அதிக வருமானம் தரும் டாப் மியூச்சுவல் ஃபண்ட்.. டாடா டூ மோதிலால் ஓஸ்வால் ஃபண்டுகள் உங்ககிட்ட இருக்கா?

மியூச்சுவல் ஃபண்ட் முதலீடுகள் பெரும்பாலும் ஆபத்தானவை. அப்படியிருக்கையில், ஒரு சில ஃபண்ட்கள் மட்டும் முதலீட்டாளர்களுக்கு லாபத்தை அள்ளி கொடுக்கின்றன. அந்த வகையில், கடந்த ஐந்து ஆண்டுகளில் மியூச்சுவல் ஃபண்டுகளின் வருமானத்தைப் பார்க்கும்போது, 7 திட்டங்களின் சிஏஜிஆர் 25 சதவீதத்திற்கும் அதிகமாக உள்ளது.

இந்த காலகட்டத்தில் மொத்தம் 196 மியூச்சுவல் ஃபண்ட் திட்டங்கள் கிடைத்தன, இது மட்டும் முதலீட்டாளர்களின் செல்வத்தை ஆண்டுதோறும் சராசரியாக 25 சதவீதம் அதிகரித்தது. இப்பட்டியலில் எந்தெந்த ஃபண்டுகள் உள்ளன என்று பார்க்கலாம்.

மூன்று ஃபண்டுகள் 30 சதவீதத்திற்கும் அதிகமாக உள்ளன:இந்த போர்ட்ஃபோலியோவில் உள்ள மூன்று ஃபண்டுகளும் 30 சதவீதம் அதிக வருடாந்திர வருமானத்தை வழங்கியுள்ளன. பேங்க் ஆஃப் இந்தியா ஸ்மால் கேப் ஃபண்ட் 34.12 சதவீத சிஏஜிஆருடன் முதலிடத்தில் உள்ளது. கனரா ரோபெகோ ஸ்மால் கேப் ஃபண்ட் ஆண்டுக்கு 31.51 சதவீத வளர்ச்சியைப் பதிவு செய்துள்ளது. எடெல்வைஸ் ஸ்மால்கேப் ஃபண்ட் 31.18 சதவீதம் வளர்ச்சி கண்டுள்ளது.

டாடா ஃபண்ட்: டாடா ஸ்மால் கேப் ஃபண்ட் ஐந்து ஆண்டுகளில் சராசரியாக 29.53 சதவீத வளர்ச்சியைப் பதிவு செய்துள்ளது. நிதி அளவு ரூ. 9,700 கோடி. செலவு விகிதம் 1.7 சதவீதம். நிகர சொத்து மதிப்பு அல்லது யூனிட் மதிப்பு ரூ. 36.91 ஆகும்.

இன்வெஸ்கோ இந்தியா:இன்வெஸ்கோ இந்தியா ஸ்மால் கேப் ஃபண்டின் சிஏஜிஆர் 28.83 சதவீதம் ஆகும். இந்த ஃபண்ட் அளவு ரூ. 6,298 கோடி ஆகும். செலவு விகிதம் 1.78 சதவீதம். நிகர சொத்து மதிப்பு ரூ. 37.92. இந்த ஃபண்ட் 80 பங்குகளில் முதலீடு செய்துள்ளது.

மிரே அசெட் ஃபண்ட்: இந்த ஃபண்ட் ஐந்தாண்டு கால சிஏஜிஆர் 27.17 சதவீதமாக உள்ளது. நிதி அளவு ரூ. 16,693 கோடி. செலவு விகிதம் 1.67 சதவீதம். நிகர சொத்து மதிப்பு அல்லது யூனிட் மதிப்பு 32.10. இந்த ஃபண்ட் மொத்தம் 82 பங்குகளில் முதலீடு செய்துள்ளது.

மோதிலால் ஓஸ்வால் ஃபண்ட்: மோதிலால் ஓஸ்வால் லார்ஜ் மற்றும் மிட் கேப் ஃபண்டின் சிஏஜிஆர் 25.60 சதவீதம். நிதி அளவு ரூ. 9,000 கோடி. செலவு விகிதம் 1.73 சதவீதம் ஆகும். நிகர சொத்து மதிப்பு அல்லது யூனிட் மதிப்பு 29.48 சதவீதம். இந்தத் திட்டம் 33 பங்குகளில் முதலீடு செய்கிறது.