இந்தியாவில் கொரோனா பரவலுக்கு மத்தியில் பணப்புழக்கத்தினை அதிகரிக்கவும், பொருளாதாரத்தினை மீட்டு எடுக்கவும் இந்திய ரிசர்வ் வங்கி தொடர்ந்து ரெப்போ விகிதத்தினை குறைவாகவே வைத்துள்ளது.
இதற்கிடையில் வங்கிகளும் வட்டி விகிதத்தினை குறைவாகவே வைத்துள்ளது. இது பெரியளவில் மாற்றம் செய்யப்படவில்லை.
இன்றைய நெருக்கடியான காலகட்டத்தில், சந்தை அபாயங்களால் பாதிக்கப்படாத முதலீடு எனில் அது பிக்ஸட் டெபாசிட் தான்.
மிக பாதுகாப்பானது
குறிப்பாக மூத்த குடிமக்களுக்கு மிக முக்கிய திட்டமாக பார்க்கப்படுகிறது. ஏனெனில் வட்டி விகிதம் குறைவாக இருந்தாலும், முதலீடு பாதுகாப்பாக உள்ளது. இதுவே முதலீட்டாளார்களுக்கு மிகப்பெரிய அம்சமாக பார்க்கப்படுகிறது. இதனால் வட்டி குறைவாக இருந்தாலும், இன்றளவிலும் மக்கள் பெருமளவில் நாடுவது இதனைத் தான்,
வட்டி விகிதம் மாற்றம்
அந்த வகையில் நாம் இன்று பார்க்கவிருப்பது பஞ்சாப் நேஷனல் வங்கியில் வட்டி விகிதம் பற்றித் தான். பழைய விகிதம் எவ்வளவு? புதிய விகிதம் என்ன? இதனால் மக்களுக்கு சாதகம் என்ன? பாதகம் என்ன? வாருங்கள் பார்க்கலாம். பிஎன்பியில் பிக்ஸட் டெபாசிட்டுகளுக்கான வட்டி விகிதம் தற்போது மாற்றம் செய்யப்பட்டுள்ளது.
எப்போது அமல்
முன்னதாக இந்த வட்டி விகிதம் 3% முதல் 5.25% வரை இருந்தது. இது 7 நாள் முதல் 10 வருடம் வரையிலான முதிர்வு காலம் உள்ளது. ஆனால் இந்த விகிதங்கள் தற்போது மாற்றம் செய்யப்பட்டுள்ளன. தற்போது மாற்றம் செய்யப்பட்டுள்ள இந்த வட்டி விகிதமானது மே 1, 2021 முதல் அமலில் இருக்கும் என்றும் அறிவிக்கப்பட்டுள்ளது.
புதிய வட்டி விகிதம்
பஞ்சாப் வங்கியில் 2 கோடி ரூபாய்க்குள்ளான வைப்பு நிதிக்கு, பொதுமக்களுக்கான வட்டி விகிதம்
7 - 14 நாட்கள் - 3%
15 - 29 நாட்கள் - 3%
30 - 45 நாட்கள் - 3%
46 - 90 நாட்கள் - 3.25%
91 - 179 நாட்கள் - 4%
180 - 270 நாட்கள் - 4.4%
271 நாட்கள் முதல் 1 வருடத்திற்குள் - 4.5%
1 வருடத்திற்கு - 5.10%
1 வருடத்திற்கு மேல் - 2 வருடத்திற்குள் - 5.10%
2 வருடத்திற்கு மேல் - 3 வருடத்திற்குள் - 5.10%
3 வருடத்திற்கு மேல் - 5 வருடத்திற்குள் - 5.25%
5 வருடத்திற்கு மேல் - 10 வருடத்திற்குள் - 5.25%
மூத்த குடிமக்களுக்கு என்ன விகிதம்?
மூத்த குடிமக்களுக்கு கூடுதலான 0.5% விகிதம் வழக்கம்போல தொடரும். 7 நாட்கள் முதல் - 10 வருடம் வரையிலான இந்த டெபாசிட்களுக்கு 35% முதல் 5.75% வரை வட்டி விகிதம் கொடுக்கப்படுகிறது. இந்த மாதத்தில் ஆக்ஸிஸ் வங்கி, ஐடிஎஃப்சி வங்கி, கோடக் மகேந்திரா வங்கி உள்ளிட்ட சில வங்கிகளும் வட்டி விகிதத்தில் மாற்றம் செய்யப்பட்டுள்ளன.