அமேசான் கிரேட் சம்மர் சேல் 2026: ஸ்மார்ட்போன் முதல் ஏசி வரை - அதிரடி விலைக்கு வாங்க இதோ ஒரு சூப்பர் வழி!

அமேசானின் 'கிரேட் சம்மர் சேல் 2026' இன்று (மே 8) கோலாகலமாகத் தொடங்கியுள்ளது. இந்த ஆண்டின் மிகப்பெரிய ஷாப்பிங் திருவிழாக்களில் ஒன்றாக இது பார்க்கப்படுகிறது. இன்று நள்ளிரவு 12 மணிக்கே தொடங்கிய இந்த விற்பனையில் ஸ்மார்ட்போன்கள், ஃபேஷன், பியூட்டி, ஹோம் & கிச்சன், பெரிய வீட்டு உபயோகப் பொருட்கள் மற்றும் மளிகைப் பொருட்கள் எனப் பல பிரிவுகளில் அதிரடித் தள்ளுபடிகள் அறிவிக்கப்பட்டுள்ளன. விலை உயர்ந்த பொருட்களை வாங்கத் திட்டமிட்டிருந்த இந்திய வாடிக்கையாளர்களுக்கு இது சரியான நேரம்.

Amazon Great Summer Sale: பிரைம் மெம்பர்களுக்கு ஜாக்பாட்!

அமேசான் பிரைம் மெம்பர்ஷிப் வைத்திருப்பவர்களுக்கு இன்று நள்ளிரவு முதலே இந்தச் சலுகைகள் கிடைக்கத் தொடங்கிவிட்டன. மற்றவர்களுக்கு விற்பனை தொடங்குவதற்கு 12 மணி நேரத்திற்கு முன்பே இவர்களுக்கு 'ஏர்லி அக்சஸ்' வழங்கப்பட்டுள்ளது. இது வெறும் முன்னுரிமை மட்டுமல்ல, ஸ்டாக் தீருவதற்குள் பிடித்த பொருட்களை வாங்க ஒரு பொன்னான வாய்ப்பு. குறிப்பாக, பாப்புலர் போன்கள், லைட்னிங் டீல்கள், கேமிங் அக்சஸரீஸ்கள் மற்றும் ஏசி ஆஃபர்கள் விற்பனை தொடங்கிய சில மணி நேரங்களிலேயே விற்றுத் தீர்ந்துவிடும் என்பதால் பிரைம் மெம்பர்களுக்கு இது பெரிய பிளஸ்.

பிரைம் மெம்பர்கள் பல்வேறு பிரிவுகளில் கூடுதலாக 3% வரை சேமிக்கலாம். மேலும், 2,500 ரூபாய்க்கு மேல் பொருட்கள் வாங்கினால் 250 ரூபாய் பிளாட் கேஷ்பேக் கிடைக்கும். இதுவரை பிரைம் மெம்பராக இல்லாதவர்கள் வெறும் 299 ரூபாயில் மெம்பர்ஷிப் பெற்று இந்தச் சலுகைகளைப் பயன்படுத்திக் கொள்ளலாம்.

Amazon Great Summer Sale Bank Offers: தள்ளுபடிகளை ஸ்மார்ட்டாகப் பெறுவது எப்படி?

இந்த விற்பனைக்காக அமேசான் நிறுவனம் ஹெச்டிஎஃப்சி (HDFC) வங்கியுடன் கைகோர்த்துள்ளது. இதன் மூலம் கிரெடிட் கார்டு மற்றும் இஎம்ஐ (EMI) பரிவர்த்தனைகளுக்கு 10% உடனடித் தள்ளுபடி கிடைக்கும். ஏற்கனவே குறைக்கப்பட்ட விலையுடன் இந்தத் தள்ளுபடியும் நேரடியாகச் சேரும்போது, பொருட்களின் இறுதி விலை இன்னும் கவர்ச்சிகரமாக மாறும்.

அமேசான் பே ஐசிஐசிஐ (Amazon Pay ICICI) கிரெடிட் கார்டு பயன்படுத்துபவர்களுக்கு அனைத்துப் பொருட்களுக்கும் அன்லிமிடெட் 5% கேஷ்பேக் உண்டு. இது தவிர, விமான டிக்கெட் முன்பதிவுக்கு 5% கூடுதல் கேஷ்பேக் மற்றும் பிரைம் வாடிக்கையாளர்களுக்கு 2,500 ரூபாய் மதிப்பிலான வெல்கம் ரிவார்டுகளும் காத்திருக்கின்றன. இந்த கேஷ்பேக் சலுகைக்கு வரம்பு ஏதும் இல்லை என்பதால், நீங்கள் வாங்கும் ஒவ்வொரு பொருளுக்கும் சேமிப்பு கூடிக்கொண்டே போகும்.

ஒரு நாளைக்கு வெறும் 9 ரூபாய் என்ற அளவில் 'நோ-காஸ்ட் இஎம்ஐ' வசதியும், குறிப்பிட்ட சாதனங்களுக்கு 2,500 ரூபாய் வரை எக்ஸ்சேஞ்ச் போனஸ் அல்லது கூப்பன்களும் வழங்கப்படுகின்றன. பேங்க் டிஸ்கவுண்ட், பிரைம் ஆஃபர் மற்றும் எக்ஸ்சேஞ்ச் என அனைத்தையும் சேர்த்தால், ஃபிளாக்ஷிப் போன்களின் விலையில் 5,000 முதல் 10,000 ரூபாய் வரை மிச்சப்படுத்தலாம்.

Amazon Great Summer Sale Top Deals: கவனிக்க வேண்டிய முக்கிய ஆஃபர்கள்

மொபைல் போன்கள் மற்றும் அக்சஸரீஸ்களுக்கு 40% வரை தள்ளுபடியும், 66,000 ரூபாய் வரை எக்ஸ்சேஞ்ச் பலன்களும் அறிவிக்கப்பட்டுள்ளன. வீட்டு உபயோகப் பொருட்களுக்கு 65% வரையிலும், ஏஐ (AI) தொழில்நுட்பம் கொண்ட சாதனங்களுக்கு 70% வரையிலும் தள்ளுபடி உண்டு. ஆஃபர்கள் பிரம்மாண்டமாகத் தெரிந்தாலும், வாங்குவதற்கு முன் விலையை ஒருமுறை சரிபார்ப்பது நல்லது.

வகை	தள்ளுபடி	முக்கிய பிராண்டுகள்
ஸ்மார்ட்போன்கள்	40% வரை	Samsung, Apple, OnePlus, iQOO
வீட்டு உபயோகப் பொருட்கள்	65% வரை	LG, Samsung, Whirlpool, Daikin
ஃபேன் மற்றும் ஏர் கூலர்கள்	45% வரை	பல்வேறு பிராண்டுகள்
ஸ்மார்ட்வாட்ச் மற்றும் ஹெட்போன்கள்	70% வரை	Noise, Sony
ஸ்மார்ட் டிவி	40% வரை	பல்வேறு பிராண்டுகள்
கிச்சன் உபகரணங்கள்	65% வரை	Philips, Prestige

ஸ்மார்ட்போன் டீல்களைப் பொறுத்தவரை, சாம்சங் கேலக்ஸி S25 அல்ட்ரா (Samsung Galaxy S25 Ultra) அதன் மிகக்குறைந்த விலையான 94,999 ரூபாய்க்கு கிடைக்கிறது. ஒன்பிளஸ் நார்டு 6 (OnePlus Nord 6) 36,999 ரூபாய்க்கும், iQOO Z11X 20,999 ரூபாய்க்கும் பட்டியலிடப்பட்டுள்ளன. பேங்க் டிஸ்கவுண்ட் மற்றும் கூப்பன்களைச் சேர்த்தால் ஐபோன் 16 (iPhone 16) விலை 50,000 ரூபாய் வரை குறைய வாய்ப்புள்ளது.

Amazon Great Summer Sale: ஷாப்பிங் செய்யும்போது கவனிக்க வேண்டியவை

தகுதியுள்ள வாடிக்கையாளர்கள் 'அமேசான் பே லேட்டர்' (Amazon Pay Later) மூலம் 60,000 ரூபாய் வரை உடனடி கிரெடிட் பெறலாம். ஃபேஷன், பியூட்டி, கிச்சன், மளிகை போன்ற பிரிவுகளில் 1,500 ரூபாய்க்கு மேல் பொருட்கள் வாங்கினால் 3 மாத நோ-காஸ்ட் இஎம்ஐ வசதி உண்டு. ஆனால், இஎம்ஐ எடுக்கும்போது வட்டி உண்மையில் தள்ளுபடி செய்யப்படுகிறதா அல்லது பொருளின் விலையிலேயே சேர்க்கப்பட்டுள்ளதா என்பதை உறுதிப்படுத்திக் கொள்ளுங்கள்.

அமேசானின் ஏஐ அசிஸ்டென்ட் 'ரூஃபஸ்' (Rufus) உதவியுடன் ஒரு பொருளின் 30 நாட்களுக்கு முந்தைய விலையைத் தெரிந்துகொள்ளலாம். விற்பனைக்கு முன்னதாக விலை உயர்த்தப்பட்டிருந்தால், இந்த ஏஐ உங்களுக்கு எச்சரிக்கை செய்யும். குறிப்பிட்ட டெபிட் மற்றும் கிரெடிட் கார்டுகளில் நோ-காஸ்ட் இஎம்ஐ வசதி இருந்தாலும், பில்லிங்கின் போது கூடுதல் வட்டி ஏதும் போடப்படுகிறதா என்பதை ஒருமுறைக்கு இருமுறை சரிபார்ப்பது அவசியம்.

பிரைம் டே மற்றும் பண்டிகை கால விற்பனைக்கு இன்னும் சில மாதங்கள் உள்ள நிலையில், இப்போதே பெரிய தள்ளுபடிகளைப் பெற இது ஒரு சிறந்த வாய்ப்பு. குறிப்பாக கோடைக்காலத்திற்குத் தேவையான ஏசி, கூலர்கள் மற்றும் லேட்டஸ்ட் போன்களை வாங்கத் திட்டமிடுபவர்கள், ஹெச்டிஎஃப்சி பேங்க் ஆஃபர், ஐசிஐசிஐ கேஷ்பேக் மற்றும் எக்ஸ்சேஞ்ச் போனஸ்களைச் சரியாகப் பயன்படுத்தினால் அதிக லாபம் பெறலாம்.