம்.

விராட் கோலியின் நிகர மதிப்பு: உலகின் பணக்கார கிரிக்கெட் வீரர்கள் பட்டியலில் விராட் கோலியின் பெயர் இடம்பெற்றுள்ளது. இவரது மொத்த சொத்து மதிப்பு ரூ.1050 கோடி ஆகும். இவரை விட அதிகமாக இந்திய அணியின் முன்னாள் கிரிக்கெட் வீரர் அஜய் ஜடேஜா 1450 கோடி ரூபாய் சொத்து மதிப்பை கொண்டுள்ளார்.

விராட் கோலி வருமானம்: விராட் கோலியின் முக்கிய வருமானம் கிரிக்கெட். விராட் கோலி இந்திய அணிக்காக மூன்று வடிவங்களிலும் விளையாடி வருகிறார். இதில் ஒரு போட்டிகளுக்கு ரூ.15 லட்சம் சம்பாதிக்கிறார். அதேசமயம் ஒருநாள் போட்டிக்கு ரூ.6 லட்சமும், டி20க்கு ரூ.3 லட்சமும் ஊதியமாக பெறுகிறார். இது தவிர, விராட் கோலி தனது ஒப்பந்தத்திற்காக ஆண்டுதோறும் 7 கோடி ரூபாய் பிசிசிஐயிடம் இருந்து வாங்குகிறார். இதில் ஆண்டுக்கு சுமார் ரூ.21 கோடியை பெறுகிறார். ஐபிஎல் போட்டியில் விராட் கோலி 15 கோடி ரூபாய்க்கு ஏலம் எடுக்கப்பட்டு தற்போது வரை ராயல் சேலஞ்சர்ஸ் பெங்களூருவில் உள்ளார். இது தவிர, விராட் கோலி பிராண்ட் ஒப்புதல்கள் மூலம் அதிக பணம் சம்பாதித்து வருகிறார்.

விராட் கோலிக்கு மும்பையில் ரூ.34 கோடி மதிப்புள்ள வீடு உள்ளது. இது தவிர விராட் கோலிக்கு குருகிராமில் ரூ.100 கோடிக்கு மேல் சொத்து உள்ளது. இதுமட்டுமின்றி பெப்சி, ஃபாஸ்ட்ராக், பூஸ்ட், ஆடி, எம்ஆர்எஃப், ஹீரோ போன்ற பல நிறுவனங்களிலும் விராட் கோலி முதலீடு செய்துள்ளார். கிங் கோலி முக்கியமான பல கார் கலெக்‌ஷன்களை வைத்திருக்கிறார். அவரிடம் ரூ.70 லட்சம் முதல் ரூ.2.26 கோடி வரை பல கார்கள் உள்ளன.

அதேபோல, விராட் கோலி வளர்ந்து வரும் தொழிலதிபராகவும் திகழ்கிறார். இவர் ஆரோக்கியம், பிட்னஸ் மற்றும் லைஃப்ஸ்டைல் துறைகளில் முதலீடுகளை செய்துள்ளார். அதில், ப்ளூ ட்ரைப், ராகே காஃபி, ஒன்8 மற்றும் ஹைப்ரைஸ் ஆகியவை அவரது சுய பிராண்டுகளாக ஸ்போர்ட்ஸ் ஐகான்களை கொண்டவைகளாக உள்ளன.

அதேபோல், சிசல் ஃபிட்னஸ், டிஜிட் இன்சூரன்ஸ்,யூனிவர்சல் ஸ்போர்ட்ஸ்பிஜ், ரோகன், கலாக்டஸ் ஃபன்வேர் டெக்னாலஜிஸ், எஃப்சி கோவா, நுவேவா ரெஸ்டாரண்ட், ஸ்போர்ட்ஸ் கான்வோ மற்றும் டீம் ப்ளூ ரைசிங் ஆகியவற்றில் அவர் முதலீடுகளை செய்துள்ளார். இது அவரது கிரிக்கெட்டை தாண்டி எண்டர்டெயின்மெண்ட், லைப்ஸ்டைல் உள்ளிட்ட துறைகளில் அவரது ஆர்வத்தை காட்டுகிறது.