விழாக்கால பருவத்தில் வீடு வாங்க, கட்ட திட்டமா.. குறைந்த வட்டியில் வாங்க 10 வங்கிகள்!

தொடர்ந்து பணவீக்கத்தினை கட்டுக்குள் கொண்டு வரும் விதமாக இந்திய ரிசர்வ் வங்கியானது வட்டி விகிதத்தினை உயர்த்தி வருகிறது. இது மேற்கொண்டு வரவிருக்கும் ரிசர்வ் வங்கி கூட்டத்திலும் வட்டி விகிதத்தினை அதிகரிக்கலாம் என நிபுணர்கள் எதிர்பார்க்கின்றனர்.

தொடர்ந்து கடந்த மே மாதத்தில் இருந்து ரிசர்வ் வங்கியானது 190 அடிப்படை புள்ளிகள் வட்டி விகிதத்தினை அதிகரித்துள்ளது.

இதற்கிடையில் ரிசர்வ் வங்கியின் வட்டி அதிகரிப்பால் ஏற்கனவே பல வங்கிகளும், வட்டி அதிகரிப்பினை செய்ய ஆரம்பித்துள்ளன.

வட்டி அதிகரிக்கும்

ரிசர்வ் வங்கியின் அதிகரிப்பால் ஏற்கனவே கடன் வாங்கியவர்கள் தொடங்கி, புதியதாக வாங்குபவர்கள் வரையிலும் தாக்கத்தினை எதிர்கொள்ளலாம் என எதிர்பார்க்கப்படுகிறது. மாத தவணை தொகையானது இனி அதிகரிக்கலாம் என எதிர்பார்க்கப்படுகிறது. புதியதாக கடன் வாங்குபவர்களுக்கும் அதிக வட்டி விகிதமே விதிக்கப்படலாம். இது மேற்கொண்டு கடன் வாங்கியோருக்கு கூடுதல் சுமையை தரலாம் என எதிர்பார்க்கப்படுகிறது.

திரும்ப செலுத்தும் காலம்

மேலும் இந்த வட்டி அதிகரிப்பால் திரும்ப செலுத்தும் கால அவகாசமும் அதிகரிக்கலாம் என எதிர்பார்க்கப்படுகிறது. ஆக இந்த கால அவகாசத்தினை குறைக்க வேண்டுமெனில் நீங்கள் உங்களது தவணை தொகையை அதிகரிக்க வேண்டும். அதேபோல நீங்கள் புதியதாக கடன் வாங்க திட்டமிட்டிருந்தால் உங்கள் சிபில் ஸ்கோரை சரியாக வைத்திருக்கும் பட்சத்தில் சற்று வட்டி குறைவாக பெற முடியும்.

ஆராய்ந்து பாருங்கள்

எனினும் நீங்கள் குறைந்த வட்டியில் வீட்டுக் கடன் வாங்க வேண்டுமெனில் பல வங்கிகளின் விகிதத்தினை தெரிந்து வைத்துக் கொள்ள வேண்டும். அது புதியதாக கடன் வாங்குபவர்களுக்கு பயனுள்ளதாக அமையும். எனினும் ஏற்கனவே கடன் வாங்கியோருக்கு இது கூடுதலாகவே இருக்கும்.

அந்த வகையில் நாம் இன்று சில வட்டி குறைந்த வங்கிகள் பற்றித் தான் இந்த பதிவில் பார்க்க இருக்கிறோம். இது நிச்சயம் உங்களுக்கு பயனுள்ளதாக அமையலாம்.

 

வட்டி விகிதம் எவ்வளவு?

ரூ. 30 லட்சத்திற்கு கீழாக வீட்டு கடனுக்கு ஆண்டுக்கு எவ்வளவு வட்டி என்பதை தான் இந்த பட்டியலில் பார்க்க இருக்கிறோம்.

• சென்ட்ரல் பேங்க் - 7.50% மேல்
• யூனியன் பேங்க் ஆப் இந்தியா - 7.75 - 9.40%
• ஐடிபிஐ வங்கி - 8 - 11.15%
• கரூர் வைஸ்யா வங்கி - 8.05 - 10.30%
• ஆக்ஸிஸ் வங்கி - 8.10 - 8.55%
• கர்நாடகா வங்கி - 8.24 - 9.49%
• தமிழ் நாடு மெர்கன்டைல் வங்கி - 8.3%
• பேங்க் ஆப் மகராஷ்டிரா - 8.30 - 10.25%

மேற்கண்ட வட்டி விகிதங்கள் உங்கள் சிபில் ஸ்கோரின் அடிப்படையில் மாறும். இது அக்டோபர் 7 நிலவரப்படி எடுக்கப்பட்டது.