தீபாவளி ஷாப்பிங்: சிறந்த கேஷ் பேக் & ரிவார்ட்ஸ் தரும் கிரெடிட் கார்டுகள்..!

தீபாவளி என்றாலே புது துணிமணி , பட்டாசு என செலவுகள் அதிகமாகவே இருக்கும். ஒவ்வொரு தீபாவளியையும் போலவே, இந்த வருடமும் பலவிதமான செலவுகள் நமக்காக காத்திருக்கின்றன. இச்செலவுகளை சமாளிக்கவும், தீபாவளி ஷாப்பிங்கை லாபகரமாக்கவும் கிரெடிட் கார்டுகளைப் பயன்படுத்தலாம்.

ஆன்லைன் மற்றும் ஆஃப்லைன் ஷாப்பிங்கில் கேஷ்பேக், ரிவார்ட்ஸ் பாயிண்டுகள், தள்ளுபடிகள் வழங்கும் சில கிரெடிட் கார்டுகள் இங்கு பட்டியலிடப்பட்டுள்ளன. இதற்காக கிரெடிட் கார்டு இருக்கிறதே என இஷ்டத்துக்கு பொருட்களை வாங்கி பின்னர் கடன் வலையில் சிக்கி கொள்ளாதீர்கள்.

எஸ்பிஐ கேஷ்பேக் கிரெடிட் கார்டு: இந்தக் கார்டு ஆன்லைன் செலவுகளுக்கு எந்தவொரு வணிகர் கட்டுப்பாடும் இல்லாமல் 5% கேஷ்பேக்கையும், ஆஃப்லைன் செலவுகளுக்கு 1% கேஷ்பேக்கையும் வழங்குகிறது. இருப்பினும், வணிகர் இஎம்ஐ மற்றும் ஃப்ளெக்சிபே இஎம்ஐ பரிவர்த்தனைகளுக்கு கேஷ்பேக் பொருந்தாது.

அமேசான் பே ஐசிஐசிஐ கிரெடிட் கார்டு: ஐசிஐசிஐ வங்கியின் இந்தக் கார்டு, ஐஷாப்பில் 4% கேஷ்பேக் வழங்குகிறது. அமேசானில் செலவழிக்கும் ஒவ்வொரு ரூ.100க்கும் புள்ளிகளைப் பெறலாம். பிரைம் உறுப்பினர்களுக்கு 5X புள்ளிகளும், பிரைம் அல்லாதவர்களுக்கு 3X புள்ளிகளும், 100+ கூட்டாளர் வணிகர்களுக்கு 2X புள்ளிகளும் கிடைக்கும்.

ஃபிளிப்கார்ட் ஆக்ஸிஸ் வங்கி கிரெடிட் கார்டு: மிந்த்ரா தளத்தில் 7.5% கேஷ்பேக்கையும், ஃபிளிப்கார்ட் மற்றும் கிளியர்ட்ரிப் செயலிகளில் 5% கேஷ்பேக்கையும் இந்தக் கார்டு வழங்குகிறது. விருப்பமான வணிகர்களிடம் வரம்பற்ற 4% கேஷ்பேக்கை பெறலாம்.

ஹெச்டிஎஃப்சி மில்லெனியா கிரெடிட் கார்டு: ஹெச்டிஎஃப்சி வங்கியின் இந்தக் கார்டு அமேசான்/புக்மைஷோ/ஃபிளிப்கார்ட்டில் 5% கேஷ்பேக் (ஒவ்வொரு காலாண்டிலும் ரூ.1,000 வரை) மற்றும் பிற செலவுகளில் 1% வழங்குகிறது.

ஆக்ஸிஸ் வங்கி ஏஸ் கிரெடிட் கார்டு: ஆக்ஸிஸ் வங்கியின் இந்தக் கார்டு, கூகுள் பே மூலம் பில் கட்டணங்கள் (மின்சாரம், இணையம், எரிவாயு மற்றும் பல), டிடிஹெச் மற்றும் மொபைல் ரீசார்ஜ்களுக்கு 5% கேஷ்பேக் வழங்குகிறது. மற்ற அனைத்து செலவுகளுக்கும் 1.5% கேஷ்பேக் மற்றும் ஸ்விக்கி மற்றும் சோமாட்டோவில் 4% கேஷ்பேக் கிடைக்கும்.

உயர் வட்டி விகிதங்கள், மறைக்கப்பட்ட கட்டணங்கள் போன்ற ஆபத்துகள் உள்ளதால், கிரெடிட் கார்டு பயன்படுத்தும் முன்பு வாடிக்கையாளர்கள் கவனத்துடன் இருக்க வேண்டும். தகவல் நோக்கத்துக்காக மட்டுமே குட் ரிட்டர்ன்ஸ் தமிழ் இந்த செய்தியை வழங்குகிறது.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.