இந்தியாவே கொண்டாடும் தமிழ்நாட்டு சோமேட்டோ டெலிவரி பாய்.. TNPSC தேர்வில் வெற்றி, செம டிவிஸ்ட்..!

இந்திய பெரு நகரங்களில் உணவு மற்றும் மளிகை பொருட்கள் டெலிவரி சேவை பிரிவில் பணியாற்றும் பெரும்பாலான இளைஞர்கள் படித்த பட்டதாரிகள் தான், கனவு தேடி ஓடிக்கொண்டு இருக்கும் இளைஞர்கள், பிடித்த வேலை அல்லது படித்த படிப்புக்கு ஏற்ற வேலை கிடைக்கும் வரையில் பகுதி நேரமாக உணவு டெலிவரி செய்யும் வேலையை செய்கின்றனர்.

இப்படி விக்னேஷ் என்ற இளைஞன் சோமேட்டோ டெலிவரி பார்ட்னராக பணியாற்றி வந்த இதே வேளையில் தமிழ்நாடு அரசு ஒவ்வொரு வருடமும் பல ஆயிரம் வேலைவாய்ப்புகளுக்கு பொது தேர்வு வைத்து அதன் மூலம் தமிழ்நாடு பப்ளிக் சர்வீஸ் கமிஷன் தேர்வில் தேர்ச்சி பெற்றுள்ளதாக சோமேட்டோ தெரிவித்துள்ளது.

விக்னேஷ்-ன் வெற்றி அவரையும் அவருடைய குடும்பத்தையும் மட்டும் அல்லாமல் சோமேட்டோ நிறுவனத்தையும் கவர்ந்துள்ளது. விக்னேஷ்-ன் வெற்றியை கொண்டாடும் வகையில் சோமேட்டோ தனது டிவிட்டர் அதாவது X தளத்தில் விக்னேஷ் மற்றும் அவருடைய குடும்பத்துடன் இருக்கும் போட்டோ-வை பகிர்ந்தது.

இதற்காக சோமேட்டோ டெலிவரி பார்ட்னராக இருந்து ராஜினாமா செய்யும் போது இப்படி ராஜினாமா செய்ய வேண்டும் என X தளத்தில் தெரிவித்துள்ளது. இதற்கு விக்னேஷ் முக்கியமான திருத்தம் மற்றும் விளக்கத்தை கொடுத்துள்ளார்.

இந்த பதிவு போட்ட அடுத்த சில நிமிடத்தில் ஒட்டுமொத்த இந்திய மக்களும் அவரை பாராட்டி வருகிறது. சோமேட்டோ விக்னேஷ்-ஐ பாராட்டில் ஜூன் 24 ஆம் தேதி X தளத்தில் போட்டோவை பகிர்ந்த நிலையில் சுமார் 1,10,000 பேர் இந்த பதிவை பார்த்துள்ளனர், 265 ரீடிவீட், 4235 லைக் என அசத்தி டிரெண்டாகி வந்த நிலையில் விக்னேஷ் முக்கிய திருத்தம் என தெரிவித்துள்ளார்.

இந்த நிலையில் ஜூலை 25 ஆம் தேதி விக்னேஷ் X தளத்தில் சோமேட்டோ-வை டேக் செய்து தான் TNPSC தேர்வில் வெற்றிப்பெறவில்லை நியூ இந்தியா அசூரென்ஸ் நிறுவனத்தின் AO எனப்படும் நிர்வாக அதிகாரி தேர்வில் தான் தான் தேர்ச்சிபெற்றுள்ளதாக தெரிவித்துள்ளார். விக்னேஷ்-ன் பதிவையும் இதுவரையில் 1600 பேர் பார்த்துள்ளனர். இதை சோமேட்டோ இதுவரையில் தனது பதிவில் திருத்தவில்லை.