ஏப்ரல் 1,2025 முதல் புதிய TDS, TCS விதிகள் - மக்களுக்கு லாபமா? நஷ்டமா?

ஒவ்வொரு ஆண்டும் இந்தியாவில் வரி விதிகளில் முக்கிய மாற்றங்கள் செய்யப்படுகின்றன. 2025 ஆம் ஆண்டிற்கான நிதி மசோதா (Finance Bill 2025), TDS (மூலத்தில் கழிக்கப்படும் வரி) மற்றும் TCS (மூலத்தில் வசூலிக்கப்படும் வரி) விதிகளில் புதிய மாற்றங்களை அறிவித்துள்ளது. இந்த விதிகள் ஏப்ரல் 1, 2025 முதல் நடைமுறைக்கு வரும்.

பத்திரங்கள் மற்றும் வட்டி வரம்பு உயர்வு. பத்திரங்களில் இருந்து கிடைக்கும் வட்டி வரி விலக்கு ரூபாய் 10,000 வரை உயர்த்தப்பட்டுள்ளது. பொதுத் துறை நிறுவனங்கள் வழங்கும் கடனீட்டுப் பத்திர வட்டி ரூபாய் 10,000 வரை வரிவிலக்கு பெறும். பங்குதாரர்களுக்கு ஈவுத்தொகை வரம்பு உயர்வு. பங்குதாரர்களுக்கு வழங்கப்படும் ஈவுத்தொகை (Dividend) TDS வரம்பு ரூபாய் 5,000 இலிருந்து ரூபாய் 10,000 ஆக அதிகரிக்கப்பட்டுள்ளது. லாட்டரிகள், சூதாட்டம், குதிரைப் பந்தயங்களில் வென்ற தொகை ஏற்கனவே, ஒரு நிதியாண்டில் ரூபாய் 10,000 க்கு மேல் வென்றால் TDS விதிக்கப்பட்டு வந்தது. புதிய விதிமுறையின் படி, ஒரே பரிவர்த்தனைக்கு ரூபாய் 10,000 மீறினால் TDS செலுத்த வேண்டும்.

தொழில்முறை கட்டணங்கள் மற்றும் கமிஷன் வரம்பு உயர்வு 194J பிரிவில், தொழில்முறை அல்லது தொழில்நுட்ப சேவைகளுக்கான கட்டணங்கள் ரூபாய் 30,000 இலிருந்து ரூபாய் 50,000 ஆக உயர்த்தப்பட்டுள்ளது., 194H பிரிவின் கீழ், கமிஷன் மற்றும் தரகு கட்டணங்கள் ரூபாய் 15,000 இலிருந்து ரூபாய் 20,000 ஆக உயர்த்தப்பட்டுள்ளது. வாடகைக்கு புதிய வரம்பு, 194I பிரிவின் கீழ், வாடகைக்கு (Rent) மாதம் ரூபாய் 50,000 அல்லது மாதத்தின் ஒரு பகுதி என்ற அடிப்படையில் TDS வசூலிக்கப்படும். வெளிநாட்டு பணப்பரிவர்த்தனைக்கு புதிய விதிகள், LRS (Liberalized Remittance Scheme) மற்றும் வெளிநாட்டு சுற்றுலா தொகுப்புகளுக்கான வரம்பு ரூபாய் 7 லட்சத்திலிருந்து ரூபாய் 10 லட்சமாக உயர்த்தப்பட்டுள்ளது. இதனால், வெளிநாட்டில் பணம் அனுப்பும் இந்தியர்களுக்கு கூடுதல் நிவாரணம் கிடைக்கும்.

வெளிநாட்டு கல்விக்கடனுக்கு TCS விலக்கு, 80E(3)(b) பிரிவின் கீழ், வெளிநாட்டில் கல்விக்கடன் பெற்ற மாணவர்கள் அனுப்பும் பணத்திற்கு TCS வசூலிக்கப்படாது. இதன் மூலம், வெளிநாட்டில் கல்வி பயிலும் மாணவர்களுக்கு நிதிசார் சுமை குறையும். 206AB மற்றும் 206CCA பிரிவுகள் நீக்கம் வரி செலுத்துபவர் வருமான வரி அறிக்கையை தாக்கல் செய்யாதபட்சத்தில் அதிக TDS/TCS வசூலிக்க அனுமதிக்கும் 206AB மற்றும் 206CCA பிரிவுகள் நீக்கப்பட்டுள்ளன. இதன் மூலம், TDS/TCS கட்டணச் சுமை குறையும்.

மேலும் அதிக வரி விலக்கு - பல TDS வரம்புகள் உயர்த்தப்பட்டுள்ளதால், மக்கள் தங்கள் வருவாயில் குறைவாக வரி செலுத்த வேண்டும். வெளிநாட்டு கல்விக்கு எளிதாக நிதியுதவி - வெளிநாட்டு கல்விக்கடனில் இருந்து பணம் அனுப்பும் மாணவர்களுக்கு TCS வசூல் நீக்கப்பட்டுள்ளதால், அவர்களுக்கு நிவாரணம் கிடைக்கும். முதலீட்டாளர்களுக்கு நன்மை - பத்திரங்களில் இருந்து கிடைக்கும் . வட்டி வரி விலக்கு அதிகரிக்கப்பட்டுள்ளதால், முதலீட்டாளர்களுக்கு அதிக லாபம் கிடைக்கும். TDS/TCS கட்டணச் சுமை குறையும் - 206AB மற்றும் 206CCA விதிகள் நீக்கப்பட்டுள்ளதால், வரி செலுத்துபவர்களுக்கு TDS/TCS கட்டணச் சுமை குறையும்.

பழைய விதிகள் ம்ற்றும் புதிய விதிகள்: பழைய விதிகள் (2024 வரை) , பத்திர வட்டி TDS வரி விலக்கு இல்லை , ஈவுத்தொகை (Dividend) ரூபாய் 5,000 வரை வரி விலக்கு , வாடகை TDS ரூபாய் 2,40,000 ஆண்டுக்கு, வெளிநாட்டு பணப்பரிவர்த்தனை ரூபாய் 7 லட்சம் வரம்பு, வெளிநாட்டு கல்விக்கடன் TCS வசூல் இருந்தது. 206AB, 206CCA அதிக TDS/TCS விதிக்கப்பட்டது. புதிய விதிகள் (2025 முதல்) பத்திர வட்டி TDS ரூபாய் 10,000 வரை வரி விலக்கு, ஈவுத்தொகை (Dividend) ரூபாய் 10,000 வரை வரி விலக்கு, வாடகை TDS மாதத்திற்கு ரூபாய் 50,000, வெளிநாட்டு பணப்பரிவர்த்தனை ரூபாய் 10 லட்சம் வரம்பு, வெளிநாட்டு கல்விக்கடன், TCS வசூல் இல்லை.

ஏப்ரல் 1, 2025 முதல் நடைமுறைக்கு வரும் புதிய TDS, TCS விதிகள், மக்களுக்கு சில இடங்களில் நன்மையாகவும், சில இடங்களில் சவாலாகவும் இருக்கும். புதிய விதிகளை முறையாக புரிந்து கொண்டு, உங்கள் வரி திட்டங்களைப் பரிசீலிக்க வேண்டும். உங்கள் பணத்தை புத்திசாலித்தனமாக முதலீடு செய்து, புதிய TDS/TCS விதிகளின் பயனைப் பெறுங்கள்.