மொபைல் வால்லெட் நிறுவனமான பேடிஎம் பிம் யூபிஐ செயலி மூலம் பணப் பரிவர்த்தனை செய்யும் முறையினை அறிமுகம் செய்துள்ளது. எனவே புதிய பேடிஎம் செயலிக்கு அப்கிரேடு ஆனவர்கள் பிம் தெரிவை தேர்வு செய்து யூபிஐ ஐடியை உருவக்க வேண்டும்.
பொதுவாக இந்த யூபிஐ ஐடியானது உங்கள் பேடிஎம் செயலியில் உள்ள மொபைல் எண்ணுடன் என உதாரணத்திற்கு 9123456789@paytm என்ற வடிவில் வரும்.
வங்கி கணக்கு
பிம் யூபிஐ செயலியானது உங்களது மொபைல் எண் இணைக்கப்பட்டுள்ள வங்கி கணக்கினை அணுகி பணப் பரிமாற்றம் செய்ய உதவும். பேடிஎம் செயலின் பிம் யூபிஐ தெரிவை தேர்வு செய்வதன் மூலம் பிற வங்கி கணக்குகளுக்குப் பணம் அனுப்புவது மட்டும் இல்லாமல் நேரடியாக வங்கி கணக்கிற்குப் பணத்தினைப் பெறவும் முடியும்.
இரண்டாவது வங்கி கணக்கு
ஒன்றுக்கு மேற்பட்ட வங்கி கணக்கினை வைத்துள்ளவர்கள் கூடுதல் வங்கி கணக்கினையும் இணைத்துக்கொள்ளலாம். வங்கி இருப்பு தொகையினையும் சரிபார்த்துக்கொள்ள முடியும்.
வணிகர்கள்
பேடிஎம் மூலம் பணம் பெறும் வணிகர்களிடமும் பிம் யூபிஐ செயலியினைப் பயன்படுத்திப் பணம் அனுப்ப முடியும் மற்றும் பெற முடியும்.
எவ்வளவு பரிவர்த்தனை செய்ய முடியும்?
பேடிஎம் பிம் யூபிஐ மூலமாக ஒரு நாளைக்கு 1 லட்சம் ரூபாய் வரை பணப் பரிமாற்றம் செய்ய முடியும்.