அம்பானி உடன் போட்டி போட்டு கார் வாங்கும் யோஹான்.. புதுசா வாங்கிய கார் விலை ரூ.7 கோடி..!

இந்தியாவில் மிகப் பிரபலமான கார் கலெக்டர்களில் ஒருவர் யோஹான் பூனவாலா. அவரது கார் கலெக்ஷனுக்காகவே காரணமாக உலகளவில் புகழ்பெற்றவர். சீரம் இன்ஸ்டிட்டியூட் அதிபர் அதர் பூனாவாலாவின் நெருங்கிய உறவினர் தான் யோஹான் பூனாவாலா.

யோஹான் பூனவாலாவிடம் உள்ள கார்களின் மொத்த மதிப்பு ரூ.100 கோடி எனக் கூறப்படுகிறது. விதவிதமான கார்களை அவர் வாங்கி வைத்துள்ளார். கிறிஸ்துமஸ் பண்டிகை நெருங்கி வரும் நிலையில் அவர் புத்தம் புதிதாக ஒரு சிவப்பு நிற சொகுசு காரை தனது கலெக்ஷனில் சேர்த்துள்ளார்.

யோஹான் பூனவாலா வாங்கியுள்ள இந்த புதிய பென்ட்லி ஃபிளையிங் ஸ்பர் கார் இந்தியாவில் ரூ.7 கோடிக்கு விற்கப்படுகிறது. சொகுசு கார்கள் வரிசையில் மிக அதிக சக்தியுடன் செயல்படும் டபிள்யூ12 வகை இஞ்சின் இதில் பொருத்தப்பட்டுள்ளது. இந்தக் காருடன் யோஹான் பூனவாலா நிற்கும் படங்கள் சமூகத் தளங்களில் இப்போது வைரலாகி வருகின்றன.

பென்ட்லி ஃபிளையிங் ஸ்பர் காரில் டபிள்யூ 12 ஸ்பீடு, 6.0 லிட்டர் டபிள்யூ 12 டர்போ சார்ஜ்டு இஞ்சின் பொருத்தப்பட்டுள்ளதால் 635 PS மற்றும் உச்சபட்சமாக 900 Nm டார்க் விசையை வெளிப்படுத்தும்.
இந்தக் காரின் இஞ்சினில் ZF 8 ஸ்பீடு டுயல் கிளட்ச் ஆட்டோமேடிக் டிரான்மிஷன் இருப்பதால் ஸ்டேட்-ஆப்-தி-ஆர்ட் பெருமையை இந்த பென்ட்லி ஃபிளையிங் ஸ்பர் கார் பெறுகிறது.

இந்த டிரான்ஸ்மிஷன் மூலம் அதிக சக்தியை வெளிப்படுத்துவது மட்டுமல்லாமல் நளினமான மற்றும் சாதுர்யமான கியர் ஷிப்டுகள் இருக்கும். இந்தக் காரை சூப்பர் லிமோ என்றும் அழைக்கப்படுகின்றனர்.

வெறும் 3.8 நொடிகளில் ஜீரோவில் இருந்து மணிக்கு 100 கி.மீ. வேகத்தில் செல்லும் அசாத்தியமான திறனைப் பெற்றுள்ளது.
இந்தப் புதிய பென்ட்லி ஃபிளையிங் ஸ்பர் டபிள்யூ 12 கார் அவரது கார் கலெக்ஷனில் மற்றுமொரு விஷயம் மட்டுமே. கார்கள் தவிர அவர் நிறைய ஹெலிகாப்டர்களையும் வாங்கி வைத்துள்ளார்.
அவர் தனது எல்லா கார்களிலும் தனது இனிஷியலான 'YZP' என்பதை பொறித்திருப்பார்.

கார் மீதான யோஹான் பூனவாலாவின் மோகம் அவரது இளம் வயதிலேயே தொடங்கி விட்டது. 1931 ஆம் ஆண்டு மாடல் செவ்வி கார்தான் இந்த மோகத்தை தொடங்கி வைத்தது. அவரது குடும்பம் செல்வச் செழிப்புடன் மாற மாற யோஹன் பூனவாலாவின் கேரேஜ் பெரிதாகிக் கொண்ட போனது.

பில்லியனர் பூனவாலாவின் வசம் மிக அரிதான கார்கள் உள்ளன. இவற்றை இந்தியாவில் காண முடியாது. யோஹான் பூனவாலாவுக்கு சொந்தமான கவர்ச்சியான கார்களில் பென்ட்லி பென்டேகா, லேண்ட் ரோவர் டிஃபென்டர், ஃபெராரி 488 பிஸ்டா ஸ்பைடர், ரோல்ஸ் ராய்ஸ் பாண்டம், லம்போர்கினி கல்லார்டோ உள்ளிட்டவை அடங்கும்.