SBI Vs போஸ்ட் ஆபீஸ்.. ரூ. 2 லட்சம் பிக்சட் டெபாசிட் முதலீட்டுக்கு அதிக லாபம் தருவது யார்?

நீண்ட காலத்திற்கு முதலீடு செய்ய வேண்டும்.. ஆனால் முதலீடு செய்யும் பணம் பாதுகாப்பாக இருக்க வேண்டும் என்று நினைப்பவர்கள் முதலில் தேர்ந்தெடுப்பது ஃபிக்சட் டெபாசிட்களைத் தான். FD-கள் வங்கிகளிலும் வழங்கப்படுகிறது.. போஸ்ட் ஆபீஸ்களிலும் வழங்கப்படுகிறது.. அப்படியானால் எங்கு வட்டி அதிகமாக இருக்கும்? எங்கு சென்று முதலீடு செய்வது லாபம் தரும்? என்று பலருக்கும் குழப்பம் வரலாம். உங்களுக்காக 5 வருட பிக்சட் டெபாசிட் திட்டங்களுக்கு ஸ்டேட் பேங்க் ஆப் இந்தியா வழங்கும் வட்டி விகிதத்தையும் போஸ்ட் ஆபீஸ் வழங்கும் வட்டி விகிதத்தையும் ஒப்பிட்டு பார்த்து ரூ. 2 லட்சம் முதலீட்டுக்கு எங்கு லாபம் அதிகம் என்பதை இந்தப் பதிவில் பாப்போம்.

தற்போது போஸ்ட் ஆபீஸ்களில் 5 வருட FD திட்டங்களுக்கு 7.5% வட்டி வழங்கப்படுகிறது. அதே போல ஸ்டேட் பேங்க் ஆப் இந்தியாவில் 5 வருடம் FD டெபாசிட்களுக்கு 6.5 சதவீத வட்டி வழங்கப்படுகிறது.

வங்கியில் லாபம்: 6.5% வட்டி விகிதத்தில் 5 ஆண்டுகளுக்கு ஸ்டேட் பேங்க் ஆப் இந்தியாவில் 2 லட்சம் ரூபாயை முதலீடு செய்தால் வட்டியாக 76,084 ரூபாய் கிடைக்கும். எனவே முதிர்ச்சியின் போது நீங்கள் மொத்தம் 2,76,084 ரூபாயை பெறுவீர்கள்.

இதுவே மூத்த குடிமக்கள் 5 ஆண்டுகளுக்கு ரூ.2 லட்ச ரூபாயை பிக்சட் டெபாசிட்களில் முதலீடு செய்தால் 7.5 சதவீத வட்டி விகிதத்தில் வட்டி வருமானமாக 89,990 ரூபாயை பெறுவீர்கள். இதன் விளைவாக முதிர்ச்சியின் போது மொத்தம் 2,89,990 கிடைக்கும்.

தபால் அலுவலகத்தில் லாபம்: தபால் அலுவலகத்தில் 5 வருட FD-களுக்கு, வட்டி விகிதம் 7.5%. நீங்கள் ரூ.2 லட்சத்தை முதலீடு செய்தால், 5 ஆண்டுகளில் ரூ.89,990 வட்டி பெறுவீர்கள். எனவே, முதிர்ச்சியின் போது, ​​நீங்கள் மொத்தம் ரூ.2,89,990 பெறுவீர்கள்.

மூத்த குடிமக்களும் முதிர்ச்சியின் போது இதே வட்டி விகிதத்தையும் மொத்தத் தொகையையும் பெறுகிறார்கள். SBI-யுடன் ஒப்பிடும்போது, ​​அஞ்சல் அலுவலகம் 5 வருட FD-க்கு அதிக வருமானத்தை வழங்குகிறது.

பொது மக்களுக்கு SBI பேங்க் வழங்கும் FD வட்டி விகிதங்கள்:

7 நாட்கள் முதல் 45 நாட்கள் வரை: 3.50%

46 நாட்கள் முதல் 179 நாட்கள் வரை: 5.50%

180 நாட்கள் முதல் 210 நாட்கள் வரை: 6.00%

1 ஆண்டுக்கு குறைவான FD-கள்: 6.25%

2 ஆண்டுக்கு குறைவான FD-கள்: 6.80%

2 முதல் 3 ஆண்டுகள்: 7.00%

3 ஆண்டுகள் முதல் 5 ஆண்டுக்கும் குறைவான FD-கள்: 6.75%

5 ஆண்டுகள் முதல் 10 ஆண்டுகள் வரை: 6.50%

தபால் அலுவலக FD வட்டி விகிதங்கள்:

1 ஆண்டு FD: 6.00%

2 ஆண்டு FD: 7.00%

3 ஆண்டு FD: 7.10%

5 ஆண்டு FD: 7.50%

5 வருட FD-க்கு, அஞ்சல் அலுவலகம் SBI உடன் ஒப்பிடும்போது மிகவும் அதிகமான வட்டி விகிதத்தையும் அதிக முதிர்வுத் தொகையையும் வழங்குகிறது.