ஓய்வூதிய த்திற்கு முன் ரூ.1 கோடி பெற வேண்டுமா? இத முதல்ல படிங்க.!!

நம் எல்லோருக்கும் ஓய்வுக்குப் பிறகு ஒரு நிம்மதியான, நிதிச் சுதந்திரமான வாழ்க்கை வாழ வேண்டும் என்ற கனவு இருக்கும். அதற்காக நாம் சேமிக்கிறோம், முதலீடு செய்கிறோம். ஆனால், எதில் முதலீடு செய்வது என்பதுதான் கேள்வி. இந்த இடத்தில், உங்கள் ஓய்வுக்கால கனவுகளை அடைய உதவும் ஒரு சிறந்த கருவியாக "ரிட்டயர்மென்ட் மியூச்சுவல் ஃபண்டுகள் (Retirement Mutual Funds)" திகழ்கின்றன.

முன்கூட்டியே ஓய்வுபெறத் திட்டமிடுபவர்களுக்கு, மியூச்சுவல் ஃபண்டுகள், இபிஎஃப், பிபிஎஃப் முதலீடுகள் மூலம் ஒரு கோடி ரூபாய்க்கு மேல் சேமித்து, மாதச் செலவு 50,000 ரூபாய், எந்தக் கடனும் இல்லாமல், உடல்நலக் காப்பீடுடன் ஓய்வுபெற நினைப்பவர்கள் பலர் உள்ளனர். அத்தகையவர்களுக்கு நிபுணர்களின் பரிந்துரைகளை ஈடி வெல்த் வெளியிட்டுள்ளது. ஃபின்ஃபிக்ஸ் ரிசர்ச் அண்ட் அனலிட்டிக்ஸ் நிறுவனத்தின் நிறுவனர் பிரப்லீன் பஜ்பாய் கருத்துப்படி, ஆண்டு பணவீக்கம் 6% ஆகவும், ஆயுட்காலம் 90 ஆண்டுகள் வரையும், ஓய்வுக்குப் பிந்தைய வருமானம் 5-6% ஆகவும் இருக்கும்பட்சத்தில், சுமார் 4-4.5 கோடி ரூபாய் ஓய்வூதிய நிதியை இலக்காகக் கொள்வது புத்திசாலித்தனம்.

தற்போதைய மாதச் செலவுகள் மற்றும் உள்ள சொத்துக்களின் மதிப்பின் அடிப்படையில், இன்னும் ஏழு முதல் எட்டு ஆண்டுகளுக்கு வேலை செய்து முதலீடு செய்வதே நல்லது. 50-51 வயதுக்கு அருகில் ஓய்வுபெற திட்டமிடுவது யதார்த்தமானது என்று அவர் கூறினார்.

ஓய்வுக்காலம் பல தசாப்தங்களாக நீடிக்கக்கூடும் என்பதால், வளர்ச்சி சார்ந்த சொத்துக்களில் முதலீடுகளைத் தொடர்வது அவசியம். இது நீண்டகால நிதி நிலைத்தன்மைக்கு உதவும்.

ஈக்விட்டி மியூச்சுவல் ஃபண்டுகளில் தொடர்ந்து முதலீடு செய்வது பரிந்துரைக்கப்படுகிறது. சிஸ்டமேட்டிக் வித்ட்ராயல் திட்டங்கள் (SWP) போன்ற ஒழுங்கமைக்கப்பட்ட திரும்பப் பெறும் முறைகள், மாதந்திர பணப்புழக்கத் தேவைகளை திறம்பட நிர்வகிக்க உதவும்.

கூடுதலாக, இதர மற்றும் அவசரகாலச் செலவுகளை ஈடுசெய்ய தனியான நிதியை உருவாக்குவதும் முக்கியம். இது எதிர்பாராத சூழ்நிலைகளைச் சமாளிக்க உதவும்.

ரிட்டயர்மென்ட் மியூச்சுவல் ஃபண்டு என்றால் என்ன?: ரிட்டயர்மென்ட் மியூச்சுவல் ஃபண்டு என்பது, உங்கள் வேலை செய்யும் காலம் முடிந்த பிறகு, அதாவது ஓய்வுக்காலத்திற்குப் பிறகு உங்களுக்குத் தேவையான நிதித் தொகையை (Financial Corpus) உருவாக்குவதற்காகவே பிரத்யேகமாக வடிவமைக்கப்பட்ட ஒரு முதலீட்டுத் திட்டமாகும். இவை "தீர்வு சார்ந்த மியூச்சுவல் ஃபண்டுகள் (Solution-Oriented Mutual Funds)" என்ற வகையின் கீழ் வருகின்றன.