ஒரே வருடத்தில் 40% வருமானம் தரும் சூப்பர் திட்டங்கள்.. அக்டோபரில் முதலீடு செய்ய சிறப்பான வாய்ப்பு..!

ஸ்மால் கேப் மியூச்சுவல் ஃபண்டுகள் 2023 ஆம் ஆண்டில் 40.44 சதவிகித வருமானத்தை வழங்கியதால் முதலீட்டாளர்களுக்கு அதிகளவிலான லாபத்தை பெற்றுள்ளனர். இந்த மியூச்சுவல் ஃபண்ட் திட்டங்கள் பங்குச் சந்தையில் பட்டியலிடப்பட்டுள்ள சிறிய நிறுவனங்களில் முதலீடு செய்கின்றன. அதனால்தான் இவற்றில் ஆபத்து மிக அதிகம். ஆனால் நன்மைகள் அதிகம். அதனால்தான் ரிஸ்க் எடுக்கும் முதலீட்டாளர்கள் மட்டுமே இந்த ஃபண்டுகளில் முதலீடு செய்கிறார்கள்.

இதனிடையே ஆகஸ்ட் மாதத்தில் ரூ. 3,209 கோடி முதலீடு செய்யப்பட்டுள்ளது. தற்போது, ​​பங்குச் சந்தைகள் உயர் மட்டத்தில் இருப்பதால், பல முதலீட்டாளர்கள் ஸ்மால் கேப் பங்குகளில் முதலீடு செய்வதில் குழப்பத்தில் உள்ளனர். எனவே மியூச்சுவல் ஃபண்ட் ஆய்வாளர்கள் அவர்களுக்கு 4 ஸ்மால்கேப் ஃபண்டுகளை பரிந்துரை செய்துள்ளனர். இவை நீண்ட காலத்திற்கு நல்ல வருமானத்தை அளிக்க வாய்ப்புள்ளதாகவும் அவர்கள் கூறுகின்றனர்.

ஆக்சிஸ் ஸ்மால் கேப் ஃபண்ட்:ஆக்சிஸ் ஸ்மால் கேப் ஃபண்ட் கடந்த ஒரு வருடத்தில் 39.46 சதவீத வருமானத்தை அளித்துள்ளது. ஃபண்டின் அளவு ரூ. 23,771 கோடி ஆகும். செலவு விகிதம் 1.61 சதவீதம். இந்தத் திட்டம் 90.92 சதவீத நிதிகளை உள்நாட்டு பங்குகளில் முதலீடு செய்கிறது. அடுத்த மூன்று முதல் நான்கு ஆண்டுகளில் அதிக வருமானத்தை எதிர்பார்க்கும் நபர்கள் இந்த நிதியைத் தேர்வு செய்யலாம். ஆனால் இது அதிக ஆபத்தையும் உள்ளடக்கியது என்பதை நினைவில் கொள்ளவும்.

எஸ்பிஐ ஸ்மால் கேப் ஃபண்ட்:எஸ்பிஐ ஸ்மால் கேப் ஃபண்ட் கடந்த ஆண்டில் 39.81 சதவீத வருமானத்தை அளித்துள்ளது. ஃபண்டின் அளவு 33,068 கோடிகள் ஆகும். செலவு விகிதம் 1.56 சதவீதம். இந்த ஃபண்ட் தனது ஃபண்டுகளில் 89.35 சதவீதத்தை ஈக்விட்டிகளில் முதலீடு செய்கிறது. இவற்றில் பெரும்பாலானவை ஸ்மால் கேப் பங்குகளில் முதலீடு செய்யப்படுகின்றன.

கோடக் ஸ்மால் கேப் ஃபண்ட்:கோடக் ஸ்மால் கேப் ஃபண்ட் கடந்த ஆண்டில் 45.78 சதவீத வருமானத்தை அளித்துள்ளது. இதன் ஃபண்டின் அளவு 17,638 கோடிகள் ஆகும். இதன் செலவு விகிதம் 1.64 சதவீதம் ஆகும். இந்த ஃபண்ட் அதன் 96.2 சதவீத நிதியை உள்நாட்டு பங்குகளில் முதலீடு செய்கிறது.

நிப்பான் இந்தியா ஸ்மால் கேப் ஃபண்ட்:நிப்பான் இந்தியா ஸ்மால் கேப் ஃபண்ட் கடந்த ஓராண்டில் 47.45 சதவீத வருமானத்தை அளித்துள்ளது. ஃபண்ட் அளவு ரூ. 60,999 கோடி ஆகும். செலவு விகிதம் 1.42 சதவீதம். இந்த ஃபண்ட் அதன் 95.99 சதவீத நிதியை உள்நாட்டு பங்குகளில் முதலீடு செய்கிறது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.