தவறாக கணக்கு காட்டினால் எச்சரிக்கும் Taxassist.. வருமான வரித்துறையின் புதிய முயற்சி..

வருமானவரித்துறை இந்த ஆண்டு வருமான வரி கணக்கினை தாக்கல் செய்வதற்கான தேதியை செப்டம்பர் 15ஆம் தேதி வரை நீட்டித்திருக்கிறது. எனவே தனி நபர்களுக்கு இந்த முறை வழக்கத்தை விட கூடுதலாக 45 நாட்கள் வருமான வரி கணக்கு செய்வதற்கான அவகாசமாக வழங்கப்பட்டிருக்கிறது.

2024 - 25 ஆம் நிதி ஆண்டுக்கான வருமான வரி கணக்கினை தாக்கல் செய்பவர்களுக்கு வருமான வரித்துறை ஒரு புதிய சேவையை கொண்டு வந்திருக்கிறது. Taxassist என்ற பெயரில் வருமான வரித்துறை இந்த சேவையை அறிமுகம் செய்திருக்கிறது . வருமானவரி கணக்கினை தாக்கல் செய்யும் நபர்கள் தங்களுக்கான அனைத்து சந்தேகங்களையும் இதன் இந்த வசதியின் மூலம் தீர்த்துக் கொள்ளலாம் என வருமான வரித்துறை தெரிவித்து இருக்கிறது.

வருமானவரி கணக்கு தொடர்பான உங்களுடைய அனைத்து சந்தேகங்களுக்கும் Taxassist உதவி செய்யும் என என தன்னுடைய எக்ஸ் பக்கத்தில் வெளியிட்டிருக்கும் இந்திய வருமான வரித்துறை , வருமான வரி சம்பந்தப்பட்ட அரசின் தகவல்களும் உங்களை வந்து சேரும் , முக்கியமான தேதிகள் குறித்து இது உங்களுக்கு தொடர்ந்து நினைவூட்டி கொண்டே இருக்கும் என தெரிவித்திருக்கிறது.

இந்த Taxassist வசதி என்பது உங்களுக்கு வழிகாட்டுவதற்கும் உங்களுக்கு தேவையான உதவிகளை வழங்குவதற்கும் வருமான வரி கணக்கு தாக்கலை எளிமையாக்குவதற்கும் நாங்கள் எடுத்திருக்கும் ஒரு முயற்சி என வருமான வரித்துறை அந்த பதிவில் குறிப்பிட்டு இருக்கிறது. வருமான வரி கணக்கை தாக்கல் செய்பவர்கள் எந்தெந்த பிரிவுகளில் கவனம் செலுத்த வேண்டும், எந்த விவரங்களை மிகச் சரியாக தாக்கல் செய்ய வேண்டும் , என்னென்ன ஆவணங்களை உடன் வழங்க வேண்டும் என்பன உள்ளிட்ட அனைத்து தகவல்களையும் அனைத்து எச்சரிக்கைகளையும் இந்த வசதி வழங்கும் என வருமானவரித்துறை வெளியிட்டுள்ள செய்தி கூறுகிறது.

உதாரணமாக ஒரு தனிநபர் அரசியல் கட்சிகளுக்கு நன்கொடை வழங்கும் பிரிவில் வரி விலக்கு கோருகிறார் என்றால் அவர் அதில் தவறான கணக்கையோ அல்லது ரசீதையோ உள்ளீடு செய்தால் உடனே இந்த Taxassist நீங்கள் செய்த உள்ளீடு தவறானது இதனை நீங்கள் மீண்டும் சரிப்படுத்தி அப்டேட்டான வருமான வரி கணக்கினை தாக்கல் செய்ய வேண்டும் என்று அறிவுரைகளை வழங்குமாம். வருவான வரி கணக்கு செய்யும்போது என்னென்ன தவறுகளை செய்கிறோமோ அந்த தவறுகளை எல்லாம் இது சுட்டிக்காட்டி அவற்றை சரி படுத்துவதற்கு உதவும் என வருமானவரித்துறை அலுவலகம் தெரிவித்திருக்கிறது.

இது வழங்கும் எச்சரிக்கைகளை கவனிக்க தவறுபவர்கள் பின்னாலில் அவர்களின் வருமான வரி கணக்கு தவறாக தாக்கல் செய்யப்பட்டு அதற்கான அபராதம் உள்ளிட்டவற்றை செலுத்திட நேரலாம் என சொல்லப்படுகிறது.