பெண்களே இந்த மகளிர் தினத்துல இருந்து இதையெல்லாம் செஞ்சீங்கனா உங்க எதிர்காலம் வளமா இருக்கும்!!

ஆண்டுதோறும் மார்ச் 8 அன்று உலகம் முழுவதும் மகளிர் தினம் கொண்டாடப்படுகிறது. இது பெண்களின் சமூக, பொருளாதார, கலாச்சார மற்றும் அரசியல் சாதனைகளைப் போற்றுவதோடு, பாலின சமத்துவம், பெண்கள் அதிகாரமளித்தல் ஆகியவற்றையும் அங்கீகரிக்கிறது. மகளிர் தினச் சிறப்புப் பரிசாக, பெண்களுக்கு அவசியமான சில நிதி சார்ந்த ஆலோசனைகளை இங்கே தெரிந்து கொள்ளலாம்.

பெண்கள் தங்கள் நிதி சுதந்திரம் அடைய வருமானம், செலவுகள், கடன்கள் மற்றும் முதலீடுகள் உட்பட தங்கள் நிதி நிலையை முழுமையாகப் புரிந்துகொள்வது அவசியம். மேலும், தங்கள் வருவாய் திறனை மேம்படுத்த, கல்வி, திறன்கள் வளர்ப்பு என தங்களுக்குள் முதலீடு செய்ய வேண்டும். வசதியான வாழ்க்கையை உறுதிப்படுத்தவும், குறுகிய, நடுத்தர, நீண்டகால இலக்குகளை அடையவும், பெண்கள் இளம் வயதிலேயே சேமிப்பையும் முதலீட்டையும் தொடங்க வேண்டும். நிதிச் சுதந்திரம் அடைய வேண்டும் எனும் எண்ணம் பெண்களிடையே தற்போது அதிகரித்து வருகிறது.

தொடர்ந்து, வருமானத்தையும் செலவுகளையும் திறம்பட நிர்வகிக்க ஒரு தெளிவான வரவுசெலவுத் திட்டம் (Budget) உருவாக்க வேண்டும். எதிர்பாராத செலவுகள் அல்லது வருமான இழப்பைச் சமாளிக்க ஓர் அவசரகால நிதித் தொகுப்பு (Emergency Fund) வைத்திருப்பது மிக அவசியம். குறிப்பாக நீங்கள் முதன்முறையாக கல்லூரி படிப்பை முடித்து வேலைக்கு செல்லும் இளம் பெண் எனும் போது முதல் ஊதியத்தில் இருந்தே முதலீட்டை தொடங்குவது அவசியம். அது காலபோக்கில் எவ்வளவு பலன் தரும் என்பதை நீங்களே உணர்ந்து கொள்வீர்கள். எனவே இயன்ற வரை இளம் வயதிலேயே சேமிக்க தொடங்குங்கள்.

அந்த வகையில் ஏராளமான இளம் பெண்கள் மத்தியில் முதலீட்டு ஆர்வம் மேலோங்கி இருப்பதை காண முடிகிறது குறிப்பாக, 60% பெண்கள் சிஸ்டமேட்டிக் இன்வெஸ்ட்மென்ட் பிளான்களை (SIPs) விரும்புவதாக ஒரு ஆய்வு கூறுகிறது. இதனை கடந்து நிதி சார்ந்த அறிவினை பெருக்கி பங்குச்சந்தைகளை நோக்கி வர வேண்டும்.

பெண்கள் கடன் பொறிகளைத் தவிர்க்க வேண்டும். கிரெடிட் கார்டு கடன்கள் போன்ற அதிக வட்டிக் கடன் பொறிகளைத் தவிர்த்து, ஏற்கனவே உள்ள கடன்களை முடிந்தவரை விரைவாக அடைக்க வேண்டும். நிதித் திட்டமிடுபவர்கள் போன்ற நிபுணர்களிடமிருந்து ஆலோசனை பெற்று தகவலறிந்த முடிவுகளை எடுக்கலாம். பட்ஜெட் போடுவது, திறன் வளர்ப்பு, முதலீடு ஆகிய மூன்றும் உங்களின் எதிர்காலத்தை நிச்சயமாக வளமாக்கும். எனவே இந்த மகளிர் தினத்தில் இதையெல்லாம் செய்வேன் என உறுதிமொழி எடுங்கள்.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.