அசையும், அசையா சொத்துக்கள் என்றால் என்ன? அனைவரும் கட்டாயம் தெரிந்துக்கொள்ள வேண்டும்..?!

ஒரு சாமானிய மக்கள் புரிந்து கொள்ள கடினமாக இருக்கும் சொத்து தொடர்பான சட்ட விதிமுறைகள் நிறைய உள்ளன. சட்டம் குறித்த புரிதல் உள்ளவர்களால் மட்டுமே அவற்றை நன்றாகப் புரிந்து கொள்ள முடியும். இதேவேளையில் சில அடிப்படையான விஷயங்களை அனைத்து தரப்பு மக்களும் தெரிந்துக்கொள்ள முடியும்.

இப்படி அனைத்து தரப்பு மக்களும் தெரிந்துக்கொள்ள வேண்டிய முக்கியமான விஷயம் அசையும் மற்றும் அசையாச் சொத்துக்கள். இதுகுறித்து மக்களுக்கு பொதுவாக நிறைய குழப்பம் இருக்கும், இன்று, அசையும் மற்றும் அசையாச் சொத்துக்களின் தொடர்பாக இருக்கும் அடிப்படை குழப்பத்தை நீக்கும் வகையில் புரிந்துக்கொள்வோம்.

உண்மையில் சட்டம் அசையும் மற்றும் அசையாச் சொத்துக்கள் குறித்து என்ன சொல்கிறது? அசையும் மற்றும் அசையாச் சொத்துக்கள் எப்படி வகைப்படுத்தப்படுகிறது..?

வீடு அல்லது சொத்து வாங்கும் முன் இந்தத் தகவல் உங்களுக்கு மிகவும் பயனுள்ளதாக இருக்கும். எல்லாவற்றிற்கும் மேலாக, சொத்து வாங்குவதில் பெரும் தொகையை முதலீடு செய்ய உள்ள நிலையில் இதை பற்றி முழுமையாக தெரிந்துக்கொண்டு முதலீடு செய்வது சிறந்தது.

அசையும் மற்றும் அசையா சொத்துக்கள் என்றால் என்ன?

ஒரு இடத்திலிருந்து மற்றொரு இடத்திற்கு மாற்ற முடியாத சொத்து அசையாச் சொத்து என்று அழைக்கப்படுகிறது, உதாரணமாக, வீடு, கடை, தொழிற்சாலை போன்றவை அசையா சொத்துக்கள் பிரிவில் வருகிறது. 1897 பொது உட்பிரிவுகள் சட்டத்தின் 3(26) பிரிவின்படி, அசையா சொத்துகளில் என்பது நிலம் மற்றும் பிறவற்றுடன், பூமியில் இணைக்கப்பட்ட அல்லது நிரந்தரமாக வேரூன்றிய சொத்துக்கள் ஆகும்.

நகரக்கூடிய சொத்துக்கள் என்பது ஒரு இடத்திலிருந்து மற்றொரு இடத்திற்கு எளிதாக நகர்த்தக்கூடியவை, எடுத்துக்காட்டாக, கார், வாகனங்கள், நகைகள் மற்றும் லேப்டாப் போன்றவை, ஆனால் இதில் பிற முக்கியமான விஷயங்களும் உள்ளது.

இந்திய அரசின் பதிவுச் சட்டம் 1908 இன் பிரிவு 2(9) இன் படி, அசையும் சொத்துக்களில் டிம்பர், பயிர்கள், புல், மரங்களில் உள்ள பழங்கள் மற்றும் பழச்சாறு ஆகியவை அடங்கும். அசையா சொத்துக்கள் என்று அழைக்கப்படும் பூமியுடன் நிரந்தரமாக இணைக்கப்பட்ட பொருட்களைத் தவிர, அனைத்தும் அசையும் சொத்துக்கள்.

அசையா சொத்துக்கள் பொதுவாக குடியிருப்பு வீடுகள், குடோன்கள், உற்பத்தி தளங்கள், தொழிற்சாலைகள் போன்ற ரியல் எஸ்டேட் சொத்திக்களாக உள்ளது. அசையா சொத்துக்கள் வரிகளுக்கு உட்பட்டவை. அசையும் மற்றும் அசையா சொத்துகளுக்கு இடையிலான வேறுபாடு

ஏற்கனவே கூறியது போல் நிலத்துடன் இணைக்கப்படாத மற்றும் ஒரு இடத்திலிருந்து மற்றொரு இடத்திற்கு மாற்றக்கூடிய சொத்துக்கள் அசையும் சொத்துக்கள் என்று அழைக்கப்படுகின்றன. இவை floating assets என்றும் அழைக்கப்படுகின்றன. அசையும் சொத்துகளுக்கு ரிஜிஸ்ட்ரேஷன் தேவையில்லை.

அசையாச் சொத்தின் மதிப்பு 100 ரூபாய்க்கு மேல் இருந்தால், பதிவுச் சட்டம் 1908ன் கீழ் அதனை பதிவு செய்ய வேண்டியது அவசியம். அசையாச் சொத்தை எளிதாகப் பிரிக்கலாம், அதே சமயம் அசையாச் சொத்தைப் எளிதாக பிரிக்க முடியாது.

அசையாச் சொத்துக்களை உயில் அல்லது அன்பளிப்பாகவோ அல்லது பிரித்து வைக்காமல் யாருக்கும் மாற்ற முடியாது. அதேசமயம் அசையும் சொத்தை யாருக்கும் எளிதில் பரிசாக அளிக்கலாம்.