இந்தியாவில் முதல் முறையாக நஷ்டம்.. ஆடம்பர பிராண்டான ஜரா சோகம்..!

ஜரா-வின் வர்த்தகம் பாதிப்பு

தற்போது வெளியாகியுள்ள அறிக்கையின் படி ஜரா 2021ஆம் நிதியாண்டில் சுமார் 28 சதவீதம் அளவிலான வர்த்தகத்தை இழந்துள்ளது, 2010 முதல் இந்தியச் சந்தையில் வர்த்தகம் செய்து வரும் ஜரா முதல் முறையாகத் தற்போது நஷ்டத்தைச் சந்தித்துள்ளது.

இண்டிடெக்ஸ் டிரென்ட் நிறுவனம்

இந்தியாவில் ஜரா, டாடா குழுமத்துடன் இணைந்து, இண்டிடெக்ஸ் டிரென்ட் பெயரில் சுமார் 21 கடைகளுடன் நாடு முழுவதும் வர்த்தகம் செய்து வருகிறது. இந்நிலையில் 2021ஆம் நிதியாண்டில் இண்டிடெக்ஸ் டிரென்ட் நிறுவனத்தின் வருமானம் 1,126 கோடி ரூபாயாகக் குறைந்துள்ளது.

41 கோடி ரூபாய் நஷ்டம்

மேலும் முந்தைய ஆண்டில் 104 கோடி ரூபாய் அளவிலான லாபத்தை அடைந்த இண்டிடெக்ஸ் டிரென்ட் நிறுவனம் கொரோனா பாதிப்பு நிறைந்த 2021ஆம் நிதியாண்டில் 41 கோடி ரூபாய் அளவிலான நஷ்டத்தை அடைந்துள்ளது.

முதல் முறையாக நஷ்டம்

இந்தியாவிலேயே அதிக லாபம் பெறும் நிறுவனமாகத் திகழ்ந்த ஜரா முதல் முறையாகத் தனது இந்திய வர்த்தகத்தில் நஷ்டத்தைச் சந்தித்துள்ளது. இதற்கு முக்கியக் காரணம் கொரோனா, லாக்டவுன் மூலம் பெரும்பாலான மால்கள் மூடப்பட்ட காரணத்தால் ஜரா-வின் வர்த்தகம் பாதித்து நஷ்டம் அடையும் நிலைக்குத் தள்ளப்பட்டு உள்ளது.

மாசிமோ டூட்டி ஸ்டோர்ஸ்

இதேபோல் டாடா குழுமத்தின் டிரென்ட் பிராண்ட் ஜரா-வின் மற்றொரு பிராண்டான மாசிமோ டூட்டி ஸ்டோர்ஸ் இந்தியாவில் இயங்கி வருகிறது. இதுவும் 2021ஆம் நிதியாண்டில் 50 சதவீத வருமானத்தை இழந்துள்ளது. இதன் மூலம் 34 கோடி ரூபாய் வருமானத்தையும் 8 கோடி ரூபாய் நஷ்டத்தையும் சந்தித்துள்ளது.