பெங்களூருதான் இனி ZEPTO-வின் தலைமையகம்.. மும்பைக்கு குட்பை.. ஊழியர்களை சீக்கிரம் வர சொல்லி ஆர்டர்.!

விரைவு வர்த்தக ஸ்டார்ட்அப் நிறுவனமான Zepto, மும்பையில் இருந்து பெங்களூருக்கு தனது தலைமையகத்தை மாற்றுவதாக முன்னதாக அறிவித்திருந்தது. தற்போது அதன் அலுவலக இருப்பிடத்தை இறுதி செய்துள்ளது. பெங்களூரு சர்ஜாபூரில் தனது தலைமை அலுவலகத்தை தொடங்கவுள்ள நிறுவனம், இங்குள்ள டோட்டல் மாலை தனது அலுவலகமாக மாற்றவுள்ளது. இது தொடர்பான குத்தகை ஒப்பந்தமும் கையெழுத்தாகிய நிலையில், நவம்பர் 11ம் தேதி முதல் அலுவலகம் தொடங்கும்.

பெங்களூருவுக்கு இடம் மாறுவதற்கு ஊழியர்களுக்கு கூடுதல் அவகாசம் அளித்துள்ள நிறுவனம், பிப்ரவரி மாதத்திற்குள் இங்கு வருமாறு அறிவுறுத்தியுள்ளது. அதன்படி, 1,700-1,800 ஊழியர்களை ஒரே அலுவலகத்தில் கீழ் கொண்டுவரும் நோக்கத்துடன் நவம்பர் மாதத்திற்குள் மும்பையில் உள்ள போவாயில் இருந்து பெங்களூருவில் உள்ள சர்ஜாபூருக்கு மாற்றுமாறு நிறுவனம் கூறியுள்ளது. அதற்கான காலக்கெடுவும் கொடுக்கப்பட்டுள்ளது.

ஏற்கனவே சில ஊழியர்கள் பெங்களூரு வரத் தொடங்கிவிட்டதாகவும், நவம்பர் 11-ம் தேதி முதல் அலுவலகம் செயல்படத் தொடங்கும் என்றும் தெரிய வந்துள்ளது. தற்போது ஜெப்டோவின் சில அலகுகள் மும்பையில் உள்ளன. அதே நேரத்தில் தயாரிப்பு மற்றும் தொழில்நுட்ப குழுக்கள் பெங்களூரில் இருந்து வேலை செய்கின்றன. பிப்ரவரி முதல் அனைத்து அணிகளும் பெங்களூரில் இருந்து செயல்படும்.

டோட்டல் மால் ஒரு காலத்தில் சர்ஜாபூரில் பிரபலமான மாலாக இருந்தது. பின்னர் அதன் பெயர் மார்க்கெட் ஸ்கொயர் மால் என மாற்றப்பட்டது. இப்போது இதே கட்டிடம் ஜெப்டோவின் தலைமை அலுவலகமாக இருக்கும். மும்பையில் இருந்து பெங்களூருக்கு தலைமை அலுவலகத்தை மாற்ற நிறுவனத்திற்கு 3-4 கோடி ரூபாய். செலவாகும் என்று கூறப்படுகிறது. ஆனால், மும்பையில் இருந்து பெங்களூருக்கு வருவதற்கு நிறுவனத்துக்கு மாதம் ரூ.40-50 லட்சம் செலவாகும் என மதிப்பிடப்பட்டுள்ளது.

சர்ஜாபூரில் அலுவலகம் திறக்கப்படுவதால், அதன் போட்டியாளர்களான ஸ்விக்கி மற்றும் பிளிப்கார்ட் அலுவலகங்கள் உள்ள அதே பகுதியில் செப்டோ அலுவலகமும் வரும்.நிறுவனத்தின் 1,700-1,800 ஊழியர்களில், 1,000 ஊழியர்கள் தற்போது மும்பையிலும், 400 பேர் பெங்களூரிலும், மேலும் 300 பேர் நாட்டின் பிற பகுதிகளிலும் உள்ளனர்.

பெங்களூருக்கு வந்தவுடன் 500 நிறுவன ஊழியர்களை பணியமர்த்தவும் ஜெப்டோ யோசித்து வருகிறது. இதன் மூலம் மொத்த ஊழியர்களின் எண்ணிக்கை தற்போது 2,200-2,300 ஆக உயர்த்தப்பட உள்ளது.

ஆதித் பாலிச்சா மற்றும் கைவல்யா வோஹ்ரா ஆகியோர் 2021 இல் ஜெப்டோவை தொடங்கினர். மூன்றே ஆண்டுகளில், நிறுவனம் 1.5 பில்லியன் டாலருக்கு மேலாக திரட்டியுள்ளது. கிட்டத்தட்ட 5 பில்லியன் டாலர் சந்தை மதிப்பைக் கொண்டுள்ளது.