வங்கிகளுக்கு நீங்கள் கூடுதலாக செலுத்தும் கட்டணங்களை ஸ்மார்டாக குறைப்பது எப்படி?

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

    இந்தியாவின் மிகப் பெரிய வங்கிகள் தங்களது வாடிக்கையாளர்களுக்கு இலவசமாக வழங்கி வந்த சேவைகளுக்கு எல்லாம் சேவை வரி கட்ட வேண்டும் என்று வரித் துறை நோட்டிஸ் அனுப்பியுள்ள நிலையில் அதனைச் சமாளிக்க விரைவில் வங்கிகள் இலவசமாக வழங்கி வரும் சேவைகளுக்குக் கட்டணம் வசூலிக்கலாம் என்று எதிர்பார்க்கப்படுகிறது.

    எனவே இலவச சேவைகளுக்கு ஒரு வேலை வங்கிகள் கட்டணங்களை வசூலிக்கத் துவங்கிவிட்டால் அதனை எப்படிக் குறைப்பது எனத் தமிழ் குட்ரிட்டர்ன்ஸ் தளம் உங்களுக்குத் தகவல் அளிக்கக் கடமைப்பட்டுள்ளது.

    புத்திசாலித்தனமாக ஏடிஎம்-ஐ பயன்படுத்துவது எப்படி?

    பல வங்கிகள் தங்களது ஏடிஎம் மையங்களில் பணம் எடுத்தாலும் 5 முறை மட்டுமே இலவச சேவையினை வழங்குகின்றன. அதற்குக் கட்டணம் வசூலிக்கப்பட்டால் உங்களுக்கு அதிகமாகப் பணப் பரிவர்த்தனை செய்ய வேண்டும் என்றால் அதற்காக முன்கூட்டியே திட்டமிட்டுப் பணத்தினை எடுத்துக்கொள்ளலாம். இதனால் ஒவ்வொரு முறையும் 10 முதல் 20 ரூபாய் செலவாவதை குறைக்க முடியும். ஏடிஎம் மையங்களில் பணம் இல்லா பரிவர்த்தனை செய்யும் போது 5 முதல் 8.50 ரூபாய் வரை கட்டணமாக வசூலிக்கப்படுவது குறிப்பிடத்தக்கது.

    செக் புக் பயன்படுத்துவதைத் தவிர்ப்பது எப்படி?

    இலவச செக்குகளுக்கு அடுத்து நாம் அளிக்கும் ஒவ்வொரு செக்கிற்கும் கட்டணம் வசூலிக்கப்படுகிறது. ஆனால் சில வங்கிகள் இணையதள வங்கி சேவை மூலம் செய்யும் பரிவர்த்தனைகளை இலவசமாக அளிக்கின்றன.அதிலும் யூபிஐ சேவைகள் மூலமாகத் தங்களது வாடிக்கையாளர்களிடம் பணம் செலுத்த கோரிக்கை வைத்து எளிதாகப் பணத்தினைப் பெற்றுக்கொள்ள முடியும்.

    இந்தச் சேவைகளை எல்லாம் பயன்படுத்துவதால் செக் இதழ்களைப் பொருத்து 20 முதல் 150 ரூபாய் வரை மிச்சப்படுத்தலாம்.

     

    கடனை சரியான நேரத்தில் செலுத்துதல்

    வங்கிகள் மூலம் பெறும் கடன் தொகையினைச் சரியான நேரத்தில் செலுத்தவில்லை என்றால் அபராதத்துடன் கூடுதலாக வட்டியும் செலுத்த வேண்டும். எனவே சரியான நேரத்தில கடனை செலுத்துவதன் மூலம் 39 முதல் 42 சதவீதம் வரை வட்டியைக் குறைக்கலாம்.

    ஆட்டோ-டெபிட் சேவை

    கிரெடிட் கார்டு போன்ற பில்களை ஆட்டோ டெபிட் மூலம் செலுத்தவதன் மூலம் 5% சதவீதம் வரை வங்கிகள் அளிக்கும் சலுகைகளைப் பெற முடியும். அது மட்டும் இல்லாமல் இதிலும் தாமதாகச் செலுத்துவதால் ஏற்படும் 39 முதல் 42 சதவீதம் வரை வட்டியை குறைக்கலாம்.

    பயன்பாட்டுக் கட்டணங்கள்

    போன் கட்டணம், மின்சாரக் கட்டணம் போன்றவற்றையும் ஆட்டோ டெபிட் மூலம் செலுத்துவதால் 5% சலுகையுடன் 40 முதல் ரூபாய் வரை அப்பாரதத்தினைக் குறைக்க முடியும்.

    டூப்ளிகேட் பரிவர்த்தனை அறிக்கைகள்

    வங்கிகள் அச்சடிக்கப்பட்ட டூப்ளிகேட் பரிவர்த்தனை அறிக்கைகளை அளிக்க மற்றும் பாஸ்புக் பொன்ற சேவைகளுக்கு 100 ரூபாய் வரை கட்டணங்கள் வசூலிக்கும். அவற்றை இணையதள வங்கி சேவை மூலம் பெறுவதன் மூலம் இந்தக் கட்டணங்களைக் குறைக்கலாம்.

    பணப் பரிவர்த்தனை

    வங்கிகள் 3 அல்லது 4-க்கும் அதிகமான பணப் பரிவர்த்தனையைச் செய்யக் கட்டணம் வசூலிப்பதால் அதனைத் தவிர்ப்பதன் மூலம் 50 முதல் 150 ரூபாய் வரை ஒவ்வொரு பரிவர்த்தனைக்கும் செலவு குறையும்.

    செக் விநியோகித்தல்

    செக் இதழ்களை விநியோகிக்கும் முன்பு வங்கி கணக்கில் பணம் இருக்க வேண்டும். இல்லை என்றால் 500 முதல் 750 ரூபாய் வரை அபராதம் அல்லது சிறைக்குக் கூடச் செல்லும் நிலை ஏற்படும்.

    பரிவர்த்தனையை நிறுத்த இணையதளக் கோரிக்கை

    சில வங்கிகள் செக் பரிவர்த்தனைகளை நிறுத்த கோரிக்கைவைக்கும் போது 100 முதல் 200 வரை கட்டணம் வசூலிக்கும். இதைத் தவிர்த்து இணையதளம் மூலம் செய்யும் போது இந்தக் கூடுதல் கட்டணங்கள் கிடையாது.

    கிரெடிட் கார்டில் பணம் எடுத்தல்

    கிரெடிட் கார்டு மூலமாகப் பணம் எடுத்தால் பரிவர்த்தனை கட்டணம் மற்றும் கூடுதல் வட்டியை செலுத்த வேண்டும். இதனைத் தவிர்ப்பதன் மூலம் 2.5 சதவீதம் வரையிலான பரிவர்த்தனை கட்டணம் அல்லது 300 முதல் 500 ரூபாய் வரை சேமிக்கலாம்.

    கிரெடிட் வரம்பு

    உங்கள் கிரெடிட் கார்டில் அளித்துள்ள வரம்பை மீறி பரிவர்த்தனை செய்தால் அதற்குக் கூடுதல் கட்டணத்தை வங்கிகள் வசூலிக்கும். இதனைத் தவிர்ப்பதன் மூலம் 500 ரூபாய் வரை பணத்தினை மிச்சப்படுத்தலாம்.

    தமிழ் குட்ரிட்டன்ஸ் செய்திகளை உடனுக்குடன் படிக்க

    English summary

    Smart ways to avoid paying more for bank services

    Smart ways to avoid paying more for bank services
    Story first published: Monday, April 30, 2018, 21:58 [IST]
    Company Search
    Enter the first few characters of the company's name or the NSE symbol or BSE code and click 'Go'
    Thousands of Goodreturn readers receive our evening newsletter.
    Have you subscribed?

    Find IFSC

    Get Latest News alerts from Tamil Goodreturns

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more