ரூ. 10,000 முதலீட்டில் ரூ. 7 கோடி லாபம்.. ஸ்டெப்-அப் SIP-கள் பற்றி தெரியுமா?

சென்னை: மியூச்சுவல் ஃபண்டுகளில் முதலீடு செய்வது, பணக்காரர் ஆக வேண்டும் என்ற எண்ணம் உள்ளவர்களுக்கு சிறந்த வழி. SIP (Systematic Investment Plan) என்ற திட்டத்தின் மூலம், குறைந்த தொகையிலும் நீங்கள், மியூச்சுவல் ஃபண்டுகளில் முதலீடு செய்யலாம். SIP திட்டத்தை மேலும் சிறப்பாக மாற்றுவதுதான் ஸ்டெப்-அப் SIP (Step-up SIP). இந்தப் பதிவில், ஸ்டெப்-அப் SIP என்றால் என்ன, அது எப்படி வேலை செய்கிறது என்பதைப் பற்றி பார்ப்போம்.

ஸ்டெப்-அப் SIP என்றால் என்ன?: ஸ்டெப்-அப் SIP என்பது, உங்கள் SIP தொகையை காலப்போக்கில் அதிகரிக்கும் மியூச்சுவல் ஃபண்டு திட்டம் ஆகும். உங்கள் வருமானம் அதிகரிக்க வேண்டும் என்றால், அதற்கு ஏற்றபடி பணத்தை முதலீடு செய்ய ஸ்டெப்-அப் SIP-கள் உங்களுக்கு உதவுகிறது. சான்றாக, தற்போது மாதம் மாதம் ஸ்டெப்-அப் SIP திட்டத்தைப் பயன்படுத்தி ரூ.1,000 முதலீடு செய்து வருகிறீர்கள் என்றால், ஒவ்வொரு ஆண்டும் அல்லது அரையாண்டுக்கு ஒரு முறை SIP தொகையை ரூ.500 அல்லது ரூ.1,000 என உங்கள் விருப்பப்படி அதிகரித்துக் கொள்ளலாம்.

ஸ்டெப்-அப் SIP-கள் எப்படி வேலை செய்கிறது?: ஸ்டெப்-அப் SIP திட்டத்தைத் தேர்ந்தெடுக்கும்போது, நீங்கள் தொடக்கத்தில் எவ்வளவு தொகையை முதலீடு செய்ய இருக்கிறீர்கள். அத்துடன், எந்த கால இடைவெளியில், எவ்வளவு தொகையை அதிகரிக்க வேண்டும் என்பதையும் தேர்வு செய்ய வேண்டும்.

ஸ்டெப்-அப் சதவீதம் அல்லது தொகை: முதலீட்டாளர் எவ்வளவு அதிகமான முதலீடு செய்ய வேண்டும் என்பதை தங்காளாகாவே தீர்மானித்துக் கொள்ளலாம். இது குறிப்பிட்ட சதவீதமாகவோ அல்லது தொகையாகவோ இருக்கலாம். உதாரணமாக, அவர்கள் ஒவ்வொரு வருடமும் SIP முதலீட்டை 10 % அல்லது ஒவ்வொரு வருடமும் ரூ 1,000 ஆக உயர்த்திக்கொள்ளலாம்.

தொடக்கத்தில் மாதம் ரூ.1,000 SIP செய்யத் தேர்வு செய்து, ஒவ்வொரு ஆண்டிலும் SIP தொகையை 10% அதிகரிக்க விரும்பினால், அடுத்த ஆண்டு உங்கள் SIP தொகை ரூ.1,100 ஆகிவிடும். அடுத்த ஆண்டு ரூ.1,210 என SIP தொகை அதிகரித்துக்கொண்டே இருக்கும். எந்த கால இடைவெளியை செலக்ட் செய்து இருக்கிறீர்கள் என்பதை பொறுத்து ஆட்டோமேட்டிக்காக உங்களுடைய தொகை கால்குலேட் செய்து எடுத்துக் கொள்ளப்படும்

ஸ்டெப்-அப் SIP-கள் எப்படி வேலை செய்கின்றன என்பதை ஒரு உதாரணத்துடன் பார்ப்போம்.

உதாரணமாக, 30 வயது நிரம்பிய, இந்திய முதலீட்டாளரான ப்ரியாவைக் கருத்தில் கொள்வோம். 25 வருடங்கள் தொலைவில் உள்ள தனது ஓய்வூதியத்திற்காக அவர் சேமிக்க விரும்புகிறார். ப்ரியா தனது சம்பளத்தைக் காலப்போக்கில் அதிகரிக்க வேண்டும் என்று எதிர்பார்க்கிறார் மற்றும் தனது முதலீடுகளை காலப்போக்கில் அதிகரிக்க விரும்புகிறார். ஸ்டெப்-அப் SIP மூலம் மியூச்சுவல் ஃபண்டில் முதலீடு செய்ய முடிவு செய்கிறார்.

ஆரம்ப SIP முதலீட்டு தொகை: ப்ரியா மாதாந்திர SIP முதலீட்டு தொகையாக ரூ. 10,000 உடன் தொடங்குகிறார். அதேபோல ப்ரியா தனது SIP தொகையை ஆண்டுதோறும் அதிகரிக்க முடிவு செய்கிறார். ஒவ்வொரு வருடமும் தனது SIP தொகையில் 10% அதிகரிப்பை அவர் தேர்வு செய்கிறார்.

முதல் 5 ஆண்டுகள் ஸ்டெப்-அப் SIPகள் எப்படி வேலை செய்கிறது:

முதல் ஆண்டு: ப்ரியா முதல் ஆண்டில் மாதம் ரூ. 10,000 முதலீடு செய்கிறார்.

1ஆம் ஆண்டு முடிவில் மொத்த முதலீடு = ரூ. 10,000 * 12 = ரூ. 1,20,000

இரண்டாம் ஆண்டு: 2வது ஆண்டில் SIP தொகையை 10 % அதிகரித்து ப்ரியா மாதம் ரூ. 11,000 முதலீடு செய்கிறார்.

2 ஆம் ஆண்டில் மொத்த முதலீடு = ரூ. 11,000 * 12 = ரூ. 1,32,000

மூன்றாம் ஆண்டு: SIP மேலும் 10% அதிகரிக்கிறது, எனவே ப்ரியா மாதம் ரூ. 12,100 முதலீடு செய்கிறார்.

3ஆம் ஆண்டு முடிவில், மொத்த முதலீடு = ரூ. 12,100 * 12 = ரூ. 1,45,200

நான்காம் ஆண்டு: SIP மேலும் 10% அதிகரிக்கிறது, எனவே ப்ரியா மாதம் ரூ. 13,310 முதலீடு செய்கிறார்.

4ஆம் ஆண்டில் மொத்த முதலீடு = ரூ. 13,310 * 12 = ரூ. 1,59,720

ஐந்தாம் ஆண்டு: SIP மேலும் 10% அதிகரிக்கிறது, எனவே ப்ரியா மாதம் ரூ. 14,641 முதலீடு செய்கிறார்.

5ஆம் ஆண்டில் மொத்த முதலீடு = ரூ. 14,641 * 12 = ரூ. 1,75,692

இந்த முறை ஒவ்வொரு ஆண்டும் தொடர்கிறது, SIP தொகை ஆண்டுதோறும் 10% அதிகரிக்கிறது.

25 ஆண்டுகளில் மொத்த முதலீடு மற்றும் வருமானம்: மியூச்சுவல் ஃபண்ட் முதலீடுகளின் சராசரி ஆண்டு வருமானம் 12% என்று வைத்துக் கொள்வோம். SIP கால்குலேட்டரைப் பயன்படுத்தி, ப்ரியாவின் முதலீடுகளின் மதிப்பை நாம் தெரிந்துகொள்ளலாம்.

25 ஆண்டுகளுக்குப் பிறகு மொத்த கார்பஸ்: 10ஆம் ஆண்டுக்குள், ப்ரியாவின் மாதாந்திர SIP முதலீடு தோராயமாக ரூ. 25,937 ஆக அதிகரித்திருக்கும். 20ஆம் ஆண்டுக்குள், அவரது மாத SIP சுமார் ரூ. 67,275 ஆக இருக்கும். 25ஆம் ஆண்டுக்குள், SIP தொகை சுமார் ரூ. 1,08,347 ஆக இருக்கும்.

ஸ்டெப்-அப் SIP கால்குலேட்டரைப் பயன்படுத்தி எதிர்கால மதிப்பை தோராயமாக மதிப்பிடுவோம்: 25 ஆண்டுகளில் முதலீடு செய்யப்பட்ட மொத்தத் தொகை ரூ. 1.25 கோடி. 12 % ஆண்டு வருமானம் தரும் SIP திட்டம் என்றால் கூட்டு வட்டியின் மூலம் ப்ரியா எதிர்காலத்தில் தோராயமாக ரூ. 7 முதல் ரூ. 8 கோடி லாபம் பெறுவார்.

ஸ்டெப்-அப் SIP யாருக்கு சிறந்தது?: மாத வருமானம் காலப்போக்கில் அதிகரிக்கும் என்று எதிர்பார்க்கும் நபர்களுக்கு ஸ்டெப்-அப் SIP சிறந்தது.

மியூச்சுவல் ஃபண்டுகளில் முதலீடு செய்வது நீண்ட கால பணச்சேமிப்புக்கு சிறந்த வழி. ஸ்டெப்-அப் SIP திட்டம், நீங்கள் முதலீடு செய்யும் தொகையை காலப்போக்கில் அதிகரிக்க உதவுவதன் மூலம், உங்கள் நிதி இலக்குகளை எளிதில் அடைய உதவும்.