முதன் முதலாக வீடு வாங்கப்போறீங்களா? இந்த 5 அபாயங்களை கவனிங்க!

வீடு வாங்குவது என்பது மிகப் பெரிய முடிவாகும். உணர்ச்சிப்பூர்வமானது. மிகப்பெரும் நிதிச்சவாலைக் கொண்டது. நகரங்களில் வீட்டுமனை தட்டுபாடு காரணமாக சொந்த வீடு என்பது மிகப் பெரிய விஷயமாகக் கருதப்படுகிறது. வாங்குபவர்கள் பொதுவாக பெரிய சொசைட்டி அல்லது அப்பார்ட்மென்ட்களில் ஒரு ஃபிளாட் வாங்கப் பார்ப்பார்கள் அல்லது தனி வீடுகளை வாங்க நினைப்பவர்களும் உண்டு.

வீடு வாங்குவதில் முதலீடு செய்வது சென்டிமென்டலான விஷயம் மட்டுமல்லாமல் நிறைய பணம் சம்பந்தப்பட்டது. இதன்மூலம் பெரிய பாதுகாப்பைப் பெறலாம். அதேநேரத்தில் குறிப்பிடத்தக்க நிதி கமிட்மென்ட்டுக்கும் ஆளாக நேரிடும். பல பேருக்கு நிறைய வீடுகள் இருக்கலாம்.

ஆனால் ஒரேயொரு வீடு வாங்க முடிபவர்கள் அதற்கு முன்பாக நன்கு யோசித்து திட்டமிட்டுவிட வேண்டும்.
நீங்கள் எந்தப் பகுதியில் வீடு வாங்குகிறீர்கள் என்பது மிக முக்கியமான விஷயமாகும்.

தவறான முடிவு எடுத்து ஏடாகூடமான பகுதியில் வீடு வாங்கிவிட்டால் விளைவுகள் மோசமாக இருக்கும். அதிகம் டெவலப் ஆகாத பகுதிகள், அடிப்படை வசதிகள் குறைவான பகுதிகள், போக்குவரத்து வசதி குறைவான பகுதி, பார்ப்பதற்கு ஓகே என்றாலும் எதிர்காலத்தில் நிறைய செலவுகளை ஏற்படுத்தக்கூடிய பகுதிகள் போன்றவற்றை நன்கு ஆராய்ந்து தவிர்த்து விட வேண்டும்.

வளர்ச்சிக்கான வாய்ப்பு, சொத்து மதிப்பு அதிகரிக்கும் வாய்ப்புள்ள பகுதி, அதிக வாழ்க்கைத் தரம் இருக்கும் பகுதிகளை தேர்ந்தெடுக்க வேண்டியது புத்திசாலித்தனம்.

வீடு கட்டுவதற்கு 10-20 சதவீதம் முன்பணம் செலுத்தி பாக்கியை வங்கிக் கடனாகப் பெறலாம். ப்ரீ அப்ரூவல் உள்ள வீட்டுக் கடன் பெறுவது நல்லது. இது உங்களது திரும்பச் செலுத்தும் திறனைக் கணக்கிட்டிருக்கும். உங்கள் பட்ஜெட்டுக்கு ஏற்ற வீட்டைத் தேர்ந்தெடுங்கள்.

வங்கி அல்லாத நிதி நிறுவனங்கள் அல்லது நிறைய வங்கிகளின் கடன் திட்டங்களை ஆராய்ந்து முடிவு செய்யவும்.

கடன் தவிர பதிவு செலவுகள், பராமரிப்பு போன்றவையும் உள்ளன. கடன் தொகை தவிர இந்தச் செலவுகளையும் நீங்கள் சமாளிக்க வேண்டும். பர்சனல் லோன்கள் மூலம் சிலர் முன்பணத்தை செலுத்துவர். ஆனால் இது கூடுதல் நிதிச்சுமையாகும். எனவே அவசரப்பட வேண்டாம். உங்களிடம் தேவையான பணம் இருக்கும்பட்சத்தில் அடுத்த கட்ட நடவடிக்கையை எடுக்க வேண்டும்.

பில்டர்கள், புராபர்ட்டி டெவலப்பர்களை தேர்ந்தெடுக்கும்போது கவனமாக இருக்கவும். புக்கிங் செய்து பல ஆண்டுகள் ஆகியும் வீடு கட்டித்தர தாமதம் ஆகும் பல சம்பவங்கள் நடக்கின்றன. கான்ட்ராக்டர்கள் தரும் வாக்குறுதியை நம்பாமல் நீங்களே ஆராய்ந்து முடிவெடுக்கவும். இல்லாவிட்டால் நிதிப்பிரச்னை ஏற்பட்டுவிடும்.

வீடு கட்டுவதற்கு முன்பாக நன்கு யோசித்து தயாராக வேண்டியது கட்டாயமாகும். உணர்ச்சிகளை கட்டுப்படுத்திவிட்டு பணத்தை புத்திசாலித்தனத்தோடு முதலீடு செய்யுங்கள்.