ரெப்போ வட்டி குறைப்பு எதிரொலி!.. FD-ல் சிறந்த வருமானத்தை வழங்கும் வங்கி எது?

கடந்த வாரம் நடந்த ரிசர்வ் வங்கி கூட்டத்தில் வட்டி விகிதம் இரண்டாவது முறையாகக் குறைக்கப்பட்டது. ரிசர்வ் வங்கி ரெப்கோ விகிதத்தை 0.25% குறைத்துள்ள நிலையில், இப்போது விகிதம் 6%ஆகக் குறைத்துள்ளது. இந்தக் குறைப்பு வங்கிகள் தங்கள் வைப்புத்தொகை மற்றும் கடன் வட்டி விகிதங்களைக் குறைக்கத் தூண்டியுள்ளது. அந்தவகையில், HDFC வங்கி, ICICI வங்கி மற்றும் ஸ்டேட் பாங்க் ஆஃப் இந்தியா (SBI) போன்ற முக்கிய வங்கிகள் ரூ.3 கோடிக்கும் குறைவான நிலையான வைப்புத்தொகைகளுக்கு (FD) வழங்கும் தற்போதைய வட்டி விகிதங்கள் குறித்து தெரிந்துகொள்வோம்.

HDFC வங்கியில் வட்டி விகிதங்கள்: HDFC வங்கி இப்போது குறுகிய கால நிலையான வைப்புத்தொகைகளுக்கு குறைந்த வட்டி விகிதங்களை வழங்குகிறது. தற்போதைய விகிதங்களின்படி,

7 முதல் 29 நாட்கள் வரையிலான தவணைகளுக்கு 3% வட்டிவிகிதம், 30 முதல் 45 நாட்கள் வரையிலான தவணைகளுக்கு 3.50% வட்டி விகிதம்,46 முதல் 89 நாட்கள் வரையிலான தவணைகளுக்கு 4.50% வட்டி விகிதம்,90 நாட்கள் முதல் 6 மாதங்கள் வரையிலான தவணைகளுக்கு 4.50% வட்டிவிகிதம், 6 மாதங்கள் முதல் 9 மாதங்கள் வரையிலான தவணைகளுக்கு 5.75% வட்டிவிகிதம்,9 மாதங்கள் முதல் 1 வருடம் வரையிலான தவணைகளுக்கு 6% வட்டிவிகிதம்,1 வருடம் முதல் 15 மாதங்கள் வரையிலான தவணைகளுக்கு 6.60% வட்டி விகிதம்,15 மாதங்கள் முதல் 18 மாதங்கள் வரையிலான தவணைகளுக்கு 7.10% வட்டிவிகிதம் வழங்கப்படுகிறது.

அதேபோல், 18 மாதங்கள் முதல் 21 மாதங்கள் வரையிலான தவணைகளுக்கு 7.25% அதிகபட்ச வட்டி விகிதம் வழங்கப்படுகிறது. 21 மாதங்கள் முதல் 3 ஆண்டுகள், 3 முதல் 5 ஆண்டுகள், மற்றும் 5 முதல் 10 ஆண்டுகள் வரை நீண்ட கால வைப்புகளுக்கு 7% வட்டி விகிதம் வழங்கப்படுகிறது. மேலும், மூத்த குடிமக்களுக்கு அனைத்து காலங்களிலும் கூடுதல் 0.50% வட்டி வழங்கப்படுகிறது. 18 முதல் 21 மாதங்கள் வைப்பிற்கு, பொதுமக்களுக்கு 7.25% வட்டி வழங்கப்படும்; இதே காலத்திற்கு மூத்த குடிமக்களுக்கு 7.75% வட்டி கிடைக்கும்.

ஐசிஐசிஐ வங்கியில் வட்டி விகிதங்கள்: ICICI வங்கி தற்போதைய நிலையான வைப்பு வட்டி விகிதங்களின்படி, 7 முதல் 29 நாட்கள் வரை 3% வட்டியையும்,30 முதல் 45 நாட்கள் வரை 3.50% வட்டியையும், 46 முதல் 60 நாட்கள் வரை 4.25% வட்டியையும், 61 முதல் 90 நாட்கள் வரை 4.50% வட்டியையும், 91 முதல் 184 நாட்கள் வரை 4.75% வட்டியையும், 185 முதல் 270 நாட்கள் வரை 5.75% வட்டியையும் வழங்குகிறது.

மேலும், 271 நாட்கள் முதல் 1 ஆண்டு வரையிலான வைப்புத் தொகைகளுக்கு 6% வட்டியையும் வழங்கப்படுகிறது. அதிகபட்ச வட்டி விகிதங்கள் 1 வருடம் முதல் 15 மாதங்கள் வரை 6.70% வட்டியும், 15 முதல் 18 மாதங்கள் வரை 7.25% வட்டியும் ஆகும். 18 மாதங்கள் முதல் 2 ஆண்டுகள் வரை 7% வட்டியும், 5 முதல் 10 ஆண்டுகள் வரை 6.90% வட்டியும் வழங்கப்படுகிறது. 5 வருட வரி சேமிப்பு FD 7% வழங்குகிறது. மூத்த குடிமக்களுக்கு 0.50% கூடுதல் வட்டி வழங்கப்படுகிறது. இதனால் 15 முதல் 18 மாதங்கள் வரை வைப்புத் தொகைக்கு 7.25% பொதுமக்களுக்கு வழங்கப்பட, மூத்த குடிமக்களுக்கு 7.75% வழங்கப்படுகிறது.

SBI-யில் வட்டி விகிதங்கள்: SBI வங்கி தற்போதைய நிலையான வைப்பு வட்டி விகிதங்களின்படி, 7 முதல் 45 நாட்கள் வரை 3.50% வட்டி விகிதம், 46 முதல் 179 நாட்கள் வரை 5.50% வட்டி விகிதம், 180 முதல் 210 நாட்கள் வரை 6.25% வட்டி விகிதம்,211 நாட்கள் முதல் 1 ஆண்டு வரை 6.50% வட்டி விகிதம் வழங்குகிறது.

அதிகபட்ச விகிதம் 1 வருடம் முதல் 2 ஆண்டுகள் வரை 6.70%, 2 முதல் 3 ஆண்டுகள் வரை 6.90%, 3 முதல் 5 ஆண்டுகள் வரை 6.75% மற்றும் 5 முதல் 10 ஆண்டுகள் வரை 6.50% ஆகும். மூத்த குடிமக்களுக்கு (Senior Citizens) அனைத்து வைப்புகளிலும் கூடுதல் 0.50% வட்டி வழங்கப்படுகிறது. மேலும், 'SBI We Care' திட்டத்தின் கீழ், 5 முதல் 10 ஆண்டுகள் வரை FD-க்கு கூடுதல் 1% வட்டி வழங்கப்படுகிறது, இதன் மூலம் மொத்தம் 7.50% வட்டி பெற முடியும்.

ரெப்போ விகிதக் குறைப்பு என்றால் என்ன?: ரெப்போ விகிதக் குறைப்பு என்பது வங்கிகள் ரிசர்வ் வங்கியிடமிருந்து கடன்களைப் பெறுவது கடினம். இதனால் நிலையான வைப்புத்தொகை மற்றும் கடன் வட்டி விகிதங்கள் குறைகின்றன. வாடிக்கையாளர்களுக்கு, இது நிலையான வைப்புத்தொகைகளிலிருந்து முதலீட்டில் கிடைக்கும் வருமானம் குறைய வாய்ப்புள்ளது. கடன் பெறுபவர்களுக்கு (உதாரணமாக வீட்டு கடன்) வட்டி விகிதம் குறையக்கூடும், அதனால் EMI தொகையும் குறைய வாய்ப்புள்ளது. எடுத்துக்காட்டாக வீட்டு கடனுக்கான வட்டி விகிதம் குறைந்தால், மாதத்தோறும் செலுத்தும் EMI தொகையும் குறையும், இதனால் வாடிக்கையாளர்களின் செலவு சுமை குறையும்.

மூத்த குடிமக்களுக்கான சலுகைகள்: மூத்த குடிமக்களுக்கு அனைத்து வங்கிகளிலும் உயர்ந்த வட்டி விகிதம் வழங்கப்படுகிறது. , HDFC மற்றும் ICICI ஆகிய வங்கிகள் 'We Care' திட்டத்தின் கீழ் 0.50% அதிகமாகவும், SBI 5 முதல் 10 ஆண்டுகளுக்கு 1% அதிகமாகவும் வழங்குகின்றன, இதன் மூலம், மூத்த குடிமக்களுக்கு FD-ல் முதலீடு செய்தால் வட்டி வருமானத்தில் நல்ல உயர்வு கிடைக்கிறது, இதனால் அவர்களின் மாதாந்திர வருமானம் அதிகரிக்கவும், நிதி பாதுகாப்பும் உறுதியாகும்.

சிறந்த வட்டி விகிதங்கள்: சுருக்கமாக சொல்லப்போனால், HDFC வங்கி 18 முதல் 21 மாதங்கள் வரை FD-க்கு 7.25% என்ற உயர்ந்த குறுகிய கால வட்டி வழங்குகிறது. ICICI வங்கி 15 முதல் 18 மாதங்கள் வரை FD-க்கு 7.25% வட்டி வழங்குகிறது. SBI வங்கி 2 முதல் 3 ஆண்டுகள் வரை FD-க்கு 6.90% வட்டி வழங்குகிறது. 'We Care' திட்டம் மூலம், மூத்த குடிமக்களுக்கு SBI-யில் 5 முதல் 10 ஆண்டுகள் வரை FD-க்கு அதிகபட்சம் 7.50% வட்டி கிடைக்கிறது. வாடிக்கையாளர்கள் தங்களுடைய தேவைகளை பொருத்து திட்டங்களை தேர்வு செய்து, வட்டி விகித மாற்றங்களை கவனமாக பார்த்து, சரியான நேரத்தில் FD-யில் முதலீடு செய்வது நல்ல பலனை தரும்.