உங்களுக்கு ஏற்ற கிரெடிட் கார்டை தேர்வு செய்வது எப்படி? இந்த 5 விஷயத்தை நோட் பண்ணுங்க!

கிரெடிட் கார்டுகள் இன்று பலராலும் பயன்படுத்தப்படும் ஒன்றாக மாறிவுள்ளது. பல நிறுவனங்கள் போட்டி போட்டுக் கொண்டு கிரெடிட் கார்டுகளை வழங்கும்போது எந்த கிரெடிட் கார்டைத் தேர்வு செய்வது என்பதில் உங்களுக்கு குழப்பம் வரலாம். கிரெடிட் கார்டுகளுக்கு பொதுவாக வட்டி விகிதம் அதிகம் என்றாலும் தேவைப்படும் நேரங்களில் பலர் நாடுவது கிரெடிட் கார்டுகளைத் தான். ஆனால் ஒவ்வொருவருடைய செலவுகளும் வித்தியாசமானது அதைப் பொறுத்து கிரெடிட் கார்டைத் தேர்வு செய்தால் இதை விட நன்மை வேறு எதிலும் கிடைக்காது. அந்த அளவுக்கு கிரெடிட் கார்டுகளில் நன்மைகளும் அடங்கியுள்ளன.

சரியான கிரெடிட் கார்டை எப்படி தேர்வு செய்வது?: சரியான கிரெடிட் கார்டைத் தேர்ந்தெடுப்பது கடினமானதாக இருக்கலாம். கிரெடிட் கார்டைத் தேர்ந்தெடுக்கும்போது கருத்தில் கொள்ள வேண்டிய சில விஷயங்களை இந்தப் பதிவில் பார்ப்போம்.

உங்கள் செலவுக்கு ஏற்ற கிரெடிட் கார்டைத் தேர்வு செய்யுங்கள்: மளிகை சாமான்கள், பயணம் அல்லது சாப்பாடு போன்ற உங்கள் முதன்மை செலவு வகைகளை அடையாளம் கண்டு அதற்கு ஏற்ற கிரெடிட் கார்டுகளைத் தேர்வு செய்யும்போது கேஷ்பேக் மற்றும் ரிவார்டுகளின் நன்மைகளைப் பெற முடியும்.

உங்கள் வாழ்க்கை முறைக்கு ஏற்ற கிரெடிட் கார்டைத் தேர்வு செய்யவும்: சிலருக்கு கேஷ்பேக் அதிக நன்மைகளை வழங்குவது போல தோன்றலாம். சிலருக்கு ரிவார்டு பாயிண்டுகள் நன்மையளிப்பதாகத் தோன்றலாம். எனவே உங்களுக்கு கேஷ்பேக் சிறந்ததா அல்லது ரிவார்ட் பாயிண்ட்கள் சிறந்ததா என்பதை தெரிந்து கொண்டு அதற்கு ஏற்ப கிரெடிட் கார்டைத் தேர்வு செய்யவும்.

வருடாந்திர கட்டணங்களைத் தெரிந்து கொள்ளுங்கள்: பொதுவாக கிரெடிட் கார்டுகளுக்கு வருடாந்திர கட்டணம் இருக்கும். மேலும் கிரெடிட் கார்டு பெறும்போது ஜாயினிங் கட்டணமும் செலுத்த வேண்டும். எனவே வருடாந்திர கட்டணம், வட்டி விகிதங்கள் போன்ற விபரங்களை தெரிந்து கொண்டு விண்ணப்பியுங்கள். மேலும் சிறந்த பலன்களை வழங்கும் கார்டை பிற கிரெடிட் கார்டுகளுடன் ஒப்பிட்டுப் பார்த்து தெரிந்துகொள்ளுங்கள்.

சிறப்புச் சலுகைகளைத் தேடுங்கள்: பல கிரெடிட் கார்டுகள் ஷாப்பிங், பயணம் ஆகியவற்றிற்கு சிறப்புச் சலுகைகளை வழங்குகின்றன. எனவே நீங்கள் பயன்படுத்தக்கூடிய தள்ளுபடிகள் மற்றும் சலுகைகளை வழங்கும் கார்டைத் தேர்ந்தெடுக்கவும்.

வெல்கம் போனஸ்கள்: கிரெடிட் கார்டுகள் ரிவார்டு பாயிண்டுகள், கேஷ்பேக் அல்லது வவுச்சர்கள் வடிவில் வெல்கம் போனஸை வழங்குகின்றன. கார்டைத் தேர்ந்தெடுக்கும்போது இந்த போனஸைக் கருத்தில் கொள்ளுங்கள்.

கிரெடிட் கார்டுகள் பல நன்மைகளை வழங்குகின்றன. அவற்றின் அம்சங்களைப் புரிந்து கொண்டு உங்கள் தேவைகளுக்கு ஏற்ற கார்டை கவனமாகத் தேர்ந்தெடுப்பதன் மூலம் உங்களுடைய நிதியை திரும்பட நிர்வகிக்க முடியும். மேலும் நீங்கள் வாங்கிய கிரெடிட் கார்டை முழுவதுமாக பயன்படுத்திய திருப்தி உங்களுக்கு கிடைக்கும்.