நடப்பு ஆண்டு முடிய இன்னும் சில வாரங்களே உள்ள நிலையில், நடப்பு ஆண்டில் இதுவரையில் அதிக லாபம் கொடுத்த சில பங்குகள் பற்றித் தான் பார்க்கப் போகிறோம்.
பொதுவாக பங்கு சந்தை என்று பயந்து ஒதுங்கியவர்கள் எல்லாம், இந்தாண்டு லாக்டவுன் காலகட்டத்தில், இதுதான் சரியான நேரம் என பங்கு சந்தையில் நுழைந்தனர்.
பலரும் டீமேட் கணக்கு தொடங்கினர். கடந்த சில மாதங்களாகவே மாதத்திற்கு ஒரு மில்லியன் கணக்குகள் தொடங்கப்பட்டதே இது சிறந்த சாட்சி. அதெல்லாம் சரி இந்த ஆண்டில் நல்ல ஏற்றம் கண்ட பங்குகள் என்னென்ன? அதாவது 52 வார குறைந்தபட்ச விலை என்ன? 52 வார உச்சம் எவ்வளவு? எவ்வளவு ஏற்றம் கண்டது உள்ளிட்ட பல விவரங்களை பார்க்க விருக்கிறோம்.
ருச்சி சோயா பங்கு விலை
அந்த வகையில் இன்று முதலாவதாக பார்க்கவிருப்பது ருச்சி சோயா இண்டஸ்ட்ரீஸ் லிமிடெட். பதஞ்சலி நிறுவனம், ருச்சிய சோயா சமையல் எண்ணெய் நிறுவனத்தினை கடந்த ஆண்டில் தான் 4,350 கோடி ரூபாய் கொடுத்து திவாலான நிலையில் கைப்பற்றியது குறிப்பிடத்தக்கது.
இந்த நிலையில் இந்த நிறுவனத்தினை பதஞ்சலி மிக திறமையாக கையாண்டு வருகின்றது. அதுமட்டும் அல்ல நடப்பு ஆண்டில் இதன் வளர்ச்சி அதிகரிக்கும் என்றும் நம்புவதாக இந்த நிறுவனம் அறிவித்துள்ளது.
(இந்த தரவுகள் நவம்பர் 26 நிலவரப்படி எடுக்கப்பட்டது)
இதற்கிடையில் இந்த வருடத்தில் இதன் 52 வார உச்சம் 1519.65 ரூபாயாகும். 52 வார குறைந்தபட்ச விலை 16.2 ரூபாயாகும். இது கிட்டதட்ட 4,474.07% ஏற்றத்தினை கண்டுள்ளது.
பயோஃபில் கெமிக்கல்ஸ் & பார்மாஸ்யூட்டிக்கல்ஸ் லிமிடெட்
பயோஃபில் கெமிக்கல்ஸ் & பார்மாஸ்யூட்டிக்கல்ஸ் லிமிடெட் ( Biofil chemicals & pharmaceuticals limited ) நிறுவனம் மருத்துவ துறையில் உள்ள ஸ்மால் கேப் நிறுவனமாகும். கடந்த ஒரு வருடத்தில் இந்த பங்கின் விலையானது 3,130.23% ஏற்றம் கண்டுள்ளது. இந்த வருடத்தில் இதன் 52 வார உச்சம் 208.35 ரூபாயாகும். 52 வார குறைந்தபட்ச விலை 6.45 ரூபாயாகும். இது தற்போது 709.15 ரூபாயாக உள்ளது. (இந்த தரவுகள் நவம்பர் 26 நிலவரப்படி எடுக்கப்பட்டது)
யூரோ செராமிக்ஸ் லிமிடெட் (Euro Ceramics Limited)
யூரோ செராமிக்ஸ் லிமிடெட் (Euro Ceramics Limited) நிறுவனம், ஒரு ஸ்மால் கேப் நிறுவனமாகும். இது டைல்ஸ், சானிடரிவேர், மார்பிள்ஸ் உள்ளிட்ட கட்டுமான பொருட்கள், பாத்ரூம், ரியால்டி டிவிசன் உள்ளிட்ட பொருட்கள் விற்பனை செய்து வருகின்றது. இந்த வருடத்தில் இதன் 52 வார உச்சம் 3.15 ரூபாயாகும். 52 வார குறைந்தபட்ச விலை 0.15 ரூபாயாகும். (இந்த தரவுகள் நவம்பர் 26 நிலவரப்படி எடுக்கப்பட்டது)
தன்லா சொல்யூசன்ஸ் நிறுவனம் (Tanla solutions limited)
தன்லா சொல்யூசன்ஸ் நிறுவனம் (Tanla solutions limited) ஹைதராபாத்தினை தளமாகக் கொண்ட இந்த நிறுவனம், கிளவுட் கம்யூனிகேஷன்ஸ் சேவையை வழங்கும் ஒரு நிறுவனமாகும். இந்த நிறுவனம் சிங்கப்பூர், லண்டன், கொலம்பியா, துபாய் உள்ளிட்ட நாடுகளில் சேவையினை வழங்கி வருகின்றது. இந்த வருடத்தில் இதன் 52 வார உச்சம் 583.5 ரூபாயாகும். 52 வார குறைந்தபட்ச விலை 37.1 ரூபாயாகும். (இந்த தரவுகள் நவம்பர் 26 நிலவரப்படி எடுக்கப்பட்டது)