ஐடிஎஃப்சி டூ கரூர் வைஸ்யா FD வட்டியில் மாற்றம்.. இந்த 4 வங்கிகளின் வட்டி இப்போ எவ்வளவு தெரியுமா?

வங்கிகளில் ஃபிக்ஸட் டெபாசிட்டுகளில் முதலீடு செய்வது மிகவும் பாதுகாப்பானது. அதனால்தான் சில ஆண்டுகளாக இவற்றில் முதலீடு செய்பவர்களின் எண்ணிக்கை அதிகரித்து வருகிறது. இதில் எந்த ஆபத்தும் இல்லை என்பதால் முதலீட்டாளர்கள் இவற்றில் ஆர்வமாக முதலீடு செய்கின்றனர். இவற்றில் செய்யப்படும் முதலீடுகளுக்கு வருமானம் நிலையானது. அதேபோல், வாடிக்கையாளர்களை கவரும் வகையில் வங்கிகளும் நல்ல வட்டி விகிதங்களை வழங்குகின்றன. இதற்கிடையில், நான்கு முன்னணி வங்கிகள் நவம்பர் மாதத்தில் எஃப்டி விகிதங்களைத் திருத்தியுள்ளன. அதிகபட்சமான 8.49 சதவீதம் வரை வழங்குகின்றன.

இண்டஸ்இண்ட் பேங்க்: இந்த வங்கி பொது மக்களுக்கு எஃப்டிகளில் 3.50 சதவீதம் முதல் 7.99 சதவீதம் வரை வட்டி விகிதங்களை வழங்குகிறது. அதே மூத்த குடிமக்களுக்கான வட்டி விகிதங்கள் 4 சதவீதம் முதல் 8.49 சதவீதம் வரை இருக்கும். 7 ​​நாட்கள் முதல் 10 ஆண்டுகள் வரை ஆன சாதாரண முதலீட்டாளர்களுக்கு 7.99 சதவீத வட்டி விகிதமும், மூத்த குடிமக்கள் 5 மாதங்கள் முதல் 6 மாதங்களுக்கும் இடைப்பட்ட காலத்தில் 8.49 சதவீத வட்டி விகிதத்தையும் பெறுவார்கள்.

ஐடிஎஃப்சி ஃபர்ஸ்ட் பேங்க்: இந்த வங்கிக்கு ரூ. 3 கோடிக்கும் குறைவான எஃப்டிகளுக்கு வட்டி விகிதங்கள் திருத்தப்பட்டுள்ளன. புதிய வட்டி விகிதங்கள் நவம்பர் 26 முதல் அமலுக்கு வந்துள்ளன. இருப்பினும், பொது வைப்பாளர்களுக்கு, வட்டி விகிதங்கள் 3 சதவீதம் முதல் 7.90 சதவீதம் வரை இருக்கும். அதே மூத்த குடிமக்களுக்கு, இது 3.50 சதவீதம் முதல் 8.40 சதவீதம் வரை இருக்கும். அதிகபட்சமாக 400 நாட்கள் முதல் 500 நாட்கள் வரையிலான காலப்பகுதியில் பொதுக் குடிமக்களுக்கு 7.90 சதவீதமும், மூத்த குடிமக்களுக்கு 8.40 சதவீதமும் வட்டி விகிதத்தை வங்கி வழங்குகிறது.

கரூர் வைஸ்யா வங்கி: இந்த வங்கிக்கு எஃப்டியை பொருத்தவரை கடந்த நவம்பர் 22ஆம் தேதி, ரூ.3 கோடிக்குக் குறைவான டெபாசிட்டுகளுக்கான வட்டி விகிதங்கள் திருத்தப்பட்டன. இருப்பினும், பொது வைப்பாளர்களுக்கு, வட்டி விகிதங்கள் 4 சதவீதம் முதல் 7.60 சதவீதம் வரை இருக்கும். இதில் 760 நாட்கள் சிறப்பு வைப்புத் திட்டத்தில் அதிகபட்ச வட்டி விகிதம் 7.60 சதவீதம் வழங்கப்படுகிறது. அதே மூத்த குடிமக்களுக்கு வட்டி விகிதம் 8.10 சதவீதம் வரை வட்டி வழங்குகிறது.

யெஸ் வங்கி: யெஸ் வங்கி அதன் எஃப்டி வட்டி விகிதங்களை நவம்பர் 5 அன்று திருத்தியுள்ளது. 18 மாத காலத்திற்கான வட்டி விகிதம் 8 சதவீதத்தில் இருந்து 7.75 சதவீதமாக குறைக்கப்பட்டுள்ளது. இந்த வங்கி பொது வைப்பாளர்களுக்கு 3.25 சதவீதம் முதல் 7.75 சதவீதம் வரை வட்டி விகிதங்களை வழங்குகிறது. இருப்பினும், மூத்த குடிமக்களுக்கு, இது 3.75 சதவீதம் முதல் 8.25 சதவீதம் வரை வழங்குகிறது. அதிகபட்சமாக 18 மாதங்களுக்குள் முதிர்ச்சியடையும் டெபாசிட்களுக்கு பொதுக் குடிமக்களுக்கு 7.75 சதவீதமும், மூத்த குடிமக்களுக்கு 8.25 சதவீதமும் வழங்குகிறது.