வெயிலுக்கு இதமா ஏர் கூலர் வாங்க போறீங்களா.. அப்போ இதை பார்த்துட்டு போங்க!

சென்னை: கொளுத்தும் கோடை வெயில், அனைவரது தூக்கத்தையும் கெடுக்கிறது என்றுதான் சொல்ல வேண்டாம். சிலர் இதிலிருந்து விடுபட ஏர் கூலர்களை வாங்க முடிவெடுத்திருப்பீர்கள். அனால் பலருக்கு அதனை எப்படி பார்த்து வாங்க வேண்டும் என்பது தெரியாது. இந்தப் பதிவில் உங்களை குளு குளுவென வைத்திருக்கும் ஏர் கூலர்களை வாங்குவதற்கு முன், நீங்கள் கவனிக்க வேண்டிய விஷயங்களைப் பற்றிப் பார்ப்போம்.

அறையின் அளவு மற்றும் குளிரூட்டும் திறன்: ஏர் கூலரை வாங்கும் முன், நீங்கள் பயன்படுத்த விரும்பும் அறையின் அளவை பார்த்து வாங்கவும். வெவ்வேறு ஏர் கூலர்கள் பல்வேறு குளிரூட்டும் திறன்களுடன் வருகின்றன. மேலும், CFM ரேட்டிங் பார்த்து வாங்கவும். CFM என்பது ஒவ்வொரு நிமிடமும் உங்கள் அறைக்குள் வீசப்படும் காற்றின் அளவைக் குறிக்கிறது. உங்கள் அறைக்குத் தேவையான CFMஐக் கணக்கிட்டு ஏர் கூலருக்கான சரியான அளவை நீங்கள் தேர்வு செய்யலாம்.

ஏர் கூலர் வகை: ஏர் கூலர்கள் மொத்தம் இரண்டு வகையில் உள்ளன. டெசர்ட் ஏர் கூலர்கள் மற்றும் பர்சனல் ஏர் கூலர்கள். டெசர்ட் ஏர் கூலர்கள், பெரிய அறைகள் உள்ள பகுதிகளுக்கு ஏற்றதாக இருக்கும். அதே நேரத்தில் பர்சனல் ஏர் கூலர்கள் மிகவும் கச்சிதமானவை மற்றும் சிறிய அறைகள் அல்லது தனிப்பட்ட பயன்பாட்டிற்கு ஏற்றவை. உங்கள் தேவைகளைத் தீர்மானித்து, உங்கள் தேவைகளுக்கு மிகவும் பொருத்தமான வகையைத் தேர்ந்தெடுக்கவும்.

தண்ணீர் தொட்டி அளவு: ஏர் கூலர்களின் தண்ணீர் தொட்டியின் அளவை கருத்தில் கொள்ளுங்கள். ஏனெனில் அது ஏர் கூலர்கள் எவ்வளவு நேரம் இயங்க முடியும் என்பதைத் தீர்மானிக்கிறது. நீங்கள் நீண்ட நேரத்திற்கு, குறிப்பாக வெப்பமான கோடை நாட்கள் அல்லது இரவுகளில் தடையின்றி குளிர்ச்சியான காற்று கிடைக்க வேண்டும் என்று விரும்பினால், ஒரு பெரிய தண்ணீர் தொட்டி கொண்ட ஏர் கூலர்களைத் தேர்வு செய்யவும்.

போர்ட்டபிலிட்டி மற்றும் மொபிலிட்டி: ஏர் கூலரை வெவ்வேறு அறைகள் அல்லது இடங்களுக்கு இடையில் நகர்த்த முடியுமா என்பதை பார்த்துக் கொள்ளுங்கள். எளிதாக எடுத்துச் செல்லக்கூடிய வகையில் சக்கரங்கள் அல்லது காஸ்டர்கள் கொண்ட நியூ மாடல் ஏர் கூலர்களைத் தேர்வு செய்யவும்.

ஆற்றல் திறன்: நல்ல குளிர்ச்சியான காற்றை வழங்கக்கூடிய அதிக ஆற்றல் திறன் கொண்ட ஏர் கூலர்களை வாங்குங்கள். இது போன்ற மாடல்கள் மின்சார செலவைக் குறைக்க உதவுகிறது .

குறைந்த சத்தம்: ஏர் கூலரின் சத்தத்தின் அளவைப் பார்த்து விட்டு வாங்கவும். குறிப்பாக நீங்கள் படுக்கையறைகள் அல்லது அமைதியான இடங்களில் இதைப் பயன்படுத்த விரும்பினால் சத்தம் இருந்தால் தொந்தரவாக இருக்கும்.

கூடுதல் அம்சங்கள்: ரிமோட் கண்ட்ரோல் செயல்பாடு, டைமர்கள் மற்றும் காற்று சுத்திகரிப்பு திறன்கள் போன்ற கூடுதல் அம்சங்களைப் பார்த்து முடிவெடுக்க வேண்டும்.

பிராண்டட் ஏர் கூலர்கள்: நம்பகமான செயல்திறனுடன், தரமான ஏர் கூலர்களை தயாரிப்பதற்காக அறியப்பட்ட புகழ்பெற்ற பிராண்டுகளை ஆராயுங்கள். மேலும் நீங்கள் வாங்கும் ஏர் கூலர்கள் வாரண்ட்டியுடன் வருகிறதா? என்பதையும் தெரிந்து கொள்ளவும்.

ஏர் கூலர்களை வாங்கும் முன் இந்த அத்தியாவசிய குறிப்புகளைக் கருத்தில் கொண்டு வாங்கவும்.