புல்லிஷ் மற்றும் பியரிஷ் ஆப்சன் வர்த்தக யுக்திகள்.. !

நீங்கள் ஒரு பங்கு சந்தை முதலீட்டாளராகவோ அல்லது டிரேடராகவோ இருந்தால், இந்த மூன்று அம்சங்களை பற்றி தெரிந்திருக்கலாம். பங்கு சந்தையில் விலைகள் மூன்று வடிவங்களை பின்பற்றுகின்றன. அது புல்லிஷ், பியரிஷ் மற்றும் நியூட்ரல் பேட்டர்ன்கள் ஆகும்.

செய்திகளை பொருட்படுத்தாமல், ஃபண்டமென்டல் அல்லது டெக்னிக்கலை பொருட்படுத்தாமல், விலையின் போக்கில் இது புல்லிஷ் அல்லது பியரிஷ் அல்லது நியூட்ரல் என்ற போக்கினை பின்பற்றும்.

என்ன அர்த்தம்?

இதில் புல்லிஷ் டிரெண்ட் என்பதை பங்கு விலை அதிகரிக்கலாம் அல்லது அந்த பங்கு விலை அதிகரிக்கலாம் என்ற போக்கினை காட்டும். ஆக நீங்கள் பங்கினை வாங்குபவராக இருக்க வேண்டும். நீண்டகால நோக்கில் வாங்கி வைத்திருக்கலாம்.

இதே பியரிஷ் பேட்டர்னில் புல்லிஷ் டிரெண்டுக்கு தலைகீழ். இதில் நீங்கள் பங்கினை விற்பனை செய்பவராக இருப்பீர்கள். அல்லது விற்பனை செய்ய திட்டமிட்டிருக்கலாம். இதில் பங்கு விலை குறையலாம்.

நியூட்ரல் டிரெண்ட் என்பது ஒரு நடு நிலை போக்கு எனலாம். இதில் நீங்கள் பங்கினை வாங்கவோ அல்லது விற்கவோ கூடாது. இது ஒரு நடு நிலையற்ற நிலையாகும். இந்த இடத்தில் பங்கு விலையோ அல்லது சந்தையோ எப்படி வேண்டுமானாலும் மாறலாம்.

 

ஸ்டாக் ஆப்ஷன் என்றால் என்ன?

ஸ்டாக் ஆப்சன் என்பது ஒரு குறிப்பிட்ட பங்கினை ஒரு குறிப்பிட்ட விலையில், குறிப்பிட்ட காலத்திற்குள் வாங்குவதற்கும் விற்பனை செய்வதற்கும் உங்களுக்கு உரிமை உண்டு. இதில் இரண்டு ஆப்சன்கள் உண்டு.

கால் ஆப்ஷன்

ஒரு பங்கின் விலை எதிர்காலத்தில் ஏறும் என்று கணிக்கிறீர்கள் என்றால் அந்தப் பங்கின் கால் ஆப்ஷனை வாங்க வேண்டும். கால் ஆப்ஷன் என்பது வருங்காலத்தில் விலை மேலே ஏறும் என்று நம்பி வாங்குவது. நீங்கள் நினைத்தது போல் விலை மேல ஏறி விட்டால் நீங்கள் வாங்கி ஆப்ஷனில் பிரீமியம் அதிகமாகும். உங்களுக்கு லாபத்தை கொடுக்கும். எனினும் நீங்கள் வாங்கிய பிறகு விலை குறைந்து விட்டால், நீங்கள் ஆப்ஷனில் முதலீடு செய்துள்ள தொகை முழுவதுமாக இழப்பதற்கும் வாய்ப்பு அதிகம்

புட் ஆப்ஷன்

இதே ஒரு பங்கு எதிர்காலத்தில் விலை குறையப்போகிறது என்று கணிக்கிறீர்கள் என்றால் புட் ஆப்ஷனை வாங்க வேண்டும். புட் ஆப்ஷன் என்பது வருங்காலத்தில் விலை மேலே குறையும் என்று நம்பி வாங்குவது. நீங்கள் நினைத்தது போல் விலை குறைந்து விட்டால் நீங்கள் வாங்கி ஆப்ஷனில் பிரீமியம் அதிகமாகும். உங்களுக்கு லாபத்தை கொடுக்கும். எனினும் நீங்கள் வாங்கிய பிறகு விலை ஏற்றமடைந்து விட்டால், நீங்கள் ஆப்ஷனில் முதலீடு செய்துள்ள தொகை முழுவதுமாக இழப்பதற்கும் வாய்ப்பு அதிகம்.