உலகின் மகா கோடீஸ்வரர் மான்சா மூசா பற்றி தெரியுமா?

உலக வரலாற்றுச் சுவட்டில் இன்றைக்கு பிரபலமாக உள்ள உலக மகா கோடீஸ்வரரைக் காட்டிலும் அதிகமான சொத்தைக் குவித்திருந்தவர் மான்சா மூசா. 14 ஆம் நூற்றாண்டைச் சேர்ந்த ஆப்பிரிக்க பேரரசரான மான்சா மூசா இதுவரை உலகில் வாழ்ந்தவர்களில் இல்லாத அளவுக்கு சொத்துகளை கொண்டிருந்தார்.

கி.பி 1280 இல் பிறந்த மன்சா மூசா கி.பி 1312 இல் மேற்கு ஆபிரிக்காவின் பரந்த மாலி ராஜ்ஜியத்தின் பேரரசர் ஆவார். அவரது சொத்து கிட்டத்தட்ட 400 பில்லியன் அமெரிக்க டாலர்கள் என மதிப்பிடப்பட்டுள்ளது.

நவீன டைட்டன்களான ஜெப் பெசோஸின் நிகர மதிப்பு 195.8 பில்லியன் அமெரிக்க டாலர்கள் ஆகும். முகேஷ் அம்பானியின் நிகர மதிப்பு 117.8 பில்லியன் அமெரிக்க டாலர்கள் ஆகும். கௌதம் அதானியின் நிகர மதிப்பு 83.6 பில்லியன் அமெரிக்க டாலர்கள் ஆகும்.

மான்சா மூசாவின் செழுமை முதன்மையாக அவரது ஆதிக்கத்தின் கீழ் ஏராளமான இயற்கை வளங்களில் இருந்து உருவானது.
பாம்புக், வாங்கரா, புரே, கலாம் மற்றும் தகாசா போன்ற சுரங்கங்களிலிருந்து தெற்கே தங்கம் வந்து குவிந்தது,. வடக்கு பிரதேசங்கள் உப்பை விளைவித்தன.

அவரது ஆட்சியானது ஐவரி கோஸ்ட், செனகல், மாலி, புர்கினா பாசோ உட்பட பல சமகால ஆபிரிக்க நாடுகளின் மீது டிம்புக்டுவில் அமைந்துள்ள ஏகாதிபத்திய தலைநகருடன் அமைந்திருந்தது.
கருணை மற்றும் ஞானத்துக்கு பெயர் பெற்ற மான்சா மூசாவின் தாராள மனப்பான்மை பேர் பெற்றது.

மாலியன் தங்கத்தை அவர் ஆடம்பரமாக வழங்கியதைப் பற்றிய கதைகள் ஏராளமாக உள்ளன. உள்ளூர் கதைசொல்லிகள் அவரை வீணாக சித்தரிக்க பயந்து அவரது நற்பண்புகளை போற்றத் தயங்கினார்கள்.

லண்டனில் உள்ள ஸ்கூல் ஆஃப் ஆஃப்ரிக்கன் அண்ட் ஓரியண்டல் ஸ்டடீஸின் லூசி டுரான் இதை சான்றளித்து, அவருடைய ஒப்பற்ற பெருந்தன்மையை அடிக்கோடிட்டுக் காட்டுகிறார். 1324 ஆம் ஆண்டில், மான்சா மூசா மெக்காவுக்கு ஒரு புனிதப் பயணத்தைத் தொடங்கினார். இது அவரது பெயரை வரலாற்றில் பொறித்தது.

சஹாரா பாலைவனத்தில் இதுவரை பயணித்ததில் மிகப் பெரியது என்று கூறப்படும் அவரது கேரவன், 12,000 வேலையாட்கள் மற்றும் 60,000 அடிமைகளுடன் கூடிய 100 ஒட்டகங்கள், ஏராளமான தங்கத்தை சுமந்து சென்றது என பிபிசி நிறுவன ஆவணங்கள் தெரிவிக்கின்றன.

2022 ஆம் ஆண்டில் 957 மில்லியன் அமெரிக்க டாலர்கள் மதிப்புள்ள 18 டன் தங்கத்தை அவர் இந்தப் புனிதப் பயணத்தில் கொண்டு சென்றதாக வரலாற்றாசிரியர்கள் மற்றும் அறிஞர்கள் மதிப்பிட்டுள்ளனர்.

Story Written by: I.Jayachadran