FD: வட்டி விகிதத்தினை அதிகரித்த கனரா வங்கி.. முதலீட்டாளர்களுக்கு ஜாக்பாட் தான்..!

பொதுவாக முதலீடு என்றாலே நம்மவர்கள் மத்தியில் முதலில் கூறப்படுவது வங்கி வைப்பு நிதிகள் தான். என்னதான் சந்தையில் பல ஆயிரம் முதலீட்டு திட்டங்கள் என்பது இருந்தாலும், சந்தை அபாயம் என்பது இல்லாமல், நிரந்தரமாக லாபம் தரக்கூடிய ஒன்றாக உள்ளது. ஆக சாமானியர்கள் தொட ங்கி மூத்த குடிமக்கள் வரையில் அனைத்து தரப்பு மக்களும் விரும்பும் ஒரு திட்டமாகவும் உள்ளது.

அந்த வகையில் பொதுத்துறையை சேர்ந்த கனரா வங்கி, அதன் 2 கோடி ரூபாய் வரையிலான பிக்ஸட் டெபாசிட்களுக்கான வட்டி விகிதத்தினை அதிகரித்துள்ளது.

இந்த புதிய வட்டி விகிதமானது ஏப்ரல் 5, 2023 ஆன இன்று முதல் அமலுக்கு வந்துள்ளது. புதிய வட்டி விகிதமானது அதன் அதிகாரப்பூர்வ தளத்தில் அப்டேட் செய்யப்பட்டுள்ளது.

இவங்கியில் அதிகபட்சமாக 444 நாட்களுக்கான டெபாசிட்களுக்கு அதிகபட்சமாக 7.90 சதவீதமாக வட்டி கிடைக்கிறது.

கனரா வங்கியின் இந்த முடிவானது ரிசர்வ் வங்கியானது தொடர்ந்து வட்டி விகிதத்தினை அதிகரித்து வரும் நிலையில் வந்துள்ளது. ஏப்ரல் 3, 5 மற்றும் 6ம் தேதிகள் நடக்கவுள்ள மானிட்டரி பாலிசி கூட்டத்தில் 25 அடிப்படை புள்ளிகள் அதிகரிக்கலாம் என எதிர்பார்க்கப்படுகிறது. இது குறித்தான முக்கிய அறிவிப்பானது ஏப்ரல் 6, 2023 அன்று வெளியிடப்படலாம் என எதிர்பார்க்கப்படுகிறது.

இந்த வட்டி விகிதத்தில் பொது மக்களுக்கு வட்டி விகிதம் என்பது 4% முதல் 7.25% ஆக இருந்தது. இதே மூத்த குடிமக்களுக்கு 4% முதல் 7.75% ஆக வட்டியினை பெறுவார்கள்.

பொது மக்களுக்கு வட்டி விகிதம்

• 7 நாள் முதல் 45 நாட்கள் வரையில் - 4%
• 46 நாள் முதல் 90 நாட்கள் வரையில் - 5.25%
• 91 நாள் முதல் 179 நாட்கள் வரையில் - 5.5%
• 180 நாள் முதல் 269 நாட்கள் வரையில் - 6.25%
• 270 நாள் முதல் 1 வருடத்திற்குள் - 6.5%
• 1 வருடம் - 7%
• 444 நாட்கள் - 7.25%
• 1 வருடத்திற்கு மேல் 2 வருடத்திற்குள் - 6.9%
• 2 வருடத்திற்கு மேல் 3 வருடத்திற்குள் - 6.85%
• 3 வருடத்திற்கு மேல் 5 வருடத்திற்குள் - 6.8%
• 5 வருடத்திற்கு மேல் 10 வருடத்திற்கு மேல் - 6.7%

மூத்த குடிமக்கள் திட்டம்

• 7 நாள் முதல் 45 நாட்கள் வரையில் - 4%
• 46 நாள் முதல் 90 நாட்கள் வரையில் - 5.25%
• 91 நாள் முதல் 179 நாட்கள் வரையில் - 5.5%
• 180 நாள் முதல் 269 நாட்கள் வரையில் - 6.75%
• 270 நாள் முதல் 1 வருடத்திற்குள் - 7%
• 1 வருடம் - 7.5%
• 444 நாட்கள் - 7.75%
• 1 வருடத்திற்கு மேல் 2 வருடத்திற்குள் - 7.4%
• 2 வருடத்திற்கு மேல் 3 வருடத்திற்குள் - 7.35%
• 3 வருடத்திற்கு மேல் 5 வருடத்திற்குள் - 7.3%
• 5 வருடத்திற்கு மேல் 10 வருடத்திற்கு மேல் - 7.2%