இந்தாம்மா அங்கிதா.. உன் Ex-க்கு கேஷ் ஆன் டெலிவரி போடாத.. Zomato கல கல டிவீட்..!

ஸ்டார்ட்அப் நிறுவனங்கள், நியூ ஏஜ் நிறுவனங்கள் அனைத்தும் வாடிக்கையாளர்களை தக்கவைக்கவும், தொடர்ந்து உயிர்புடன் வைக்கவும் வித்தியாசமான முறையில் மார்கெட்டிங் செய்கிறது. அதிலும் குறிப்பாக மக்களை சிரிப்பூட்டும் வகையில் மார்கெட்டிங் செய்வதில் சோமேட்டோ வேற லெவல்.

உலக நாடுகளில் பெரிய அளவில் பிரபலமான வைரல் மார்கெட்டிங்-ஐ இந்தியாவில் சோமேட்டோ தினசரி செய்கிறது, குறிப்பாக ஒவ்வொரு மாநிலத்திற்கு ஏற்றப்படி, சம்பள நாள், மதிய உணவு நேர என நேரத்திற்கு தகுந்தார் போல் வைரல் மார்கெட்டிங் செய்கிறது. தமிழ்நாட்டில் நோட்டிபிகேஷன் வாயிலாக சோமேட்டோ செய்யும் வைரல் மார்கெட்டிங் மிகவும் பிரபலம்..

இந்த வகையில் சோமேட்டோ X தளத்தில் அதாவது டிவிட்டர் தளத்தில் இன்று ஒரு வரியில் பல ஆயிரம் மக்களை ஈர்த்துள்ளது. இன்றைய இளைய தலைமுறையினரை ஈர்க்கும் வகையில் காமெடியாக டிவிட் செய்து பலரின் கவனத்தை ஈர்த்துள்ளது.

இன்று காலை 11 மணியளவில் சோமேட்டோ தனது டிவிட்டர் கணக்கில் போபால் அங்கிதா, தயவு செய்து உன்னுடைய முன்னாள் காதலனுக்கு கேஷ் ஆன் டெலிவரி வாயிலாக உணவு ஆர்டர் செய்வதை நிறுத்து. 3வது முறையாக உன் பாய் பிரெண்ட் பணம் கொடுக்க முடியாது என கூறியுள்ளான் என டிவிட் செய்தது.

இந்த பதிவை கிட்டதட்ட 4 லட்சம் பேர் பார்த்துள்ளனர், 5800 பேர் லைக் செய்துள்ளனர், 171 பேர் கமெண்ட் செய்து வைரலாகியுள்ளது. இதேபோன்று பல வைரல் மார்கெட்டிங் முறையை நோட்டிபிகேஷனிலும் காட்டுகிறது சோமேட்டோ.

நீங்களும் அங்கிதா போல் உங்களுடைய முன்னாள் காதலி அல்லது காதலனுக்கு கேஷ் ஆன் டெலிவரி ஆப்ஷனில் உணவு, அமேசான் ஆர்டர்களை செய்துள்ளீர்களா..? கமெண்ட் பண்ணுங்க.