ஆயுள் காப்பீடு திட்டத்தின் கீழ் கடன் பெறுவது எப்படி?

ஆயுள் காப்பீடு திட்டங்கள் வாழ் நாள் காப்பீடு மட்டும் இல்லாமல் குறைந்த வட்டி விகிதத்தில் கடனும் அளிக்கிறது. இந்தக் கடன் இன்சூரன்ஸ் நிறுவனங்கள் அல்லது பிற நிதி சார் நிறுவனங்கள் அல்லது வங்கிகள் ஆயுள் காப்பீட்டுப் பாலிசியினைப் பிணையாகக் கொண்டு கடன் அளிக்கின்றன. ஆனால் இ ந்த கடன் திட்டமானது டர்ம் இன்சூரன்ஸ் அல்லது யூலிப்ஸ் அல்லது ஈக்விட்டி சார்ந்த திட்டங்களுக்குக் கிடையாது.

கடன் அளவு

கடன் அளவானது பாலிசியின் வகை மற்றும் சரண்டர் மதிப்பு இரண்டையும் பொருத்து வழங்கப்படும். கடன் தொகையானது பாலிசியின் சரண்டர் மதிப்பில் இருந்து குறிப்பிட்ட சதவீத அளவில் வழங்கப்படும். அதிகபட்சம் 80 முதல் 90 சதவீதம் வரை சரண்டர் மதிப்பில் இருந்து கடன் பெற முடியும். இந்தக் கடன் திட்டமானது மனி பேக் பாலிசி மற்றும் எண்டோவ்மெண்ட் பாலிகளுக்கு மட்டுமே வழங்கப்படுகிறது.

ஆவணங்கள்

இன்சூரன்ஸ் பாலிசிக்குக் கீழ் கடன் பெற விண்ணப்பத்தினைப் பூர்த்தூ செது சமர்ப்பிக்க வேண்டும். இந்த விண்ணப்பத்தினை இன்சூரன்ஸ் பாலிசி பத்திரம் அல்லது ஆவணத்துடன் சேர்த்து சமர்ப்பிக்கப்பட வேண்டும். கடன் தொகையினைப் பெறுவதற்கான கணக்கு விவரங்கள் மற்றும் கேன்சல்டு செக்கினை விண்ணப்பத்துடன் இணைக்க வேண்டும்.

கட்டணங்கள்

காப்பீட்டு நிறுவனம் அல்லது நிதி நிறுவனமானது கடன் தொகையினைச் செயல்படுத்துவதற்காக ஒரு குறிப்பிட்ட அளவிலான தொகையினைக் கட்டணமாகப் பெறும்.

வட்டி விகிதம்

தனிநபர் கடனை விட இன்சூரன்ஸ் பாலிசியின் கீழ் கடன் பெறும் போது குறைந்த வட்டி விகிதத்தில் கடன் அளிக்கப்படுகிறது. ஒருவேலை வட்டி தவணையானது பாலிசி சரண்டர் மதிப்பினை விட அதிகமாக இருந்தால் பாலிசிதார் அவரது பாசியை இழக்க நேரிடும்.