மூத்த குடிமக்களுக்கு குட் நியூஸ்.. இந்த பேங்க்கில் முதலீடுகளுக்கு அதிக வட்டி தராங்க..நோட் பண்ணுங்க!

சென்னை: பிக்சட் டெபாசிட்களில் முதலீடு செய்ய விரும்பும் மூத்த குடிமக்களுக்கு ஒரு நல்ல செய்தி! HDFC பேங்க் தனது மூத்த குடிமக்களுக்கான FD திட்டத்தில் முதலீடு செய்வதற்கான காலக்கெடுவை நீட்டித்துள்ளது.

டேர்ம் டெபாசிட் என்று சொல்லப்படும் பிக்சட் டெபாசிட், பொதுவாக அனைவராலும் விரும்பப்படும் முதலீட்டுத் திட்டமாகும். மற்ற முதலீட்டுத் திட்டங்கள் போல அல்லாமல், FDகளில் அபாயங்கள் குறைவாகவே உள்ளது.

பல்வேறு வங்கிகள் 3 முதல் 7.50 சதவீதம் வரையிலான வட்டி விகிதங்களை முதலீட்டு காலத்தின் அடிப்படையில் வழங்குகின்றன. அந்த வகையில் HDFC பேங்க் தனது மூத்த குடிமக்களுக்கான சிறப்பு சலுகையுடன் கூடிய FD திட்டத்தில் முதலீடு செய்வதற்கான காலக்கெடுவை நீட்டித்துள்ளது. HDFC பேங்க் மூத்த குடிமக்கள் FD திட்டங்களுக்கு 7.75 % வட்டி விகிதத்தை வழங்குகிறது. இந்தத் திட்டம் மே 2020-இல் தொடங்கப்பட்டது.

HDFC பேங்க் வழங்கும் மூத்த குடிமக்கள் FD திட்டத்திற்கு விண்ணப்பிக்க வேண்டிய கடைசி தேதி: இந்த சிறப்பு மூத்த குடிமக்கள் பிக்சட் டெபாசிட்களுக்கு விண்ணப்பிப்பதற்கான கடைசி தேதியை HDFC பேங்க், மே 2, 2024 வரை நீட்டித்துள்ளது.

இந்தத் திட்டத்தின் சிறப்பம்சங்கள்: HDFC பேங்க் வழங்கும் மூத்த குடிமக்களுக்கான பிக்சட் டெபாசிட்களுக்கு அதிக வட்டி வழங்கப்படுகிறது. வழக்கமாக இந்த வகை FDகளுக்கு மற்றவர்களை விட மூத்த குடிமக்களுக்கு 0.5 சதவிகிதம் கூடுதல் வட்டி வழங்கப்பட்ட நிலையில், தற்போது அந்த பிரீமியத்திற்கு மேல் கூடுதலாக 0.25 சதவீத வட்டி வழங்கப்பட உள்ளது.

மேலே கொடுக்கப்பட்டுள்ள 0.75% கூடுதல் விகிதத்தின் பலன் 18 மே 2020 முதல் 2 மே 2024 வரையிலான FDகளில் முதலீடு செய்தவர்கள் மற்றும் செய்ய இருப்பவர்களுக்குப் பொருந்தும். மேலும், இந்தத் திட்டம் ₹5 கோடிக்குக் கீழ் டெபாசிட் செய்ய விரும்பும் டெபாசிடர்களுக்கானது என்று HDFC பேங்க்கின் அதிகாரபூர்வ இணையதளத்தில் கூறப்பட்டுள்ளது.

இந்த திட்டத்தில் விண்ணப்பிப்பதற்கான வயது வரம்பு: 60 வயது அல்லது அதற்கு மேற்பட்ட வயதுடைய மூத்த குடிமக்கள், HDFC பேங்க் வழங்கும் இந்த மூத்த குடிமக்களுக்கான FDகளில் விண்ணப்பிக்கலாம்.

புதிய வைப்பு மற்றும் புதுப்பித்தல்களுக்கு இந்த வட்டி பொருந்துமா?: இந்த சிறப்பு FDக்கு ஏற்கனவே விண்ணப்பித்த மூத்த குடிமக்கள் அல்லது முதல் முறையாக விண்ணப்பிக்க விரும்புபவர்கள், இந்தத் திட்டத்தில் முதலீடு செய்யலாம். எனவே, சிறப்பு வட்டி, புதிய வைப்பு மற்றும் புதுப்பித்தல் ஆகிய இரண்டிற்கும் பொருந்தும்.

முன்கூட்டியே கணக்கை முடிப்பது: இந்த FD திட்டத்தில் விண்ணப்பித்த ஒரு மூத்த குடிமகன் முன்கூட்டியே கணக்கை மூடுவதற்குத் தேர்வுசெய்தால், வட்டி விகிதம் குறையும்.

5 ஆண்டுகளுக்கு முன் கணக்கை மூடிவிட்டால், வங்கியில் டெபாசிட் இருந்த காலம் வரை, முதலீடு செய்த தேதியின் அன்றைய நிலவரப்படி இருந்த வட்டி விகிதத்தை விட 1 % குறைவாக வட்டி விகிதம் வழங்கப்படும்.

குறைந்தபட்ச மற்றும் அதிகபட்ச தொகை: ஒரு மூத்த குடிமகன் குறைந்தபட்சம் ரூ. 5,000 மற்றும் அதிகபட்சம் ரூ. 5 கோடி வரை முதலீடு செய்யலாம். இந்த வகை FDகளில் குறைந்தபட்சம் 5 ஆண்டுகள் முதல் அதிகபட்சமாக 10 ஆண்டுகள் வரை இதில் முதலீடு செய்யலாம்.