இந்தியாவில் காஸ்ட்லி, மலிவான நகரங்களின் லிஸ்ட்.. சென்னை நிலைமை என்ன..?

இந்தியாவின் பிரபல சொத்து ஆலோசனை நிறுவனமான நைட் ஃபிராங்க் வெளியிட்டுள்ள அறிக்கையின் படி, இந்தியாவில் மக்கள் வாழ்வதற்கு மிகவும் விலையுயர்ந்த நகரமாக மும்பை உள்ளது. இந்தியாவின் நிதியியல் தலைநகரமாகவும், பல முன்னணி வர்த்தக சாம்ராஜ்ஜியங்களின் பிறப்பிடமாக இருக்கும் மும்பை இந்தியாவின் காஸ்ட்லியான நகரமாக உள்ளது.

EMI மற்றும் மக்களின் வருமான விகிதத்தின் அடிப்படையில் நைட் ஃபிராங்க் முக்கியமான ஆய்வு செய்யப்பட்டு உள்ளது. இந்த ஆய்வின் படி இந்தியாவின் நிதி தலைநகரமாக இகுக்கும் மும்பை தான் காஸ்ட்லியான சந்தையாக இருப்பது மட்டும் அல்லாமல் நாட்டின் மிக விலையுயர்ந்த வீட்டுச் சந்தை என பெயரை பெற்றுள்ளது.

ஒரு குறிப்பிட்ட நகரத்தில் உள்ள ஒரு சராசரி குடும்பத்தின் மொத்த வருமானத்திற்கு வீட்டுக் கடனுக்கான EMIகளின் விகிதத்தின் அடிப்படையில் வாழ்க்கை மலிவு விலை அளவுகள் (living affordability) மதிப்பீடு செய்யப்படுகிறது.

உதாரணமாக, 40 சதவீத வாழ்க்கை மலிவு விலை குறியீட்டைக் கொண்ட ஒரு நகரத்தில் சராசரியாக, அந்த நகரத்தில் உள்ள குடும்பங்கள், வீட்டுக் கடனுக்கான EMI-யை ஈடுகட்ட தங்கள் வருமானத்தில் 40 சதவீதத்தை ஒதுக்க வேண்டும் என்பதை தான் இந்த கணக்கீடு குறிக்கிறது.

இதன்படி பார்த்தால் மும்பை ஹோம் லோன் EMI டூ income ratio அளவு 55 சதவீதம், இதன் மூலம் நகரத்தில் உள்ள குடும்பங்கள் வீட்டுக் கடனுக்கான EMI-க்கு தங்களுடைய வருமானத்தில் சுமார் 55 சதவீதத்தை செலுத்துகின்றனர். மும்பை முதல் இடத்தை பிடித்த நிலையில் மற்ற நகரங்களின் நிலவரம் என்ன..?

ஹைதராபாத் நகரில் 31 சதவீதமும், டெல்லி என்சிஆர் பகுதியில் 30 சதவீமும், பெங்களூர் மற்றும் சென்னையில் 28 சதவீதமும், புனே மற்றும் கொல்கத்தாவில் 26 சதவீதமாக உள்ளது. இப்போ இந்தியாவில் மலிவான வீடுகளை வாங்க சரியான இடம் குஜராத் மாநிலத்தின் அகமதாபாத் 23 சதவீதத்துடன் most affordable place என்ற தகுதியை பெற்றுள்ளது.