ரூ.1 லட்சம் முதல் ரூ.5 லட்சம் வரை முதலீடு.. அதிக வருமானம் தரும் வங்கிகள் எது..?

இன்றைய காலத்தில், நிரந்தர வைப்பு திட்டங்கள் என்பது பாதுகாப்பான மற்றும் சிறந்த முதலீட்டு வாய்ப்பாகும். இது குறைந்த ஆபத்துள்ள முதலீட்டு வகையாக கருதப்படுகிறது. நிரந்தர வைப்பு என்பது நீங்கள் ஒரு குறிப்பிட்ட தொகையை வங்கி அல்லது நிதி நிறுவனத்தில் செலுத்தும்போது, அதற்கு அந்த நிறுவனம் உங்களுக்கு ஒரு வட்டி விகிதத்தை தருகிறது. இந்த திட்டத்தின் காலம் முடிந்தவுடன், உங்கள் முதலீடும், அதற்கான வட்டியும் உங்களுக்கு கிடைக்கும். உங்கள் பணத்தை எவ்வளவு காலத்திற்கு சேமிக்கப் போகிறீர்கள் என்பதை நீங்கள் தீர்மானிக்க முடியும் (உதாரணமாக 6 மாதங்கள், 1 வருடம், 5 வருடம்).

இந்த சூழலில், வங்கிகள் மற்றும் நிதி நிறுவனங்கள் வழக்கமான நிரந்தர வைப்பு (Fixed Deposit - FD) திட்டங்களுடன் கூடிய சிறப்பு வைப்பு திட்டங்களையும் வழங்கி வருகின்றன. இந்த சிறப்பு திட்டங்கள் குறைந்த காலத்திற்கு மட்டுமே வழங்கப்படுகின்றன. மேலும், இது வழக்கமான FDs-ஐ விட அதிக வட்டி தருகின்றன. இவை வழக்கமான FDs போலவே, மூத்த குடிமக்களுக்கு கூடுதல் வட்டி கிடைக்கிறது.

Central Bank of India வங்கியின் சிறப்பு வைப்புத் திட்டங்களை பொறுத்தவரை குறுகிய காலத்திற்கு மட்டுமே வழங்கப்படுகிறது. மேலும், பொதுமக்களுக்கு உயர்ந்த வட்டி விகிதம் கிடைக்கிறது. மூத்த குடிமக்களுக்கும் கூடுதல் வட்டி கிடைக்கிறது. அதுவே, யூனியன் வங்கியின் சிறப்பு வைப்புத் திட்டத்தில், வரையறுக்கப்பட்ட காலத்திற்குள் மட்டுமே கிடைக்கும். வாடிக்கையாளர்களுக்கு போட்டி விகிதத்தில் வட்டி இருக்கும். மூத்த குடிமக்களுக்கு மேலும் அதிக வட்டி கிடைக்கும்.

Central Bank of India வங்கியில் 1111 நாள் கால அவகாசத்தில் மூத்த குடிமக்கள் முதலீடு செய்யும் போது 7.50% வட்டியும், மற்றவர்களுக்கு 7% வட்டியும் வழங்கப்படுகிறது. Central Bank of India-வில் 1111 நாள் சிறப்பு FD-ல் 1 லட்சம் ரூபாய் முதலீடு செய்தால், மூத்த குடிமக்களுக்கு 1,25,379 ரூபாய் கிடைக்கும். மற்றவர்களுக்கு 1,23,519 ரூபாய் கிடைக்கும்.

அதுவே ரூ.2 லட்சம் முதலீடு செய்தால் மூத்த குடிமக்களுக்கு ரூ.2,50,759, மற்றவர்களுக்கு ரூ.2,47,038 கிடைக்கும். ரூ.3 லட்சம் முதலீடு செய்தால் மூத்த குடிமக்களுக்கு ரூ.3,76,138, மற்றவர்களுக்கு ரூ.3,70,557 கிடைக்கும். ரூ.4 லட்சம் முதலீடு செய்தால் மூத்த குடிமக்களுக்கு ரூ.5,01,517, மற்றவர்களுக்கு ரூ.4,94,076 கிடைக்கும். ரூ.5 லட்சம் முதலீடு செய்தால் மூத்த குடிமக்களுக்கு ரூ.6,26,897, மற்றவர்களுக்கு ரூ.6,17,595 கிடைக்கும்.

யூனியன் வங்கியில் 456 நாள் சிறப்பு FD திட்டத்தில் மூத்த குடிமக்களுக்கு 7.35% வட்டியும், மற்றவர்களுக்கு 6.85% வட்டியும் வழங்கப்படுகிறது. ரூ.1 லட்சம் முதலீடு செய்தால் மூத்த குடிமக்களுக்கு ரூ.1,09,526, மற்றவர்களுக்கு ரூ.1,08,856, ரூ.2 லட்சம் முதலீடு செய்தால் மூத்த குடிமக்களுக்கு ரூ.2,19,052, மற்றவர்களுக்கு ரூ.2,17,712 கிடைக்கும். ரூ.3 லட்சம் முதலீடு செய்தால் மூத்த குடிமக்களுக்கு ரூ.3,28,578, மற்றவர்களுக்கு ரூ.3,26,567 கிடைக்கும். ரூ.4 லட்சம் முதலீடு செய்தால் மூத்த குடிமக்களுக்கு ரூ.4,38,104, மற்றவர்களுக்கு ரூ.4,35,423 கிடைக்கும். ரூ.5 லட்சம் முதலீட்டிற்கு மூத்த குடிமக்களுக்கு ரூ.5,47,630, மற்றவர்களுக்கு ரூ.5,44,279 கிடைக்கும்.