ரூ.10000 SIP டூ ரூ.38 லட்சம் வருமானம்.. டாடா மியூச்சுவல் ஃபண்ட் செய்த மேஜிக்..!!

மியூச்சுவல் ஃபண்டுகளில் முதலீடு செய்வதற்கு முன், ஃபண்டின் பின்னணியைச் சரிபார்ப்பது மிகவும் அவசியம். அந்த வகையில், முந்தைய ஆண்டுகளில் கொடுக்கப்பட்ட வருமானம் எதிர்காலத்திலும் தொடருமா என்பதை ஆராய்ச்சி செய்ய வேண்டும். அந்த வகையில், டாடா மியூச்சுவல் ஃபண்ட் திட்டம் சிறந்த வருமானம் தரும் திட்டங்களில் ஒன்றாகும். மாதம் ரூ.10,000 சேமிப்பு பத்து ஆண்டுகளில் ரூ.38 லட்சம் வருமானம் கொடுத்துள்ளது.

பங்குச் சந்தையில் நேரடியாக முதலீடு செய்ய பயப்படுபவர்களுக்கு மியூச்சுவல் ஃபண்டுகள் சிறந்த வழி. மியூச்சுவல் ஃபண்டுகள் மூலம் ஈக்விட்டிகளில் முதலீடு செய்வதன் மூலம் அதிக வருமானம் பெறலாம். மேலும் எப்போது வேண்டுமானாலும் உங்கள் முதலீட்டை திரும்பப் பெறலாம். கடந்த சில ஆண்டுகளாக பல மியூச்சுவல் ஃபண்ட் திட்டங்கள் நல்ல வருமானத்தை அளித்து வருகின்றன. இதனால் மியூச்சுவல் ஃபண்டுகளில் முதலீடு செய்பவர்களின் எண்ணிக்கை அதிகரித்து வருகிறது. அதிலும் சிஸ்டமேடிக் இன்வெஸ்ட்மென்ட் பிளான் (எஸ்ஐபி) மூலம் சிறிய தொகையை முதலீடு செய்து அதிக லாபம் பெறுகிறார்கள்.

மியூச்சுவல் ஃபண்டுகளில் முதலீடு செய்பவர்கள் தாங்கள் தேர்ந்தெடுக்கும் ஃபண்டுகளின் பின்னணியை கவனமாகச் சரிபார்த்துக் கொள்ள வேண்டும் என சந்தை வல்லுநர்கள் கூறுகின்றனர். கடந்த கலத்தில் நல்ல வருமானம் கொடுத்த திட்டங்கள் நல்ல வருமானத்தை தருவதற்கான வாய்ப்புகள் அதிகம். அந்த வகையில்தான், டாடா மியூச்சுவல் ஃபண்டுகளின் 'டாடா மிட்கேப் க்ரோத் ஃபண்ட் நேரடித் திட்டம்' வருமானப் பங்கீட்டில் மேஜிக் செய்திருக்கிறது என்றே சொல்லலாம். கடந்த 10 ஆண்டுகளில் முதலீட்டாளர்களுக்கு அதிக லாபத்தை அளித்துள்ளது. கடந்த ஓராண்டில் எஸ்ஐபி முதலீட்டில் 19.37% வருமானத்தை அளித்துள்ளது. கடந்த 2 ஆண்டுகளில் 32.67% வருமானம் கொடுத்துள்ளது. கடந்த மூன்று ஆண்டுகளில் சராசரி ஆண்டு வருமானம் 29.22%. கடந்த 5 ஆண்டுகளில் 27.65% ஆண்டு சராசரி வருமானத்தை அளித்துள்ளது.

மாதாந்திர சேமிப்பான ரூ.10 ஆயிரம் மூலம் ரூ.38 லட்சம் சம்பாதிப்பது எப்படி?: டாடா மிட்கேப் குரோத் ஃபண்ட் கடந்த 10 ஆண்டுகளில் சராசரியாக 20.01% ஆண்டு வருமானத்தை அளித்துள்ளது. டிசம்பர் 2014 முதல், மாதம் ரூ.10,000 என தொடர்ந்து முதலீடு செய்து வந்தால் நல்ல வருமானம் கிடைத்திருக்கும். இந்தக் காலகட்டத்தில் உங்களின் மொத்தச் சேமிப்பு ரூ.12 லட்சமாக இருக்கும். இந்தத் தொகையில், வட்டி மற்றும் கூட்டு வட்டியைக் கணக்கிட்ட பிறகு மொத்த லாபம் ரூ.26.48 லட்சமாக இருக்கும். இப்போது உங்களுக்கு மொத்தம் ரூ.38.48 லட்சம் கிடைத்திருக்கும்.