கவர்னர் சார், வாங்களேன் ஆட்டோ-ல ரைட் போவோம்.. ZOHO ஸ்ரீதர் வேம்பு ஆட்டோவில், ஆர்என் ரவி பயணம்..!!

இந்தியாவின் முன்னணி SAAS நிறுவனமான ZOHO தலைவர் லாக்டவுன் காலக்கட்டத்தில் பெரு நிறுவனங்கள் அனைத்தும் சிறிய நகரங்களுக்கு தங்களுடைய தலைமையகத்தை மாற்ற வேண்டும் என்றும், கிராமங்களில் வேலைவாய்ப்புகள், வர்த்தகத்தை உருவா்க்க வேண்டும் என கூறியது காட்டுத்தீ போல பரவி தற்போது அனைத்து துறைகளையும் தொத்திக்கொண்டது.

இதில் ஒரு படிக்கு மேல் சென்ற ZOHO சிஇஓ மற்றும் நிறுவனரான ஸ்ரீதர் வேம்பு தனது சிஇஓ அலுவலகத்தை தனது சொந்த ஊரான தென்காசிக்கு மாற்றியது மட்டும் அல்லாமல் தென்காசியில் புதிய ZOHO கிளை அலுவலகத்தையும் திறந்துள்ளார்.

இது மட்டும் அல்லாமல் தென்காசியில் ஸ்ரீதர் வேம்பு ஆடம்பர வாழ்க்கை இல்லாமல் எளிமையான வாழ்க்கையை மட்டும் அல்லாமல் இயற்கையோடு நெருங்கி வாழ்ந்து வருகிறது. பல நேரம் செருப்பு கூட இல்லாமல் நடக்கும் வழக்கத்தையும் கொண்டுள்ளார் ZOHO சிஇஓ மற்றும் நிறுவனரான ஸ்ரீதர் வேம்பு.

இவருடைய வாழ்க்கை முறை குறித்து பலரும் விமர்சனம் செய்தாலும், பல மூத்த அதிகாரிகளும், தலைவர்களும் இத்தகைய இயற்கை உடன் ஓன்றிணைந்து வாழும் முறைக்கு மெல்ல மெல்ல நகர துவங்கியுள்ளனர்.

இந்த நிலையில் தமிழ்நாடு கவர்னர் ஆர்.என்.ரவி தென்காசி கோவிந்தபெரி கிராமத்தில் அமைந்திருக்கும் ZOHO நிறுவனத்தின் கிராம பள்ளி, விவசாயம பகுதிகளை காண சென்றுள்ளார். இவரை வரவேற்ற ஸ்ரீதர் வேம்பு அனைத்து இடத்திற்கும் அவருடைய சொந்த எலக்ட்ரிக் ஆட்டோவில், அவரே ஓட்டி அழைத்து சென்றார். இந்த புகைப்படம் தற்போது பெரிய அளவில் சமுக வலைத்தளத்தில் வரைலாகி வருகிறது.

இந்த சந்திப்பு குறித்து ஸ்ரீதர் வேம்பு தனது டிவிட்டரில் தமிழ்நாடு கவர்னர் ஆர்.என்.ரவி கோவிந்தபெரி கிராமத்தில் இருக்கும் எங்களுடைய தோட்டம் மற்றும் பள்ளியை காண வந்தார். எங்களுடைய விவசாய முயற்சிகளையும், எங்களுடைய விவசாயிகள், ஆசிரியர்கள், மாணவர்களுடன் பேசினார். அவரை என்னுடைய எலக்ட்ரிக் ஆட்டோ-வில் அழைத்து சென்றது மகிழ்ச்சி என தெரிவித்தார்.

கிராமங்களில் வேலைவாய்ப்புகளை உருவாக்குவதும், மக்கள் பெரு நகரங்களுக்கு செல்வதை குறைக்கவும், அதீத மக்கள் தொகையால் மூச்சு திணறும் நகரங்களுக்கு இதன் மூலம் தீர்வு காண முடியும் என நம்புபவர் ஸ்ரீதர் வேம்பு. இதனாலேயே தான் தனது சிஇஓ அலுவலகத்தை தனது சொந்த ஊருக்கும், தென்காசியில் புதிய ZOHO கிளை அலுவலகத்தையும் திறந்துள்ளார்.