இப்படி திட்டமிட்டு SIP செஞ்சா ஓய்வுகாலத்துல மாசம் ரூ.3 லட்சம் கிடைக்கும்: நிதி ஆலோசகர் கூறும் ஃபார்முலா!!

சிஸ்டமேட்டிக் இன்வெஸ்ட்மென்ட் பிளான்ஸ் எனப்படும் SIP முறையில் தொடர்ந்து முதலீடு செய்து, அதன் தொகையை படிப்படியாக உயர்த்துவது, நீண்ட கால அளவில் பெரும் செல்வத்தை உருவாக்க உதவும். இது ஓய்வு காலத்திற்கு பிறகு வாழ்நாள் முழுவதும் மாதாமாதம் ஒரு நிலையான வருமானத்தை ஈட்டித்தரும் என நிதி ஆலோசகர் நிதின் கவுசிக் தெரிவித்துள்ளார்.

தனது 'எக்ஸ்' பதிவில், சீரான மற்றும் ஒழுக்கமான SIP முதலீடுகள் எப்படி வாழ்நாள் வருமானத்தை உருவாக்கும் என்பதை அவர் விவரித்துள்ளார். 35 வயது மருத்துவர் ஒருவரின் முதலீட்டு உத்தியை எடுத்துக்காட்டாகக் கூறி, SIP மூலம் செல்வத்தை உருவாக்கும் பலத்தை அவர் விளக்கினார்.

தனது பதிவில், "உண்மையான செல்வத்தின் உதாரணம்" என்று தலைப்பிட்டு, மாதந்தோறும் ரூ.75,000 SIP முதலீடு செய்யும் ஒருவரின் திட்டத்தை கவுசிக் விளக்கியுள்ளார். இந்த முதலீட்டை ஆண்டுக்கு 8% என ஸ்டெப் அப் செய்தால், 20 ஆண்டுகளில் கணிசமான நிதி சேரும் என்கிறார்.

சராசரியாக 11% கூட்டு வருடாந்திர வளர்ச்சி விகிதத்துடன் (CAGR), இந்த முதலீடு ரூ.10.5 கோடியாக உயரும். ஓய்வுக்குப் பிறகு 5% SWP (Systematic Withdrawal Plan) மூலம், மாதம் ரூ.3 லட்சம் என வாழ்நாள் முழுவதும் கிடைக்கும் என்று அவர் குறிப்பிட்டார்.

கவுசிக் தனது 'எக்ஸ்' பதிவில், "உண்மையான செல்வத்தின் உதாரணம்: மருத்துவர் (வயது 35) SIP = ரூ.75,000/மாதம், வருடாந்திர ஸ்டெப் அப் = 8%, காலம் = 20 ஆண்டுகள், வருமானம் = 11% CAGR, இறுதி நிதி = ரூ. 10.5 கோடி, ஓய்வுக்குப் பிந்தைய SWP @ 5% = ரூ.3 லட்சம்/மாதம் (வாழ்நாள் முழுவதும்). இது திட்டமிட்ட முதலீட்டின் சக்தி" என்று விளக்கியுள்ளார்.

தொடர்ச்சியான முதலீடுகளும், படிப்படியான ஸ்டெப் அப்பும் ஒருவருக்கு வாழ்நாள் முழுவதும் உதவக்கூடிய ஒரு செல்வ ஆதாரத்தை உருவாக்கும் என கவுசிக் சுட்டிக்காட்டுகிறார். "இது திட்டமிட்ட முதலீடு + படிப்படியான உயர்வு ஆகியவற்றின் சக்தி. சேமிப்பது மட்டுமல்லாமல், வாழ்நாள் முழுவதும் ஒரு பண இயந்திரத்தை உருவாக்குவது" என்கிறார்.

காலப்போக்கில் வளரும் சொத்துக்களில் முதலீடு செய்ய அவர் பரிந்துரைக்கிறார். கூட்டு வட்டியின் பலத்தால் செல்வம் பெருகும் என்றும், அதை படிப்படியாக கவனமாக மீட்டெடுத்து, நீண்ட காலத்திற்கு உதவும் வகையில் பயன்படுத்தலாம் என்றும் அவர் கூறினார்.

"சூத்திரம் எளிமையானது: சம்பாதி → முதலீடு செய் → முதலீடு வளரும் → நிலையாக திரும்ப எடு" என்று கவுசிக் தனது பதிவில் கூறியுள்ளார்.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.