எஸ்ஐபி திட்டத்தை நிறுத்துவது அல்லது ரத்து செய்வது எப்படி..?

பெரும்பாலான மக்களுக்கு அவர்களுடைய எஸ்ஐபி திட்டத்தை நிறுத்த முடியும் என்பது தெரியாது. உங்கள் எஸ்ஐபி முதலீட்டுத் திட்டத்தை நிறுத்தினாலோ அல்லது ரத்து செய்தாலோ அதற்கு அபராதக் கட்டணங்கள் எதுவும் கிடையாது. எஸ்ஐபி திட்டத்தை ஒரு குறிப்பிட்ட காலம் வரை இடைநிறுத்தம் செய்தும் வைக்கலாம்.

உங்கள் எஸ்ஐபி திட்டத்தை நிறுத்துவது மிகவும் சுலபமானதாகும். பயனாளர் எஸ்ஐபி ரத்து படிவத்தை தரவிறக்கம் செய்ய வேண்டியது அவசியமாகும் மேலும் எஸ்ஐபி இடைநிறுத்தப் படிவம் முதலீட்டாளரால் நிரப்பப்பட வேண்டியது கட்டாயமாகும்.

முதலீட்டாளர் படிவத்தை குறிப்பிட்ட பரஸ்பர நிதி நிறுவனத்திடம் அல்லது உங்கள் விநியோகஸ்தர்/இடைத்தரகரிடம் அல்லது அந்த பரஸ்பர நிதி நிறுவனத்தின் பதிவாளரிடமோ சமர்ப்பிக்க வேண்டியது தேவையாகும். இந்தப் படிவத்தை பரஸ்பர நிதி நிறுவனத்தின் இணையத் தளத்தில் தரவிறக்கம் செய்துக் கொள்ளலாம்.

பின்பற்ற வேண்டிய வழிமுறைகள்:

1. எஸ்ஐபி ரத்துப் படிவத்தை இணையத் தளத்திலிருந்து தரவிறக்கம் செய்து பின்னர் அதை ஒரு ஏ4 பக்கத்தில் அச்சடித்துக் கொள்ளவும்.

2. ஆவணங்கள்

இடை நிறுத்தத்தின் தொடக்கத் தேதி மற்றும் முடிவுத் தேதி படிவத்தில் தெளிவாகக் குறிப்பிடப்பட வேண்டும். அந்தப் படிவம் தற்போதுள்ள எஸ்ஐபி திட்டத்தின் விவரங்களான முதலீட்டாளரின் பெயர் மற்றும் இணைப் பக்க எண்ணைக் கேட்கும். இந்த பின்வரும் விவரங்களை நிரப்பிய பிறகு நீங்கள் அதில் கையெழுத்திட வேண்டும், முதலீட்டுத் திட்டத்தில் அலகுகளை வைத்திருக்கும் அனைவரும் எஸ்ஐபி இடைநிறுத்தப் படிவத்தில் கையெழுத்திட வேண்டியது அவசியமாகும்.

நீங்கள் பின்வரும் விவரங்களை நிரப்ப வேண்டியது தேவையாகும்:

• விண்ணப்பதாரரின் பெயர்
• பான் எண்கள்
• செயல் திட்டம்
• திட்டம்
• தேர்வு
• இணை பக்க எண்.
• எஸ்ஐபி காலம் : தொடக்கத் தேதியிலிருந்து முடிவுத் தேதி வரை
• எஸ்ஐபி முதலீட்டுத் தொகை
• மின்னணு வங்கி வணிக நடவடிக்கை சேவைகளுக்காக பிடித்தம் செய்யப்பட்ட தொகையின் விவரங்கள்

3. ஆவணத்தில் கையெழுத்திட்டப் பிறகு இந்த எஸ்ஐபி ரத்துப் படிவத்தை
பரஸ்பர நிதி இல்லத்தில் அல்லது நிதியின் பதிவாளரிடம் அல்லது உங்கள் விநியோகஸ்தர் / இடைத்தரகர் / ஆலோசகர் / நிதி கலந்தாலோசனையாளர் / முகவர் போன்றவர்களில் ஒருவரிடம் சமர்ப்பியுங்கள்.

4. விண்ணப்பதாரர் அவருடைய விண்ணப்பத்தை தடமறியலாம். உங்கள் எஸ்ஐபி திட்ட ரத்து விண்ணப்பப் படிவத்தின் நிலையைத் தடமறிய, எஸ்ஐபி ரத்து படிவம் மற்றும் ஒப்புதல் சீட்டின் ஒரு நகலை உங்களிடம் வைத்திருக்க வேண்டியது அவசியமாகும்.

5. உங்கள் வேண்டுகோளை சமர்ப்பித்த பிறகு, எஸ்ஐபி திட்டத்தின் மின்னணு வணிக சேவைகளை நிறுத்த சுமார் 30 நாட்கள் எடுத்துக் கொள்ளும்.