உலக வங்கி கொடுத்த ஷாக்.. அஜய் பங்கா பதவியேற்ற பின்பு முக்கிய கணிப்பு வெளியீடு..!

இந்திய அமெரிக்கரான அஜய் பங்கா உலக வங்கியின் தலைவராக மே மாதம் 3 ஆம் தேதி பொறுப்பேற்றார். சர்வதேச நிதி நிறுவனங்களான உலக வங்கி மற்றும் சர்வதேச நாணய நிதியம் ஆகிய இரண்டிலும் தலைவர் பதவியை வகித்த முதல் இந்தியராக அஜய் பங்கா திகழ்கிறார். இதை தொடர்ந்து உலக வங்கி செவ்வாய்க்கிழமை புதிய பொருளாதார வளர்ச்சி கணிப்பை வெளியிட்டு உள்ளது.

2023 ஆம் ஆண்டில் பல நாடுகள் ரெசிஷனுக்குள் நுழையும் என கணிப்புகள் வெளியான நிலையில், ஜெர்மனி 2 காலாண்டுகளாக் எதிர்மறையான GDP அளவீட்டை பதிவு செய்த நிலையில் முதலீட்டு சந்தை அதிகப்படியான தடுமாற்றத்துடன் காணப்பட்டது.

இந்த நிலையில் உலக வங்கியின் 2023 ஆம் ஆண்டுக்கான பொருளாதார வளர்ச்சியின் புதிய கணிப்புகள் உலக நாடுகளுக்கு புதிய நம்பிக்கை கொடுத்தாலும், இந்தியாவுக்கு பெரிய அதிர்ச்சியாக உள்ளது.

செவ்வாய்க்கிழமை உலக வங்கியின் 2023 ஆம் ஆண்டுக்கான பொருளாதார வளர்ச்சி கணிப்பு அறிக்கையில் சர்வதேச பொருளாதார வளர்ச்சி அளவீட்டை அதிகரித்துள்ளது. இதற்கு முக்கிய காரணமாக அமெரிக்கா மற்றும் உலகின் முன்னணி பொருளாதார நாடுகள் கணித்தை காட்டிலும் வலிமையாக இருப்பதாலும், நிலைமை மாறியுள்ளதாலும் 2023 global growth கணிப்பை உயர்த்தியுள்ளது.

ஆனால் இந்தியாவின் பொருளாதார வளர்ச்சி 6.3 சதவீதமாக குறைத்துள்ளது, இது ஜனவரி மாத முந்தைய கணிப்பை காட்டிலும் 0.3 சதவீத குறைவாகும். 2022-23 ஆம் நிதியாண்டில் இந்தியாவின் மொத்த உள்நாட்டு உற்பத்தி வளர்ச்சி விகிதத்தை 7.2 சதவீதமாக மதிப்பிட்டு மத்திய புள்ளியியல் மற்றும் திட்ட அமைச்சகம் கடந்த வாரம் அதிகாரப்பூர்வ அறிவிப்பை வெளியிட்டது.

இதை தொடர்ந்து 2023-24 ஆம் நிதியாண்டின் முதல் காலாண்டில் (Q1) 7.6 சதவிகிதத்துடன் இந்த ஆண்டின் மொத்த GDP வளர்ச்சி 6.5 சதவிகிதமாக இருக்கும் என கணித்துள்ளது. ஆனால் உலக வாங்கியின் கணிப்பில் 6.6 சதவீதத்தில் இருந்து 6.3 சதவீதமாக குறைத்துள்ளது.

உலக வங்கி தனது ஜனவரி கணிப்பில் சர்வதேச பொருளாதார வளர்ச்சி என்பது 1.7 சதவீதமாக இருக்கும் என கணித்திருந்த நிலையில், தற்போது 2.1 சதவீதமாக இருக்கும என கணித்துள்ளது. சர்வதேச பொருளாதார வளர்ச்சி அளவீடு 2022ல் 3.1 சதவீதமாகவும், 2023ல் 2.1 சதவீதமாகவும் இறங்கியுள்ளது. 2025 ல் மீண்டும் 3 சதவீதத்திற்கு உயரும் என கணிக்கப்பட்டு உள்ளது.

உலக வங்கியின் வளர்ச்சி அளவுகளின் கணிப்புகள் உயர அமெரிக்க அரசின் கடன் வரம்பை உயர்த்த அந்நாட்டு நாடாளுமன்றத்தில் கிடைத்த ஒப்புதல் காரணமாக இது நடந்திருக்கலாம் என தெரிகிறது.