கிரெடிட் கார்டு பயன்படுத்தி ஆன்லைன் ஷாப்பிங் செய்பவரா நீங்கள்? அப்போ கண்டிப்பா இதை ஃபாலோ பண்ணுங்க!

இன்று கிரெடிட் கார்டுகள் பயன்படுத்தாத நபர்களை பார்ப்பதற்கு அரிதாக உள்ளது. அந்த அளவுக்கு கிரெடிட் கார்டுகள், நம் வாழ்வின் ஒரு அங்கம் ஆகிவிட்டன. என்னதான் வட்டி விகிதங்கள் அதிகமாக இருந்தாலும் கிரெடிட் கார்டுகளை வாங்கி பயன்படுத்தும் நபர்களின் எண்ணிக்கை அதிகமானதால், அது தொடர்புடைய மோசடிகளும் அதிகரித்து விட்டன. ஆன்லைன் ஷாப்பிங் செய்யும் போது கிரெடிட் கார்டு தகவல்கள் திருட்டுப் போகும் அபாயம் அதிகரித்து வருகின்றன. ஆகையால் ஆன்லைனில் பொருட்களை வாங்கும்போது பாதுகாப்பாக கிரெடிட் கார்டைப் பயன்படுத்துவதற்கு சில முக்கிய விஷயங்களைப் பின்பற்ற வேண்டும். அவை என்ன என்பது குறித்து விவரிக்கிறது இந்தப் பதிவு.

கிரெடிட் கார்டு தகவல்களை பாதுகாத்தல்: உங்கள் கிரெடிட் கார்டு நம்பர், காலாவதி தேதி, CVV நம்பர் போன்ற முக்கிய விவரங்களை யாருக்கும் கொடுக்காதீர்கள்.

ஆன்லைன் கணக்குகளுக்கு ஸ்ட்ராங் பாஸ்வேர்டுகளை பயன்படுத்துதல்: உங்களுடைய ஆன்லைன் கணக்குகளுக்கு ஸ்ட்ராங் பாஸ்வேர்ட்களைப் பயன்படுத்தவும். சிலர் "1234" அல்லது "Qwerty" போன்ற எளிதில் யூகிக்கக்கூடிய பாஸ்வேர்ட்களை பயன்படுத்துவார்கள். இன்னும் சிலர் தங்களுடைய "டேட் ஆஃப் பர்த்" விவரங்களை பாஸ்வேர்டாக பயன்படுத்துவார்கள். அதிலும் சிலர் ஒரு படி மேலே போய் "Password" என்பதையே பாஸ்வேர்டாக பயன்படுத்துவார்கள். இதுபோன்ற தவறுகளை செய்யக் கூடாது.

பப்ளிக் Wi-Fi இணைப்புகளைத் தவிர்க்கவும்: பப்ளிக் Wi-Fi இணைப்புகள் பாதுகாப்பற்றவை, எனவே அவற்றைப் பயன்படுத்தி ஆன்லைன் ஷாப்பிங் செய்ய வேண்டாம். சில நேரங்களில் மோசடிக்காரர்கள் Wi-Fi நெட்வொர்க்கை பயன்படுத்தியும் உங்களுடைய பின் நம்பர் மற்றும் இதர வங்கி சார்ந்த விவரங்களை திருடலாம். எனவே எப்பொழுதும் உங்களுடைய மொபைல் நெட்வொர்க்கை மட்டுமே பயன்படுத்தி பரிவர்த்தனை செய்ய வேண்டும்.

கிரெடிட் கார்டு அறிக்கையை வழக்கமாக சரிபார்க்கவும்: உங்கள் கிரெடிட் கார்டு அறிக்கையை ஒவ்வொரு மாதமும் கவனமாக சரிபார்க்கவும். ஏதேனும் சந்தேகத்திற்கு இடமான பரிவர்த்தனை நடந்தது போல் உங்களுக்கு தோன்றினால் உடனே உங்கள் கார்டு வழங்குனரை தொடர்பு கொள்ளவும்.

கிரெடிட் கார்டை எப்போதும் உங்களுடன் வைத்துக் கொள்ளுங்கள்: உங்கள் கிரெடிட் கார்டை இழந்தால், உடனடியாக உங்கள் வங்கியை தொடர்பு கொள்ளுங்கள். சிலர் தாங்கள் கையில் எடுத்துச் செல்லும் பொருட்களை அப்படியே மறந்து விட்டு வந்து விடுவார்கள். இது போன்ற நபர்கள் சற்று பாதுகாப்பாக தான் கிரெடிட் கார்டை எடுத்துச் செல்ல வேண்டும்.

கிரெடிட் கார்டு PIN-ஐ யாருக்கும் தெரிவிக்காதீர்கள்: உங்கள் கிரெடிட் கார்டு PIN-ஐ யாருக்கும் தெரிவிக்காதீர்கள்.

தொலைபேசி மூலம் கிரெடிட் கார்டு விவரங்களை வழங்க வேண்டாம்: உங்கள் நம்பரை தொடர்பு கொண்டு கிரெடிட் கார்டு விவரங்களை கேட்டால் சற்று உஷாராக இருக்க வேண்டும். ஏனெனில் எந்த வங்கியோ அல்லது கிரெடிட் கார்டு நிறுவனங்களோ உங்களிடம் இது போன்ற விவரங்களை கேட்காது.

ஆன்லைன் ஷாப்பிங் செய்யும்போது கவனமாக இருக்கவும்: பாதுகாப்பான இணையதளங்களை மட்டுமே பயன்படுத்தி ஷாப்பிங் செய்ய வேண்டும். இணையதளத்தின் URL ஆரம்பத்தில் https:// என்றிருப்பதை உறுதிப்படுத்திக் கொள்ளுங்கள். https என்பதில் s என்பதற்கு "Secured" என்பது பொருள்.

ஆன்லைன் மோசடிகள் தற்போது அதிகரித்துவிட்ட காரணத்தினால், ஆன்லைன் ஷாப்பிங் செய்யும்போது கிரெடிட் கார்டை பயன்படுத்துகிறீர்கள் என்றால் பாதுகாப்புடன் இருப்பது அவசியம்.