வெள்ளியில் முதலீடு செய்தவர்களுக்கு சிக்கல்? 21% சரிந்த Silver ETFகள்..! முதலீட்டாளர்கள் என்ன செய்ய வேண்டும்?

வெள்ளியின் விலை தொடர்ந்து சரிந்து வருவதால் இந்தியாவில் Axis Silver ETF போன்ற முக்கிய நிதிகள் 21% சரிந்தன, அதே நேரத்தில் மற்ற நிதிகள் 12% முதல் 17% வரை குறைந்தன. லாபப் பதிவு (profit booking) மற்றும் மார்ஜின் உயர்வு காரணமாக இந்த சரிவு ஏற்பட்டுள்ளது.

MCX-ல் வெள்ளி ஃபியூச்சர்ஸ் விலை குறைந்தது. இதனால், இரண்டு நாள் ஏற்றத்திற்குப் பிறகு வியாழக்கிழமை அன்று வெள்ளி ETF-கள் பெரும் சரிவைச் சந்தித்தன. வெள்ளிக்கிழமை ஓமனில் நடைபெறவிருக்கும் அமெரிக்கா-ஈரான் பேச்சுவார்த்தைகள் குறித்த செய்திகள், பாதுகாப்புத் தேவை (safe-haven demand) குறைவதற்கு வழிவகுத்து, விலைமதிப்பற்ற உலோகங்களில் அதிக லாபப் பதிவிற்கு (aggressive profit booking) இட்டுச் சென்றன.

கூடுதலாக, அமெரிக்க டாலரின் வலிமை மற்றும் MCXஇல் வெள்ளி ஃபியூச்சர்ஸ் மீது மார்ஜின் தேவைகள் அதிகரிக்கப்பட்டதும், வெள்ளியின் விலை மேலும் சரிவதற்கு முக்கிய காரணங்களாக அமைந்தன. இந்த வர்த்தக அமர்வில் வெள்ளி ETF-கள் அதிகபட்சமாக 21% சரிவைச் சந்தித்தன.

குறிப்பாக, Axis Silver ETF தனது முந்தைய ரூ275-ல் இருந்து, ரூ 216.86-க்குக் குறைந்து, சுமார் 21% பெரும் வீழ்ச்சியைப் பதிவு செய்தது. HDFC Silver ETF, ICICI Prudential Silver ETF, Edelweiss Silver ETF, SBI Silver ETF மற்றும் Kotak Silver ETF போன்ற பிற நிதிகள் 12% முதல் 17% வரை சரிந்தன.

வெள்ளி விலை கடந்த வியாழக்கிழமை பிறகு பெரிய அளவில் சரிந்தது. ஆனால் கடந்த 2 நாட்களாக உயர்ந்தது. ஆனால் இன்று விலை மீண்டும் குறைந்தது. இந்த ஏற்ற இறக்கம் தான் பங்குச்சந்தையிலும் எதிரொலிக்கிறது. MCX-ல் வெள்ளி விலை இன்றைய வர்த்தகத்தில் 9% சரிந்து, நாள் வர்த்தகத்தின் குறைந்த அளவாக ஒரு கிலோ ரூ 2,44,654 ஐ எட்டியது. தங்கத்தின் விலையும் சுமார் 3% சரிந்து, 10 கிராம் ரூ1,48,455 ஆக இருந்தது.

ஜனவரி 28 முதல் பிப்ரவரி 2 வரை , வெள்ளி மற்றும் தங்கத்தின் விலைகள் முறையே 32% மற்றும் 13% சரிந்தன. அதைத் தொடர்ந்த இரண்டு அமர்வுகளில், வெள்ளி 11% மற்றும் தங்கம் 6.5% மீண்டன. ஆனால் இன்று சரிந்துள்ளன. வெள்ளி பலவீனமாக இருந்து, $74 முதல் $91 வரையிலான அளவில் வர்த்தகம் செய்யும் என்று எதிர்பார்க்கப்படுகிறது, இது தோராயமாக ரூ2,35,000 முதல் ரூ2,85,000 வரை இருக்கும். $74-க்குக் கீழ் ஒரு சரிவு நிகழ்ந்தால், விலைகள் $69 அல்லது சுமார் ரூ2,20,000 வரை சரியலாம்.

வென்ச்சுராவின் (Ventura) CRM பிரிவின் தலைவர் என்.எஸ். ராமசாமி "தங்கம் மற்றும் வெள்ளியில் கூர்மையான சரிவுகள் காணப்பட்டுள்ளன, இதற்கு அமெரிக்க டாலரின் மீட்சியே காரணம் “ என்றார்.இனி வரும் நாட்களில் நிலையற்ற தன்மை அதிகமாக இருக்கும் என்பதால், வர்த்தகர்கள் 'சரிவில் வாங்கி, ஏற்றத்தில் விற்று' (buy-on-dips and sell-on-rallies) என்ற அணுகுமுறையைப் பின்பற்ற அறிவுறுத்தப்படுகிறார்கள்.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.