ரூ.7000 முதலீட்டுக்கு ரூ.12 லட்சம் கிடைக்கும்.. போஸ்ட் ஆபீஸ் வழங்கும் ஆச்சரியமான ரிட்டன்ஸ்!

நீண்ட காலத்திற்கு முதலீடு செய்து சேமிக்க வேண்டும்.. அதே சமயத்தில் முதலீடு செய்யப்படும் தொகை சந்தை அபாயங்களுக்கு உட்படாமல் நிலையான வருமானத்தை வழங்க வேண்டும் என்று நினைக்கும் முதலீட்டாளர்களுக்கு தபால் அலுவலகங்களில் எண்ணற்ற சேமிப்பு திட்டங்கள் வழங்கப்படுகின்றன. எனவே இந்திய மக்கள் பயன்பெறும் வகையில் வழங்கப்படும் ஒரு திட்டம் தான் "ரெக்கரிங் டெபாசிட்" எனப்படும் RD திட்டம். போஸ்ட் ஆபீஸ் RD திட்டத்தில் மாதம் ரூ.7000 முதலீடு செய்தால் எவ்வளவு லாபம் கிடைக்கும் என்று இந்தப் பதிவில் பார்ப்போம்.

தபால் அலுவலக RD திட்டம் என்றால் என்ன?: தபால் அலுவலக RD திட்டம் என்பது சாமானிய மக்களுக்கு பயன்பெறும் வகையில் வழங்கப்படும் சேமிப்பு திட்டமாகும். இந்தத் திட்டத்தின் மூலம் ஒவ்வொரு மாதமும் குறிப்பிட்ட அளவிலான தொகையை முதலீடு செய்ய முடியும்.

இந்த RD திட்டத்தில் உங்கள் முதலீட்டுக்கு ஏற்றவாறு கணிசமான வருமானம் வழங்கப்படுகிறது. தற்போது போஸ்ட் ஆபீஸ் RD திட்டத்திற்கு 6.7 சதவீத வட்டி வழங்கப்படுகிறது. இந்தத் திட்டத்தின் முக்கிய நன்மைகளில் ஒன்று, இதற்கு மொத்த முதலீடு செய்ய வேண்டும் என்ற தேவையில்லை. அதற்கு பதிலாக, நீங்கள் காலப்போக்கில் சிறிய தொகைகளை தவறாமல் முதலீடு செய்து வரலாம்.

முதலீட்டு விவரங்கள்: இந்த போஸ்ட் ஆபீஸ் ரெக்கரிங் டெபாசிட் திட்டத்தில் குறைந்தபட்சமாக ரூ.100 முதல் முதலீடு செய்யலாம். மேலும் நீங்கள் முதலீடு செய்வதற்கு எந்த வித உச்ச வரம்பும் இல்லை. அதாவது எவ்வளவு வேண்டுமானாலும் உங்கள் விருப்பத்திற்கு ஏற்ப முதலீடு செய்யலாம்.

உங்களுடைய முதலீட்டுக்கு கூட்டு வட்டியின் நன்மை கிடைக்கிறது. கூட்டு வட்டி என்பது உங்களுடைய வட்டிக்கும் சேர்த்து வட்டி அளிப்பதை குறிக்கிறது.

நீங்கள் மாதம் மாதம் போஸ்ட் ஆபீஸ் RD திட்டத்தில் 7,000 ரூபாயை முதலீடு செய்கிறீர்கள் என்று வைத்துக் கொள்வோம். அப்படியானால் 5 வருடத்திற்கு பிறகு மொத்தமாக 4,20,000 ரூபாயை முதலீடு செய்து இருப்பீர்கள். இந்த ஒட்டுமொத்த முதலீட்டு காலத்திற்கும் 6.7 சதவீத வட்டி வழங்கப்பட்டால், மொத்த முதலீட்டுக்கு 79,564 ரூபாய் வட்டி மட்டும் கிடைக்கும். அப்படியானால் முதிர்வு காலத்தில் 4,99,564 ரூபாயை பெற்றுக் கொள்ளலாம்.

அதிக வருமானம் பெற உங்கள் முதலீட்டை நீட்டிக்கவும்: போஸ்ட் ஆஃபீஸ் RD திட்டத்தின் மிகவும் முக்கியமான நன்மைகளில் ஒன்று, உங்கள் முதலீட்டை மேலும் 5 ஆண்டுகளுக்கு நீட்டிக்கும் விருப்பமாகும். அவ்வாறு செய்ய நீங்கள் தேர்வுசெய்தால், 10 வருட காலத்தின் முடிவில் உங்களின் மொத்த கார்பஸ் 11,95,982 ரூபாயாக இருக்கும். இது தோராயமாக 12 லட்சம்.

நீங்கள் ஒரு குறிப்பிட்ட இலக்கிற்காகச் சேமித்தாலும் அல்லது உங்கள் செல்வத்தை சீராக வளர்த்துக் கொள்ள விரும்பினாலும், இந்தத் திட்டம் நிதிப் பாதுகாப்பிற்கான நம்பகமான ஒன்றாக இருக்கும்.

மேலே கூறப்பட்டுள்ள கணக்கீடுகள் அனைத்தும் 7,000 ரூபாயை RD திட்டத்தில் முதலீடு செய்தால் எவ்வளவு லாபம் கிடைக்கும் என்ற விவரங்கள் மட்டுமே. அது மட்டும் இன்றி உங்கள் முதலீட்டுக்கு ஏற்ற விவரங்களை பெறுவதற்கு நீங்கள் ஆன்லைன் கால்குலேட்டர்களை பயன்படுத்தலாம். உதாரணமாக சிலர் 2000 ரூபாயை சேமிக்க விரும்பலாம். சிலர் 1000 ரூபாயை சேமிக்க விரும்பலாம்.

எனவே நீங்கள் ஆன்லைன் கால்குலேட்டரைப் பயன்படுத்தி அனைத்து விவரங்களையும் சரியாக என்டர் செய்தால் எவ்வளவு லாபம் கிடைக்கும் என்பதை பார்த்துக் கொள்ளலாம். மேலே கூறப்பட்டுள்ள விவரங்களை வைத்து நாங்கள் உங்களை முதலீட்டு முடிவுகள் எடுக்கச் சொல்லவில்லை. எந்த ஒரு திட்டத்திலும் முதலீடு செய்வதற்கு முன்பு உங்களுடைய நிதி ஆலோசகரை அணுகி ஆலோசனை பெற்று சுய விருப்பத்தின் பேரில் மட்டும் முதலீடு செய்யவும்.